عنوان الموضوع : شلون اخلي الناس ...؟ -تم الاجابة
مقدم من طرف منتديات نساء الجزائر

شلون اخلي الناس ...؟






سلااامم

ي بنات شلوووووون اخلي الناس تحترمني وقسمباللاااه تعبت احس البعض يطنشني مايعتبر لي وجود إلا قليل وهذولي القليل ممكن بعضهم شفقه لي ،
انا الحين ابي اعرف وش معنى "مبادئ" ووشلون اخلي لي مبادئ ؟ شلون اقنع نفسي فيها واحط خطوط حمراء لهالشيء عشان تحترمني الناس ؟
قبل شوي سمعت بالمحاضره لاحد المشايخ انه ضروري يكون لك مبادئ طيب شلون ؟
انا الحين آخر سنه لي بالمتوسط والسنه الجايه راح انقل لمدرسه ثانيه وتعرفون شغل اني اتعرف على بنات جدد بالنسبه لي صعبه شوي لاني ما اقدر اتداخل بسهوله ومسبب لي قلق
ف راح اكون من غير صديقاتي وراح اخاف اكثر .. ف احتاج اني لو تعرفت مثلا ما ابي احد يتطاول علي وابي افهمهم من البدايه ، وبعد من الي يقربوولي
وربي بنت خالي متزووووجه ودايما لما اجي اكلمها تسفهني ولاتعطيني نظره مدري وش يعني وانا الحمدلله اخذ واعطي وعفوية بكل شيء بس مدري وش فيها ؟؟ ف ابي اعطيها ع راسها وابي اخليها تحترمني من غير ماتحس يعني ما اعصب عليها او اقولها بالكلام ليش ماتحترميني ، احس اني محتاجه نصايح واشياااء واجده ابي اثقف نفسي فيها بس مدري شلون احس اني ضايعه احيانا ياربي وكلت لك امممممررري


>>>>> ردود الأعضـــــــــــــــــــاء على الموضوع <<<<<
==================================


وعليكم السلام ورحمة الله وبركاته

حبيبتي أنتي مشكلتك بسيطه بإذن الله تعالى

انا الحين ابي اعرف وش معنى "مبادئ" ووشلون اخلي لي مبادئ ؟ شلون اقنع نفسي فيها واحط خطوط حمراء لهالشيء عشان تحترمني الناس ؟

يعني يكون لك مبدئ في تعاملاتك وتصرفاتك سواء كان مع نفسك أو مع الآخرين
مثل حسن الظن القناعة الصدق الإخلاص الوفاء التوكل عامل الناس كما تحب ان يعاملوك وغيرها
بمعنى تكون لك قيم ذاتيه خاصه فيك تمتلكينها أو تمنحينها

إنتي آخر سنة وراح تنتقلين لمرحله جديده بإذن الله خذي من اللحين تجاربك وتعلميها لبعدين
بإذن الله راح ترتاحين أكثر بالثانوي بس لاتصعبين على نفسك الأمور هي بالبدايه شوي صعبه كونك أنتقلتي لمرحله ثانيه وبنات ثانيين بس بإذن الله راح تتأقلمين مع الوضع وان صرتي بالجامعه راح تتعرفين من نفسك وهذي مجربه مني سبحان الله كل ما أنتقلتي لمرحله جديده تغيرت لك أمور وزاد الوعي


ما ابي احد يتطاول علي وابي افهمهم من البدايه ، وبعد من الي يقربوولي

أنتبهي هذي أول نقطه للإنصراف لاتفكرين بهالشكل لأن مافي سبب ممكن يخليهم يتطاولون عليك بس أنتي زيدي الثقه من نفسك وتقريباً أغلب الي راح تشوفينهم بيكونون نفس تفكيرك لأنهم بعد منتقلين لمرحله ثانيه وبنات مايعرفونهم وهذي بتكون فرصه لك تكونين صحبه و الله يرزقك بالصحبه الصالحه

بالنسبة لبنت خالك فلاتشيلين همها ولا هم إحترامها ترى كثير الي يسفهون مو بس هي أنتي خلي ألزم ماعليك كرامتك لنفسك أذكر صادفني البعض من البنات يتجاهلوني ويطنشوني على ان مافي سبب لهالشئ بس طبيعه فيهم فممكن تكون بنت خالك من هالنوع إذا هي كذا خليها ولا تعطينها بال لأن التعامل معها صعب عني أبتعد عنهم لأني أعتبر هالطبع جزء من الكبرياء ولا أتقبله إما اذا كانت هي معك بس خليها على هواها وعامليها مثل ماتعاملك بإذن الله غيرها كثير تكسبين إحترامهم بس الي عليك غيري من نفسك داخلياً وبتتغيرين خارجياً

محتاجه نصايح واشياااء واجده ابي اثقف نفسي فيها

جميل هذي بداية الحل أنك تكونين فاهمة لنفسك وتغيير الحياة يبدأ بتغيير الفكر
وإنتي لاتعتمدين على النصائح فقط أقرئي لك كتب تتكلم عن تنمية الذات والثقه بالنفس والحكم وتابعي المقاطع الي تتكلم عن الثقه بالنفس وحسن التعامل مع الآخرين
إن شاء الله أعطيتك الخلاصه والفائدة

وفقك الله وسدد خطاك


__________________________________________________ __________

مبادئك خذيها من القراءن الكريم


__________________________________________________ __________

رفع


__________________________________________________ __________


__________________________________________________ __________