عنوان الموضوع : رايح يخطب بنت عمي و خطبني -تم الاجابة
مقدم من طرف منتديات نساء الجزائر

رايح يخطب بنت عمي و خطبني



والله ماني عارفه شنو اقول وشنو اخلي
بنت عمي تحدد لها يوم يجي خطيبها و يشوفها النظرة الشرعيه
الولد استأذن يروح الحمام و باب الحمام مقابل لباب المطبخ وكنت داخل و مو لابسه الا ميني جلابيه و على قولتهم الاخت كاشخه و معاي كل البنات بس هم على الطرف و انا على الطاولة
الولد فكرني البنت و خلص من الحمام اعزكم الله انتبهت لها ونززلت بعيد عنه لاني بدون حجاب
دخل وقالو له لازم تشوف العروس اللي هي بنت عمي و قال انا شفتها قالو له كيف متى قالو مايصير لازم تدخل و دخلت وكانت معجبه فيييييه بقوة و قال بس مو هذي اللي شفتها
حطو ايدهم على راسهم اجل شفت من ووصفني لهم وقال ابيها


بنت عمي زعلانه كثير و صح علاقتي فيها ما كلش طيبه بس تضل بنت عمي وبيني وبينكم استخرت وارتحت له بس احس ان راح تصير مشاكل بين اهلي واهلها رغم ان الولد حبوب و مؤدب وما كلش وسيم بس يدخل القلب على قولتهم و كذا مره استخرت بس ابي سبب ارفضه ومنها احسن علاقتي فيها ومنها ماسوي مشاكل

مادري احس ان بتصير مششاكل مع ان اهلها تقبلو الامر عادي و كل واحد ونصيبه بس هييي احسها كرهتني اكثر

>>>>> ردود الأعضـــــــــــــــــــاء على الموضوع <<<<<
==================================


هو صحيح شي يقهر بس هذا قسمه ونصيب وحتى لو تزوجها بتصير مشاكل لان هو اعجب بيك مو بيها
وافقي مادام اهلها تقبلو الامر
وهي بيجيها نصبيها
الف مبرووك


__________________________________________________ __________

انا راي ترفضيه الا اذا كانت هي موافقة والا رفضيه فهي بنت عمك مهما كان


__________________________________________________ __________

حبيبتي ..
بالمنطق
ارفضيه عشان بنت عمك ...
او اطلبي منهأأأأ رايها ...
اذا وافقت كان بها
واذا لا لاتوافقي..


__________________________________________________ __________

استخيري الله فيه من استخار الله ما خاب


__________________________________________________ __________

مشكله بجد بس انا لو بمكانك ارضى بنصيبي