عنوان الموضوع : زوجي طلقني و بموت و ارجعله .. رجعت !!!!!!!! مجابة
مقدم من طرف منتديات نساء الجزائر

زوجي طلقني و بموت و ارجعله .. رجعت !!!!!!!!



بسم الله الرحمن الرحيم

اخواتي العزيزات ..
حبيباتي ..
صديقاتي ..

انا صاحبة الموضوع
زوجي طلقني .. و بموت و ارجعله
و الجزء الثاني منه
زوجي طلقني و بموت و ارجعله .. من جديد


المهم يا بنات يا حبيباتي يا اللي ما تركتوني و لا لحظه ربي يخليكم لي يا رب و يخليكم لبعض
بكتب لكم و انا الروح و الحمدلله راده فيني .. و السعاده اللي فيني ما حسيتها من اكثر من سنه .. و حبيت ابشركم اني رديت لزوجي و لله الحمد ..
رجعت امبارح من الجامعه و لقيت سيارته عند بيتنا .. مرررره تفاجأت و توقعت شي صار و لا كذا و جو يقولون لنا .. مدري ليش كذا فكرت بس المهم ..
دخلت امي قالت لي انه بالمجلس مع ابوي و قال له انه يبيه بموضوع مهم .. و بعدها ابوي جاني و قال لي انه يبي يخطبني من جديد ..
و الله العظيم يا بنات ما تصدقون الفرحه اللي استوت فيني .. و الله بس من النور اللي صار بوجهي ابوي ابتسم و قال لي خلاص صار .. و و الله كنت بموت من الحيا كأنه اول مره يخطبني
المهم كلمني بعدها على التلفون و اتكلمنا 5 ساعات ع التلفون << ما صدقنا خخخخخ
و اليوم كلمتني امه و ابوه كلم ابوي يتفقون ع التفاصيل .. و هو يبي الزواج بأقرب فرصه بس انا ابي وقت علشان ارجع اهتم في نفسي و كذا و ارجع مثل العروس
الحمدلله و الشكر لله .. و الله يا بنات ما ادري وش اقول لكم .. مشكوريييين من جد .. انتو اللي خليتوني ارجع لربي .. و اسجد و اقوم الليل لجل ربي يرد لي حبيبي .. و الله بس الحمدلله انه دلني على هالمنتدى و هالاخوات .. الحمدلله الحمدلله الحمدلله
الحين ابي نصايح زوجيه خخخخخخخ .. و ايش اسوي و كذا علشان ارجع عروسه من جديد
ربي يهنيكم يا رب و يرزقكم من حيث لا تحتسبون حبيباتي ..
و و الله يا بنات بقول لكم شي .. هذا كله من فوائد الاستغفار .. الزموا الاستغفار و الله ربي يفتحها عليكم و يحقق لكم اللي في مرادكم كله يا رب ..

>>>>> ردود الأعضـــــــــــــــــــاء على الموضوع <<<<<
==================================


مبرووووووووووووووووك حبيبتي والله يتمملك على خير يارب ادعي لزوجي الله يشفيه


__________________________________________________ __________

اللهم لك الحمد والشكر

الف مبروووووووووك حبيبتي ، الله يتمم عليك بالسعاده والرضا ان شاءالله
والله فرحت لك من كل قلبي الله يسعد اوقاتك دائما وابدا
ونصيحه مني .. لا تطلبين نصائح من احد ، هذا زوجك وسعادتك اللي بكيتي من اجلها ليالي
كثيـــــره ، يكفيك تحبين ايامك وحياتك وتحبين وجود هذا الانسان في حياتك هذا بحد ذاته
بيعطيك نور تشوفين من خلاله طريق سعادتك بإذن الرحمن ، سعادتك في رضا الخالق ثم في
رضا زوجك ، عامليه بمايرضي الله لكي يعاملك هو بالمقابل بالمثل وازرعي الموده والرحمه
في قلبك وفي قلبه ولا يأتي ذلك الا بالكلمه الطيبه والوجه المبتسم والقلب القنوع

ادامها الله عليك من سعاده وفقك الرحمن لما يحب ويرضى ان شاءالله


__________________________________________________ __________

ألف ألف ألف مبروك عليك
انا كنت من المتتبعين لقصتك من البداية ودعيت معك عن ظهر قلب
الحين دخلت المنتدى وشوفت موضوعك والله والله فرحت من قلبي لك حتى حسيت ببكاء ماعرفت ليش بكيت
هنيئا لك والله يسعدك في حياتك الزوجية ولاتعيدين الأغلاط اللي غلطتيهوم في الأول


__________________________________________________ __________

مبرووووووووووووووووك حبيبتي والله يتمملك على خير


__________________________________________________ __________

الحمد لله الدي من عليك بالفرج سبحانه وتعالى انه على كل شيئ قدير اطلب من الله ان يحببك في عيون زوجك ويقر عينك به ويقر عينه بك ويسعد ايامكم ويبعد عنكم عيون الحاسدين