عنوان الموضوع : منغثة منغثة حدي ومتضايقة تعالو شوفو ليش مجابة
مقدم من طرف منتديات نساء الجزائر

منغثة منغثة حدي ومتضايقة تعالو شوفو ليش



السلام عليكم

ياجماعه تصدقون انا ميته قهر متضايقة حدي
في حرمة اانا في سن بنتها الكبيره
وعندها ثلاث بنات

مشكلة هذه الحرمة عندها تربية خاصة تربي فيها عيالها
مخلية لنفسها مبادىء وقوانين معاهم وبصراحه هي تجوز مع بناتها
بس المشكلة بناتها مستحيل ترضى احد يقول انهم غلطانات ومدلعتهم اخر دلع
وماتراقبهم ومعطيتهم ثقة عمياء وتمشي على اسلوب تربية معين بس تبالغ فيه
يعني مو حلو نشدد عليهم مو حلو نراقبهم ومانعطيهم ثقه
ونفس الوقت مستحيل تطلعهم غلطانات في شيء وتبرر لهم

بس ياجماعه والله لو تشوفون قلة ادبهم كيف مع امهم انتم تجيكم الحره وربي

طيب بنتها الكبيره كنت كثير اتخانق معها ماكنت ادانيها انا اكبر منها بكم شهر
لكنها الحين لما كبرت وتزوجت وابتعدت عن امها صارت تحترمني وتمام بس ماادري هي كيف مع امها ..

لكن امها الحين عندها بنت اصغر مني بسبع سنين ياجماعه غثيثة غثييييييثة مااتحملها ابد
وقليلة ادب وتتفلسف ودائما من اتكلم معها تعارضني بالكلام ولا كلمة اقولها وعندها صح
وتقلدني في اشياء كثير وتتكلم من وراي وتكذب وتجلس تحاسبني كأنها وحده في سني تتضايق اذا تشوفني مستانسة .. وش تفسرون تصرفاتها ؟؟ قالت بعظمة لسانها ابيها تنقهر ... وربي ماسويت لها شي بس متضايقة من ثقتي بنفسي ...احس لأني اعطيتها وجه بزيادة

فيها حركات ماتعجبني ولا اتحملها لو تشوفون كيف غثيثة مررره وهالحركات كانت في امها

يعني امها عندها بناتي مستحيل يغلطون ..

فهموني وش معناه ذا انا مره تعبانة نفسياً ومنغثة ولا ااحب اشوفهم ومقاطعتهم بس اتضايق اذا اشوفهم احس بحرارة بصدري ووجع بالمعده ، وانا احترم صغيرهم وكبيرهم

وانا قاطعه العلاقة فيهم نهائي هالعايلة المشكله من اهلنا ، ابي انسااهم للأبد ولا اكلهم
ونفسيتي تعبانه مااحب احد يقل ادبه علي او يهيني .. ابي انسى حركات الأم وبناتها تكفون عطوني حل وابيهم ينسوني، صايرين زي المنبوذين بس الي يعطيهم وجه ويحترمهم يقلون ادبهم عليه ويتفلسفون .

>>>>> ردود الأعضـــــــــــــــــــاء على الموضوع <<<<<
==================================


رفع
الله يعينك


__________________________________________________ __________

الله يعينهم ع انفسهم هااخر الدلع
الله لايبلانا
وانتي اذ تواصلتي معهم لاتكثرين كلام خليك رسميه


__________________________________________________ __________

احسك تبالغي شوي قصدي بنتها تتكلم من وراك وتغثك وما ادري ايش
اولا :اعرفي انها عندما تغتابك فإنك تأخذي من حسناتها
ثانيا: فكري فيها وحدة من بناتك تثاقل عليك
ثالثا :عندما تثاقل عليك لا تعطيها وجه زياد وطنشيها
رابعا :عامليها افضل من ما تعاملك
خامسا :حاولي انك تنصحيها بهدوء ولطف
سادسا: امها قلتي تفكر ان بناتها صح فصح اسمعيني الامهات مايحبوا ان احد اقول عن بناتهم شئ حتى ولو كان صحيح وتحاول اظهارها بمظهر صحيح
سابعا: لا تقطعي علاقتك بهم فالرسول عليه افضل الصلاة واتم التسليم رغم مضايقة زوجة ابي لهب له الا انها عندما اختفت في يوم ولم تضايقه سأل عنها فأين نحن عنه
ثامنا: ربما تكون مرحلة وتعدي مثل اختها
تاسعا: كوني متسامحة ولاتجعلي في قلبك حقد اوكره عليهم


عاشرا: تقبلي مروري


__________________________________________________ __________

خليها تتكلم هي راح تكثر سيئتها

عندي حل واحد راح تخليها تبتعد عنج

قولي لها ( انا مو من ممستواج انا ما اتكلم مع ببزارين )

ان شاء الله تحس على دمها وتبتعد عنج


__________________________________________________ __________

وعليكم السلام ورحمه الله وبركاته
اختي انت لاتعطيهم وجه والسبب في غثهم لك انهم يعرفون انك تتابعين اخبااره حاولي صدهم ولاتعطيهم بال ان كلموك ردي سلام عليكم السلام ولاتجينهم ولا تساليالجيران او من يعرفهم عنهم لانهم هم اللي يوصلون الاخبار ويعلمونهم انك ماخذه منهم موقف حتي البنت اللي تزوجت وراحه لاتحاولي الاتصال فيها خليها هي اللي تكلم ولاتجيبي سيره اهلها علي السانكلك التوفيق