عنوان الموضوع : لبس اخت زوجي :/
مقدم من طرف منتديات نساء الجزائر

لبس اخت زوجي :/



مرحبا
كيفكو ياريت تنزلو موضوعي

صار بين اخت زوجي وزوجها مشكله هي عايشه بامريكا اغلب حياتها من بعد 18 سنه
فاجت عنا هي و اولادها لحد ما تهدا الامورو يشوفو حل و بعدين تروح عند اهلها لكن لبسها كتير اووفر انا بدايق من لبسها ومابحب شوفها هيك
هي بتلبس اواعي المفروض قدام زوجها بس ما بنفع تلبسها قدام اولادها و اخوها
بتلبس بجامات قطنيه ومابكون تحتها داخلي وعلى قد الجسم وياريت طويله لا بتكون شرت قصير يعني كانو اندر وير وبدي وهي ماشاء الله الصدر عندها كبير فبكون بالمره بارز ولما بتقعد بتبين منها اشياء انا بستحي اطلع عليها وبتلبس هاللبس قدام اولادها واحد عمرو 13 سنه والتاني 12 يعني كبار مو منيح الوضع و قدام زوجي وانا بدايق مو غيره والله بس عيب مش منظر و الادهى و الامر بتوقف على البلكون بهالمنظر
هديك المره كانت طالعه على البلكون بروب النوم الحرير وبنص النهار واخدتها عاده كل يوم تطلع تشرب عصير عليها وقدامنا عماره فيها شقق شباب ماعمري شفت حد بطل منها بس طلعت بهالمنظر صار كم شب يوقف قدام الشباك وبنفس الوقت الي بتطلع فيه اجيت حكيت معها قلتها هادي العماره بتسكن شباب ولو شافوك هيك بتخطر في بالهم افكار مو منيحه مو متعودين ع هيك بعرف انك ماخده راحتك بامريكا والوضع عادي هناك بس هون بفرق حكت عادي يطلعو انا واثقه من نفسي ومابعرض نفسي وهما الي وسخين وافكارهم وسخه ومابقدر حد يعملي شي بروح بشتكي لو فكر حد يعمل شي

كتير دايقت من ردها و غير هيك فيه عنا مسبح داخلي صغير وواحد برى هي بتطلع تسبح بالي برى بالمايوه و بتقعد تتشمس انا اول مره علمت هالحركه انجنيت قلتها ادخلي وين مفكره حالك حكت شو في قلت صحيح سور البيت طويل بس فيه بنايات حولينا ما بنعرف مين ساكن فيه وكان ع الاقل فتحتي المظله او سبحتي بالمسبح الداخلي حكت انت دايما بتكبري المواضيع الحياه اسهل من هيك عيشي جوك وتعي اسبحي معي

يعني انا وزوجي سمعتنا معروفه و الكل بشهد النا بالاخلاق ماعندي استعداد من تصرفات واحده كانت عايشه ببيئه كل شي فيها عادي
تخرب السمعه وهي عارفه انو دولنا بتفرق عن الدول الغربيه مو كل شي فيها عادي
المخلوقه كتير منيحه ومابتعمل مشاكل ومحترمه وفي حالها وحتى اولادها مؤدبين

لكن لبسها الي مش معقول وضعو وحتى زوجي لما بكون يحكي معها ما بطلع عليها كتير وهو بحكي معها واضح انو مدايق بس شكلو مابدو يحكي معها ويحرجها

ومابدي ضل احكي معها تفكرني غيرانه على زوجي منها او غيرانه منها لكن حرام يعني هادي عوره وهي عندها ثقافه دينيه لانو حماي اصلا كان مهتم بتدرسيهم اربع اشياء الدين و العربيه والانجليزيه والفرنسيه وهي راحت امريكيا كبيره يعني مو طفله نحكي نسيت كل شي

بس مو عارفه كيف اوصل الها الموضوع حكيت معها بطريقه هاديه وقتلها السبب صحيح كنت اعصب من حركاتها بس بكتم يعني مابصرخ عليها او بسبها لكن مو قادره اتحمل اكتر وانا مابحكي عن واحده رح تقعد كم يوم والا كم اسبوع بحكي عن واحده رح تقعد حوالي شهرين او اكتر على مايخلص موضوعها
والبلد الي عايشين فيها اهلها ابعد منا ولهيك اجت عنا وبعد ماتخلص امورها تروح عندهم بالاضافه انو زوجي الو معارف كتير بامريكا ورح يساعدها بمشكلتها

>>>>> ردود الأعضـــــــــــــــــــاء على الموضوع <<<<<
==================================


خلي زوجك يتفاهم معها


__________________________________________________ __________

الله يعينك بج مشكلة كبيرة
اللهم استر علي الولاية


__________________________________________________ __________

انت خبري زوجك بهي الاشياء يلي تكلمتي فيها وهو يصرف


__________________________________________________ __________

خلي زوجك يتكلم معاها وخليه يفهمها ان سمعتكم حلوه عند الناس ولما يشوفونها بهذا المنظر وش راح يقولون الناس وخليه يكلمها بنبره حاده شوي عشان تستحي اصلا مايجوز تجلس عند اخوها واوﻻدها بهذا اللبس الله يهديها ويهدينا


__________________________________________________ __________

هي متعوده على طبع امريكا وفاكرة بانه عادي لو عملته عندكم
خلي زوجك اخوها يكلمها انه مابيصير تعمل هيك