عنوان الموضوع : بنااات. زوجي.... بيموتني تعبت منه
مقدم من طرف منتديات نساء الجزائر

بنااات. زوجي.... بيموتني تعبت منه



خوااتي عطوني حلوول احتاجكم بموت احس تعبت من زوجي عنيد ومايفهمني وكأنه عايش برووحه
تخيلًوا من تزوجته ثمان سنين شوي ونصير تسع سنيين وعلاقتي معاه غريبه حيييل ضحيت عشانه من تزوجت عمري 17 وسويت له كلشي والله العظيم ذبحت روحي عشانه لان يدرس طب وكل سفراتنا عشان امتحاناته حتى مره طلبت سفره تمشية بدون مذاكره رفض هالشي
الحيين لي شهرين استقرينا بالبلد لكن نفس الشي يجلس بغرفته معظم الوقت مع العلم ان عنده اجازه شهرونص لكن ماشفته ولاجلست معاه ومانطلع مع بعض الا نادر واذا طلعنا صرخ على الاطفال مامره جلسنا زي الناس وان جى يتغدى شغل التلفاز وان بياخذ راحه شال أثقال انا بالنسبه له اخر شي يفكر فيني ومتى يجلس معاي وقت النوم بس ويقوم بسرعه مامره حقق طلبي ومامره غازلني او نظر لي بنظرة حبيبه وزوجه تعبانه من الاهمال منه كل مشاكل بينا وهو يعاندني الحين يداوم وكل حرمه حلمها ان في الويكند تطلع مع زوجها انا غير العالم. تخيلوا يشوفني نايمه الصبح يطلع ويفطر لحاله طيب وانا والعيال لحالنا؟ ليه كذا تسوي اكلمه ويصرخ علي ويعاند وانا اصيح من اللي يصير لي انا ابي اجلس معاه واعيش معاه بس هو ماعنده هالشي اطلاقا
نسيت اقولكم انه هو اكبر مني ب11سنه
وطبعا خلص وتوظف
واذا جلس بغرفته يقرأ كتب طبيه ويرسل للاطباء شغلات طبيب يعني
انا اقول له ادري انك مشغول بس رتب وقتك لنا
بس مامن مجيب ....
تعبانه بنات وفي الليل اقوله يلا نسهر وينام مبكرمايحب يسهر ومع العلم انه ينام العصر لان يجلس في الصبح بكير بس انا عكسه انام متأخر شوي ومو دايم بس لان عندي بيبي
واحاول اجلس الصبح بس هو من سبعه يجلس ويطلع تخيلوا كيف حياتنا غير مرتبه
تعبت من هالحال بنات ادعولي ان كلشي يصير تمام مثل مابي ونصحوني بلييييز احتاج لمساعدتكم

>>>>> ردود الأعضـــــــــــــــــــاء على الموضوع <<<<<
==================================


اممممممممممممممممممممممممممممممممممم *.*
هذي حياة اللي يشتغلون بمهنة الطب
اغلب وقتهم مشغولين واذا رجعو البيت هلكانين ومالهم خلق يسوون شي
بس انتي معاج حق باللي تطلبينه بس بنفس الوقت لازم تعذريه
والافضل انه انتي ترتبي وقتج حتى يكون نفس وقته بحيث تقدرون تسهرون مع بعض
وصارحيه قولي له انه لازم يغير معاملته وتصرفاته وياج وعلى الاقل ييلس وياكم ساعة بالاسبوع
موفقة

استغفر الله العظيم الذي لا إله إلا هو الحي القيوم و أتوب إليه


__________________________________________________ __________

نسيت اقول اذا ما تغير حاله انتي رفهي عن نفسج وعن عيالج ولا تتريي منه شي
اطلعي ويا عيالج و غيري جو واستانسي


__________________________________________________ __________

الله يكون بعونج يا اختي

حاولي لا تضغطين عليه يمكن فترة ويعدي كل شئ على خير اصبري عليه

حاولي تتكشخين له بس لا تقتربين منه انتي تفهمين ايش اقصد ان شاء الله يحن قلبه عليج

موفقة غلاتي


__________________________________________________ __________

حبيبتـي .~
أنتي حاولي تغيرين من روتينه اليومي ..
و غيريه بنفسگ انتي ، و دائماً الاطباء مـا عندهم مجال للراحة
و دائماً مزاجهم سيئ و مـو صبورين مثل الباقي !
ربـي يسآعدگ ـان شاء الله



__________________________________________________ __________

الله يعينك طيب انتي لك ثمان سنين ماحاولتي تغيرين ذا الشي والرجال خلاص تعود عودتيه على روتين معين اشلون الحين تنفجرين فيه وهو تلاقينه يقول من يوم تزوجنا واحنا على ذا الحال وش اللي غيرج الحين لازم تغيرين روتينه حبه حبه يعني الله يعينج تبدين من اول وجديد وتبدين بالصبر والتحمل لانج انتي اللي عودتيه حبيبتي اتمنى لج التوفيق ويالله ياكريم انك تسخر لها زوجها وتكون اول اهتماماته صدج نسيت اقولج خلي عياله يتدلعون عليه ويتقربون منه عشان يهتم فيكم خليهم يقعدون حواليه خليهم ينادونه ويقولون موب ماكلين لما يجي بابا صدقيني بيتعلق فيهم حبيبتي وانامجربه والله حتى دايم اقول لريلي ولدك دايم يقلد تصرفاتك ولدك مايبي ياكل الا لما انت تاكل وشوفيه يحبه بجنون واذا حب عيالج اكيد بيحبج وبيتقرب منج الله يسعدك يارب ويحقق اللي ببالك ياختي مع السلامه