السلام عليكم ورحمة الله’‘
بصراحه انا عندي كم مشكله وحابه انكم تساعدوني واكون متشكرة
انا انسانه ما اعرف اوصف نفسي؟ ما اعرف اتكلم عن نفسي؟ ما اعرف عني مزبوط؟
ممم بحاول اني اوضح..
اول شي دحين زي ما انتوا عارفين انو الاختبارات خلصت وفي من الي بكرا حيخلصوا زيي بإزن الله
وحابا دي الاسبوعين اهتم بنفسي وأوعيها اكتر.. ابا اطور من نفسي ابا اصير واثقه بنفسي اكتر من دحين وما اخاف، يعني متلا اباكم تعطوني اسماء كتب مفيده جدا وتطور من شخصيتي او مستوى تفكيري او ثقافتي بصفه عامه، حتى لو بالنت ابا مواضيع حتى لو بصفه عامه.. اهم حاجه انها مهمه ليا وحتفيدني اكتر .. زي ايش؟
وانا عندي مشكله كمان الي هيا لما اروح عند قريباتي احيانا احس ما اقدر اهرج زي الناس ويكون احيانا كلامي مخربط، اما الي اعرفهم واجلس معاهم كتير الحمدلله لكن البقيه لأ.. وانا ابغا اتفتح واكبر دائرتي المعرفيه ابا اتعرف على ناس اكتر حتى بالمدرسه ما اعرف كيف اتعرف؟ لما اسأل صحباتي يقولو لمحي لها وانا ما اعرف كيف التلميح؟
وما اعرف للبدايات وما اقدر اركز مزبوط ........ ان شاء الله مشكلتي واضحه لاني لما دحين احس في شي احس ماطلعت الي فقلبي!
حتى ماما وبابا ولاتفهموني غلط احبهم واساعدهم وكل شي بس ما اعرف اهرج معاهم ولا اعرف افتح موضوع دايما كلامنا شي سطحي... مو سطحي سطحي بس يعني يافلانه شلي وارفعي وكيف حالك وترجعوا بالسلامه... مره اشياء بسيطه وما اقدر احاول بس مافي
الزبده ابا ارتب وقتي يابنات من يوم الخميس إزا ربنا اراد او السبت اعطوني جدول انظم فيه وقتي واحنا ماعندنا شغاله بما انو عطله استغفرالله
ف يوم ليا ويوم لاختي غير الترتيب كلنا وابا اجزء وقتي وانا ححاول وابا اسماء مواضيع حلوة جدا لاني ان شاء الله حخصص دفتر اكتب فيلوا كل شي
والحمدلله بديت حفظ اذكار الصباح والمساء وغيرها ماشاء الله ... بس حابا اسألكم سؤال وياريت الي فاهمه تقولي وهي لما بنقول الاذكار ايش تخلي نيّتك لها؟
زي مثلا الاستغفار انا قريت لو كلام مره جميل بس حختصر وبقول الي اعرفه وحابا تفيدوني اكتر يمكن في اشياء احلى وما انتبهت لها
انو لما تستغفري تحطي اجر للدنيا (من لزم الاستغفار جعل له من كل هم فرجا ومن كل ضيق مخرجا ورزقه من حيث لايحتسب) وللاخره (بورك لمن وجد في صحيفته
استغفارا كثير) وكمان تحطي نية انو ربي يرحمك وو ... صح عليا ؟ لاني قريتها في القران انو الافضل تقولوا ربنا اتنا في الدنيا حسنه وفي الاخره حسنه وقنا عذاب النار مو بس نفكر بالدنيا
طيب كلمة (لا إله إلا الله) كيف استشعرها؟ يعني انو مافي إله نعبدوا ونصلي لو ونصوم ووو إلا لله .. صح عليا ؟
الزبدة يا حلوات ياقمورات واسفه على الاطاله مررره اباكم تساعدوني بالاشياء الي قلتها فوق ابا اتغير انا 180 درجه ابا اروح عند خوالنا ويقولوا ماشاء الله البنت تغيرت
ابا احس بوجودي اكتر ابا اتناقش مع الكل بثقه وادا احد تمسخر فيني كيف ارد؟ اكيد لو كانت كبيره احترمها بس اعطيها رد يعني انو انتي كبيره كيف يجي منك كدا وو
لانو تصير ساعات والحمدلله ماصار ليا شي بس خفت يعني هههه .... واي شي حلو ومفيد ياريت تساعدوني وماتبخلوا والاجر عند الله كبير
ابا اتغير 180* مجابة
رد مع اقتباس
