عنوان الموضوع : بناااات ساعدووني الله يخليكم مجابة
مقدم من طرف منتديات نساء الجزائر

بناااات ساعدووني الله يخليكم



السلام عليكم ورحمة الله وبركاته

يابنات بليييييززز ساعدووني والله اني محتاره وضايعهه يابنات انا الحين انخطبت والحمدلله ومني عارفه ايش اسوي مني عارفه ايش ازبط وكيف مررره ضايعه ولاا لي اخواااات يساعدوني وامي كبيره ولاتفهم هذي الحاجات مو قصدي شي وبالعكس احبببهاا لكن والله ماتفهمني خاصة انها كبيره الله يحفظها لنا :"(
من يوم انخطبت جلست تقولي اهتمي بنفسك ودهّني بالكريمات وانا اطالع فيها احس اني بصييييييحح لامو كذا صحباتي ايام خطوبتهم يتكلمون عن حاجات اكبر من كذا مو قصدي شي بس مدري احس من كلامهم انه امهم مهتمه فيهم وتساعدهم وتنصحهم حتى بالاكل والشعر تجيب لهم زيوت تناسب شعرهم وتساعدهم ف الحمام من شامبو وصوابين
حتى بأيام الملكة مااااني عارفه كيف بتصرف ضايييييعهه يابنات مني عارفه من فين وكيف ببدأ
حاسه بدوووامه ومن يوم اتذكر الزواج اجلس انفض واهوجس فيه شوي وافك الخطبه
وعن سبب موافقتي؟ هذي مو المره الاولى والحمدلله والفضل له اكيد وكنت متخوفه جدا منه
لكن ابوي هالمره مسكني على جمب وتعرفون كلام الاب للبنت كيف وانه يبي مصحلتها ...وانه يبي يشوف احفاده :$$$
غير اخواني.. وبنفس الوقت تقريبا كل بنات عايتنا الي مخطوبه والي تزوجت وانا عديت العشرين ترا .. وماحد يدري اذا راح يتم او لا ..وهذي الدنيا والحمدلله على كل حال بس والواحد ياخذ بالاسباب وقلت انزل من الحين عشان لا اتوهق وانا من الحين متوووهقه واعصابي بتنفلت كل ما اتذكر مني عارفه من فين ابدأ ؟
انا الحين افكر بالعنايه بس مني عارفه ايش الانسب لي من الخلطات بليييز لاتقولولي روحي لقسم كذا وكذا والله مافيني للعفس وجلس اعصب ومالقى شي انا من التوتر اذا مالقيت شي اقلب الدنيا استغفرالله بس والله موبيدي فا ارجووووووكم يابنات ساعدووني واعتبروها لوجه الله والي عندها فكره او مخطوبه زيّ او حتى متزوجه تقولي ايش وكيف عملت ايام خطوبتها وبعد الملكة .. وانا اتوقع فحق الملكة ممكن خالتي تساعدني
بس والله يابنات ما ابي احرج نفسي انا وامي معاها وهي ماتقصر بس بعد مابي اصير زي البلهه تروح وراها ابي افكار ,,وشعري بعدددد ابي اهتم فيه من الحين قبل الحوسه والملكة وانا شعري حاااف وجاف وابي زيت مناسب وكل ماسألت احد جاب لي الي سواه او جاب لي خلطةة مدري كيف قشطة ومايونيز انا ما احب كذا والمناطقه الحساسه كيف اعتني فيها
خاصة انها سمرا وركبيييييييي والي يارليتني سمعت كلام امي لكن الحمدلله وان شاء الله ربي يبارك لي بالوقت
انا بشرتي جافة على عاديه ماشاء الله وكمان وجهي .. بس مكان الدقن الي تحت الفم اسسسمر عندي ومن زمان وانا ابي اعالجه لكن ماحد حولي ولاعندي احد يروح يشتري لي إلا اذا كان مضمون ممكن يوافق هه
واخر شي معليش بس والله قلت مره وحده وما ابي اطفشكم كل شوي موضوع عشان شي بسيط واعرفكم ماتقصرون ‘ الله يكتبلنا عللللى قد نيّاتنا ويوفق الجميع.. انا عندي شوي صلع من قدام وابيه يطلع شعر... سألت امي مره وقالت عن الثوم وانتم يابنات تعرفون ريحته كيف؟ وبصراحه خايفه تجلس معاي الريحه حتى بعد ما اغسل شعري بس شكلي مارح القى حل انسب لان الاغلبيه يمدحه لي مرة جدتي كانت تتكلم وقالت بانها تعرف وحده سوت كذا والنتايج حلوه بس يبي لها صبر وعلى الريحه كمان هههه عارفتنا.. بس مني عارفه كيف الاستعمال وكم المده؟
ويابنااااااااات بللللليييززز ادعوووليي ادددعولي لاتنسوني ان ربي يفرج همي وييسر اموري وتعدي على خيرر والله خايفه حدي متوووتره وهذا لسا ما ملكة لو ملكة شسوي t.t يارب اني كنت اتمنى لي اخت اكبر مني تساااعدنني وتفهمننني أخ بس

وبس الله يعطي كل الي يساعدوني العافيه ويوفقهم ويبارك لهم في حياتهم ويرحمنا جميعا على خير

>>>>> ردود الأعضـــــــــــــــــــاء على الموضوع <<<<<
==================================


الله يتمم لج على خير حبيبتي ويفرج همج آمين يارب العالمين
اان شاء الله البنات يفيدوكي


__________________________________________________ __________

هدي أعصابك اول شي ..و بعدين اكتبي الأشياء الي لازم تسوينها وحدة وحدة وحاولي

تسوينهم و خلي احد من العيلة يكون قريب من عمرك يساعدك علشان احنه لو بنكتبلك

ما رح نلحق لو كنتي محددة شي معين كان ممكن...

الله يتمم لك على خير و يوفقك يارب


__________________________________________________ __________

والله نا اعرف شي انا لا انخطبت ولا شي بس انا الي اعرفة انك اول شي لازم ترتبي افكارك وحدة وحدة وتبدين من الاهم الى المتوسط وهكذا وبعدين مو معقولة ما عندك شخص يساعدك وان شاء الله يتم كل شي على خير واتمنى تتوفقي


__________________________________________________ __________

استعيني بالله وهدي نفسك مولازم كل هالقلق والخوف بالراحة حبيبتي الزواج حاجة عادية لا تسمعي بحكي البنات ودخلي لقسم العناية بالبشرة والشعر وحتلاقي وصفات الي تناسبك بس لا تتهوري وأي حاجة تجربها شوفي الي يناسبك أما بسوق اكتبي كل حاجة في الورقة وكلما رحت السوق اشتري شوية وأي حاجة تشتريها احذفيها من الورقة بس لما تروحي السوق خودي معك حد في سنك وتكون عندها ذوق حلو ربنا يعينك ويسهل عنك ومو لازم تتلخبطي وتكلفي نفسك اكتر من اللازم ربنا يكملك بالخير ويسعدك


__________________________________________________ __________

أمم أول شيء مبروك ~
آلله يتمم لك بخير ي رب
شوفي لشعرك بقولك شيء مجرب ..
صديقتي مرهه شعرهآ شيء مو طبيعي
مرهه جميل يعني
تقول أنهآ كل أسبوع تحط " حنآ "
حنآ + 3 بيضآت + عسل + زبدهه + أغلي شآهي مع بصل على آلنآر و ضيفيهه للوصفهه + زبآدي + محلب ..
أخلطيهم مع بعض وخليهآ شوي لين تآخذ لونهآ بعدين حطيهآ بشعرك ..
و ترآ آلزبدهه مرهه جميلهه للشعر آلجآف أذآ تعرفين زبدة أبو كرسي ~
ذوبيهآ شوي على آلنآر و ضيفيهآ مع زيت آلحشيش آلآفغآني و دآومي على آلزيت كل يوم لمدة شهر مع وصفةة آلحنآ آلي قلت لك كل أسبوع " آلله ينفعك بهآ ي رب "
وآذآ على آلبشرهه أو آلمنآطق آلحسآسهه روحي لعيآدهه
وآذآ مآتقدرين روحي آلصيدليهه أسأليهه بيعطيك آشيآء حلوه لبشرتك
و دعوآتكك ي جميلهه