عنوان الموضوع : تصرفات تضايقني وابي رايكم مجابة
مقدم من طرف منتديات نساء الجزائر

تصرفات تضايقني وابي رايكم



السلام عليكم ورحمة الله وبركاته اخواتي العزيزات ابي منكن المشوره لعل من لديها خبره في ذي الامور انا انسانه الاكبر بين اخوتي كان كل اهتمامي التفوق في دراستي والحمدلله درست وتخرجت وتوظفت وتخصصي الدراسي لغه انجليزيه وادابها ليس لدي الخبره الكافيه في حركات الحريم لان ماكنت اهتم لا لسواليفهم ولا غيره احب اتميز في شغلات ثانيه وظيفتي وزوجي وذي الاهم بيتي صديقاتي الي صدق ارتاح لهم واهلي باختصار احس بيتي مملكتي واحس اني اكون مبسوطه لو حتى كنت مع زوجي انسانه مرحه احب الحريه : مااحب التعقيد بالمره احب اسهالات . بحكم اني موظفه ارجع البيتي الساعه 1.ونص اسوي غدا لزوجي واجهزه عبال مااخلص ونتغدى وكل شي الا والعصر اذن اصلي وانام ذا ايام الاسبوع الدراسيه اما العطله نهاية الاسبوع ازور فييه اهل زوجي واهلي
المشكله تكمن في سلفتي ( زوجة اخو زوجي ) اول شي لما نكون عند اهل زوجي او حتى لما نكون معزميين عندها تحب تلفت الانتباه لولدي عمره ثلاث سنوات ونص انه ملقوف وحركته كثيره وانه وانه مع ان اخر مره كان مزكم ومسخن وكنا معزومييين عندها وجاس جنبي تحرك في المكان الي جنبي بس او يروح عند ابوه وعمانه طول الوقت فيصل فيصل اجلس اقعد لا تلمس روح اقعد في الصاله هناك وكتنت عازمه سلفتي الثانيه عروس توووها وحماتي خالتي ام زوجي وذ ي حركاتها حتيي قدام العروس تلفت انتباها وتقول لها فيصل وفيصل وانا جبت ولدي عندي واصلا مزكم وجالس روح ويرجع بس ماخرب عليا شي واصلا حتى لو خرب انا مستعده اجيب غيره بس مااعجبني طريقة كلمها عن ولدي للعروس حرمه توها جديده ماله داعي الحركات وكانت تناظر فيه احيانا نظره بتتنيحه مو حلوه
2- الشي الثاني قبل فتره انا مرضت كنت حامل والجنين توفى في بطني وجلست فتره في بيتي شهر من اول ماقال لي الدكتور الخبر لين مانزلت انا الشهر ذا جالسه في بيتي منه اراجع عند الدكتور ومنه اسوي لي اعشاب علشان انزل الجنين تخيلو مااتصلت علي طول فترة غيابي ابدا ولما نزلت اناجلست عند اهلي اسبوع وبعدين رجعت لبيتي وانا اصلا غبت عن دوامي شهر واسبوع المهم بعد مانزلت باسبوع انا داومت عادي وهي الى الان ماتصلت علي ولا شي في نص الاسبوع اتصلت العصر انا كنت نايمه ومارديت ( اتصلت بعد شهر واسبوع ) وبعدين قالت لخالتي انا ادق على ام فيصل وماترد وجاتني ع نهاية الاسبوع يعني بعد شهر واسبوعين 3- الشي الثاني فيها حركة غريبه زوجها يتصل على زوجي ويقول فلانه تعبانه ونبي شغالتكم تنظف عندنا البيت وانا هي ماتتصل علي ولا تدق ولا تقول لي ابي شغالتك تشتغل عندي لا كله عن طريق زوجها هو يتصل ع زوجي وانا ولا لي وجود مع ان الشغاله بفلوسي انا ذا شي انا علشان هي مادقت وبعدين ايش دخل الرجال ذا شي خاص بالحريم صدق اسغرب ( انا رفضت اطلع شغالتي ) مو حسد لا والله
بس لا قلت مو اسلوب ليش ماتتصل علي وتتطلبها ليش ماتقولي ليش تدخل زوجها ليش الحركات وسوتها فيني اكثر من مره ثلاث مرات تقريبا اول مره اخذوا شغالتي وانا مدري ولما دريت من عند خالتي ام زوجي ولما دريت خاصمت زوجي قلت ليش محد قالي قال استحيت من اخوي وسيرت عليها ثاني يوم والله والله والله انها ماقالت لي شكرا او حتى يعطيك العافيه اخذنا شغالتك بس قالت احس تنظيفها مو مره ( الحمدالله ) والشي الثاني خاصه في طلعات البحر العائليه احسها انها تلفت الناس لي اني مو مهتمه في الشغاله . استغرب
انا انسانه الحمدالله مو سلبيه باافكاري ابد مااحب التعقيد ابد احب اسافر انا وزوجي احب اكون وياه احب اشتري اكشخ احب لبس الدلع والحركات مو تصنع لا الشي ذا في شخصيتي مرحه مع المريحين مااحب ازعل احد عمري ماسويت لها شي بالعكس لما تشكي من زوجها انه ميطلعها اقول في نفسي ع طول خليني اناوزوجي نطلعهم وفعلا صارت لما اكون انا وياها بس كلامها غير ونصه انتقادات ع اهل زوجي وزوجها او تنقد زوجها ولما نروح عند اهل زوجي ولالى كلامها غير وتصرفاتها غير شويي يعني تطير فيهم استغرب عندي غير وهناك غير واحيانا حركاتها عندهم معي غير اشا كثيره يطول فيها الحديث بس ذا بعض مما لدي
ايش رايكم انتوا

>>>>> ردود الأعضـــــــــــــــــــاء على الموضوع <<<<<
==================================


uppp


__________________________________________________ __________

وعليكم السلام
حبيبتي بعض الناس ماعندهم اسلوب بالكلام
يحبون يفتحون مواضيع بس وش المحتوى مايدرون
اذا ع شغالتك قولي لزوجك اذا تبي الشغاله هي تدق علي وتطلبها مني
اما عن الشكر مستحيل تقوله لك يمكن تغار منك وتثبت لنفسها انها افضل

عادي حبيبتي لاتهتمي لها ولكلامها اما عن العروس بتعرف طبعها بعد فتره
وطنشيها كل العوائل فيها وحده ماتثمن الكلام قبل تطلعه


الله يكفيك شرها


__________________________________________________ __________

خليييييك زي ما انتي شخصيتك حلوة ومرحه اهم شي بيتك وزوجك
ومن كﻻمك انها بتجيب لك وجع الراس لكن افضل شي انك تتجنبيها وكوني رسميه معاها واذا على ولدك ﻻ تصغرين عقلك طنشيها واذا جابت سيره اهل زوجك عندك بالباطل ردي عليها وسكتيها او قولي لها فكينا من السيره هاذي ﻻنها تعتبر منااافقه وطبعا انت انتبههي تتكلمين في اي شخص قدامها والله يهديها
الله يسعدك ويهنيك


__________________________________________________ __________

اشكركم ع مرروركم اخواتي


__________________________________________________ __________

طنش تعش تنتعش