زوجي تفل بوجهي الطبيب يجيب
عنوان الموضوع : زوجي تفل بوجهي الطبيب يجيب
مقدم من طرف منتديات نساء الجزائر
زوجي تفل بوجهي
مدري كيف ابدأ
حياتي كئيبه بشكل م تتصورونه
عمري 21 وزوجي 25
زوجي قبيح جددا وانا جمالي ملفت حتى قريباتي قالوا ﻻ توافقين
بس انا تغاضيت ﻻنه هذا عيبه الوحيد تقريبا
متدين و جامعي ووظيفته مرموقه غير انه من عائله محترمه وثريه
انا ما ترددت حتى في الموافقه
فتره الملكه كانت فقط خمس شهور كلها مجامﻻت خاصه انه ثقيل شؤي
وانا استحي فقلت عادي بعد العرس بتقبله
المصيبه انه صار لنا سنه ونص وانا مو قادره اتقبل شكله
هو حبوب يحب المزح صوته حلو دايم اركز على ايجابياته بس كلما اتذكر شكله ابكي
وكررهت السرير معه اي شي اﻻ السرير
حس في بدايه زواجنا بهالشي بس ما تكلم
واحيانا بعد مايخلص يشوفني ابكي كان يسسال ويقول وشفيك ي فﻻنه
يعني يهتم و يسوي اي شي عشان اتكلم
آخر شهرين قلل من رغبته في السرير حتى انا استغرربت وقلت يمكن عشاني
انكسر خاطري عليه وبادرت ﻻول مره من تزوجنا
وسالني قالي اذا بتبكين ما يحتاج
قلتله ﻻ ما رح ابكي بعد ما خلصنا كان حاضني وبدا الشيطان يوسوس لي
فكرت وش بيكون شكل عيالنا بعدين وجتني افكار مدري من وين
وبعدها نزلت دموعي وشافني وتغيرت مﻻمحه
قالي تكفين بطلبك طلب اذا تغليني جاوبي
قلت له وش؟
قالي انتي تبكين عشان شككلي ؟ انا ماتكلمت وماقدرت اكذب هزيت راسي يعني كني اقوله ايه
وانفجرر بعدها مع انه وﻻ مره رفع صوته صار يصارخ وهذي خلقتي وووو...
وانا اتاسف مع اني كنت ابي اكون صريحه بس
بعدها تفل وانفجعععت من بعد ذاك الدﻻل واﻻهتمام يتفل
وطلع برا البيت ومن بعدها يجي ياكل وينام وما يكلمني وانا مستحيل اتاسف منه ﻻني تاسفت اصﻻ وهو تفل بوجهي
صار له 3 اسابيع كذا مدري شسوي
>>>>> ردود الأعضـــــــــــــــــــاء على الموضوع <<<<<
==================================
هو حبوب يحب المزح صوته حلو دايم اركز على ايجابياته بس كلما اتذكر شكله ابكي
بالله !
ويوم تاخذينه ليه !
انتي شكلك دخلتي الحياه الزوجيه
ولم تعرفي مامعنى الحياه الزوجيه اصلا
ولاتقولين قبيح انتي تشوفينه قبيح لانك قلتي انا جميله
وانتي صرتي تقارنين خشمك بخشمه عيونك بعيونه حواجبك بحواجبه
وك ماطالعتي بالمرايه على قولتك وجهك الجميل وصرتي تبكين وتقولين ليش هو كذا
والشيطان يمتر ويقيس ويخيط وانتي تلبسين
كل ماشفتي رجل صرتي تقارنين
وخلاص انعمى من عينيك اي لمحه جمال
اكيد فيه ولو لمحه جمال
وبعدين
قلتي اخلاقه جميله
وش تبين اكثر من كذا
وبعدين جالسه تفكرين بعيالك !
والله سبحان الله لايكون انتي الي بتشكلينهم بيدينك وانا مادري
اكثر مايمقتني الي يتشمت بخلق غيره كانه هو الي صنع نفسه!
حبيبتي.. سامحيني على كلامي القاسي لكن جدا قهريتيني
انا ماقول انه اخطاء
لكن تحمل الكثير منك ترا!
حبوب وطيب وصوته حلو
وانا متاكده لو شفتي وجهه زين لقيتي لمحات جمال مافي انسان قبيح
لو قبيح على قلواك كان اهلك رفضوه لكن هم يشرون رجل لبنتهم مو شكل !
لكن انتي تشوفينه بعينك قبيح لانك على قولتك واو قمه في الجمال والي كأن الي خلقكك مو خلقه
مو عارفه راح تجيبني عيال منه والا فاكره راح يطيحون عليك من السماء!
جيبي ورقه وقلم وخليك صريحه
واكتبي سلبيات زوجك وإيجابياته
وشوفي وش اكثر
وانا متاكده علشان الشكل بس
وقرري ..
وبعدين وليش تزيديين الفجوه بينكم
وان احتاج احد ترا هو انسان بعد يبي احد يكلمه يسمعه
مو رجل يعني بلا قلب
وانتي اهنتيه ترا اهانه كبيره انتي مو حاسه فيها
الله يصلحك يابنتي..
صلي ركعتين وروحي له قولي انا اسفه وراح ابدا من جديد وهذا طيش
والا انا احبك
وماتزوجتك الا اني احبك
امسكي زوايا حياتك الزوجيه والا ترا هو بشر بعد تحملك سنه وزياده
فما يضر واتوقع يستاهل انك تغضين البصر شوي عن تصرفاته
وتتنازلين شوي
حبيتبي وش هدفك من الزواج الشكل !
كان عندك فرصه قبل لكن على قولتك الاخلاق اهم شي وين كلامك حبيبتي!
متاكده انه كويس وفي لمحات جمال
الله يوفقكك
__________________________________________________ __________
الي يشوفك الان يقول ملكة جمال ، وانا مادري
شوفي حبيبتي انا ما ابي اجرحك لاكن الخطا منك مو منه
يعني انتي جرحتيه جرح مو قليل كثير جداً : وانا متاكدة حتى لو تاسفتي ما راح يرجع مثل أول راح ياخذها هـ الكلمة الي قلتيها لـ طول حياته
الله يسامحك بس
__________________________________________________ __________
الجمال زائل
خصوصا النساء لما تكبري رح تصيري عجوز شمطاء ويروح كل الجمال
اهم شي الاخلاق
والاطفال ييطلعوون حلووين لا تخاافي
حتى لو ما طلعوو مثلك رح تشوفينهم حلوين لان القرد بعين امه غزال !
__________________________________________________ __________
المشاركة الأصلية كتبت بواسطة روزالـيندا 
حرام عليك
الجمال زائل
خصوصا النساء لما تكبري رح تصيري عجوز شمطاء ويروح كل الجمال
اهم شي الاخلاق
والاطفال ييطلعوون حلووين لا تخاافي
حتى لو ما طلعوو مثلك رح تشوفينهم حلوين لان القرد بعين امه غزال !
هههههه يسعد صباحك ياقمر
ضحكتيني الله يسعدك.. وربي ضحكتيني
تفضلي كاسة حليب ساخن لعيونك
..
شوفي حبيبتي صاحبه المشكله:: الله يوفقكك ويصلح مابينكم
انتي ماتلاحظين اذا جلستي مع بنات وتناقشتي بشكل فلان او فلانه!
انتي تقولين حلو وصديقتك تقول وع مو حلو!
صح ولا لا !
يعني على قولتك انتي جميله ناس تشوفك قمه في البشاعه
وزوجك على كلامك يشوفونه ناس قمه في الجمال واولهم اهلك
صح ولا لا !
فاتوقع وصل الكلام
الحياه الزوجيه اكبر من كذا
فكبري عقلك وفكري ليش تزوجتي انتي
ووش هدفك بالزواج
الله يوفقكك حبيبتي الحياه قدامك وانتي فيك خير كبير ومتاكده قلبك طيب وكبير ورحيم وتحبين زوجك وودك تتقربين له ومشتاقه لكلامه وصوته ومزحه صح ولالا!
خلاص حبوبه روحي له ماينفع العناد
انتي قلتي يدللك كثير ومهتم
مايستحق منك شوي اهتمام بعد!
الحياه الزوجيه ياحبيبتي
تسامح . تغاضي . غض الطرف عن اخطاء الاخر. ابتسامه . تقبل . سعاده . هدوء
الله يسعدك حبيبة قلبي ويوفقكك ويسخرلكم لبعض ويبعد عنكم كل مكروه
بالتوفيق
__________________________________________________ __________
حرااااام عليك اهم شي جمال الروح مو جمال الوجه وبعدين شوفي الاجنبيات تشوفين الوحده جمال وعيون ملونه وشقره وجسم ومتزوجه عبدمثل عبايتك وتعشقه وتموت فيه
رد مع اقتباس
