عنوان الموضوع : نفسي اتغير :-( -تم الاجابة
مقدم من طرف منتديات نساء الجزائر

نفسي اتغير :-(



السلام عليكم ورحمه الله وبركاته
أنا عمري 15 :-(
مشكلتي هي اني غير اجتماعية
بس أحب اتعرف على الناس يعني عن طريق النت والبرامج الخ ...
و عادي اسولف كثيرا بس
مو زي الاقارب والمدرسه غير اجتماعيه كلامي قليل ... نفسي أعرف ليش أنا كذا مدري ليش يمكن عشان مايعرفون عني شي في البرامج :-(
بس أحيانا اجلس با الساعات اسولف في البرامج أمأ في الواقع لا
و يعني لما أحد اعرفوأ من الاقارب ويكون معي في البرنامج ما اسولف معه مو تكبر هذا طبعي :-( بس فضفضه:-(

>>>>> ردود الأعضـــــــــــــــــــاء على الموضوع <<<<<
==================================


وَعليكم السلآم وَرحمة اللّه وَبركآته

منْ الطَبيعيْ أنْ الحديثْ عنْ طَريق الكتآبة أمرٌ مريح
لآتنطرقُ فيه المشآكل أو خوفٌ من الخطأ وَنتعرضُ إلى الإستهزآء..
بِـ عكسِ الحديثْ الشفهيْ تَماماً..
وَالإنسآن الإجتمآعي ليس بِـ معنى أن يتحدثْ كثيراً..
بلْ أنْ يُخآلط بهم أيْ يَجلس معهم..
وَالحديثْ يَأتي عند الإستمآع وَالتَحآول ختى وَإنْ كآنَ قليلاً..
لِـ هذآ أمركِ طَبيعيْ لآتَقلقيْ..
بِـ التوفيق لكِ..


__________________________________________________ __________

من الطبعي خيتو لا تحاتين بس يمكن ماعندك ثقه بنفسكك اكثر عند محادثة الناس عن قرب واقري كتب عن تطوير الشخصيه او تنميتها وان شاء الله بتتغيري


__________________________________________________ __________

ايه هين
خخ الله يسعدك
اجل عشان مايعرفون شي عنك بالبرامج
حبوبه امكن ماعنك مهارات للتواصل المباشر كافيه او طبعك شوي ناشف مع ناس وكذي
فالتواصل ماهو بس انك تعرفين تسولفين وكذي
خليني افصل لك اشوي وان شاء الله تفتهمين علي < مسويه فاهمه خخ
فيه تواصل روحي فيه تواصل بالطباع فيه تواصل بالايماءات ..الخ
قبل كل شي لزوم تكون روحك نقيه من الداخل ونواياك طيبه
ثاني شي فيه طباع لزوم تتصفين بها منها : بسط الوجه (الابتسامه) ..اما تقعدين عابسه فالعبوس مبداء للشينه وبعد يحط حواجز بينك وبين الاخرين
همن تتصفين بالطبع الهش السهل خلك على طبيعتك موب تقعدين تتصنعين لك اسلوب غريب عجيب بتشوفين عمرك به زينه لكن غيرك بيشوفك ساذجه فابعدي ع التصنع خاصه انك ببداية طريقك
الفايده لماتكوني سهله هشه يسهل تواصلك معهم وايضا يسهل تواصلهم معك واحترامهم لتواضعك وبساطتك
همن المباديء الاساسيه ك حسن الترحيب وجميل التوديع
فلما وحده تقبل عليك مثال قولي الله حيها وابسطي وجهك لها واسالي عن احوالها دراسته امورها او اي شي تعرفيه عنها واذ ماتعرفي تعرفي ..الخ وبتجي السوالف معها
ولاتسيرين ثرثاره تكثرين الحديث سكتي شوي وتكلمي شوي بعد احكي لها شوي عن احوالك الطيبه واحداث يومك واتركيلها فرصه للتعليق وانتي بعد علقي لما تقول لك عن شي ..الخ
همن خيتو التوديع فليكن جميل بسيط مثلا :
اي كلمه متعوده تودعين بها :
فمان الله اشوفك ع خير نتقابل مرا ثانيه
همن
صراحه ماتنملين ولا صراحه انتي وناسه ولا عجبتني سوالفك
ولا حبيتك ولا بتوحشيني ..الخ من ابداعك وذائقتك المفضله <اشدعوه قهوه هه
خلصنا ذي نجي نشرح لك اشلون تتعرفين وتوثقين علقاتك مع الاخرين
: فمثلا خيتو لو كنتي طالبه جامعيه اوبمجتمع كبير او ع قولتك بالسكول او حتى في عزومه او مكان عام
وماحولك حد وجايك الضيق وشايله هم انك تقعدين وحيده
شو تصلحين
تقعدين مستسلمه لا عاد لزوم تشوفين لك صرفه ههه
قبل كل شي الطب يبداء من داخلك < فبعض ناس يصيبه قلق وخوف
ف لزوم تكونين مطمئنه ولاتشغلين تفكيرك واعتبري عمرك كنك ببيتك واعرفي ان لك حق بالارض مثل مالغيرك حق وتصرفي بشكل طبيعي وسايري يومك ولاتتعقدين وتعقدين امورك
وحطي ببالك انك موب حاجة احد خلك مستقله ذاتيا / فالصداقه اذ تمت خيره واذ ماتمت بعد خيره
همن تبداء الخطوه الثانيه :
لزوم تقعدين باماكن العربان موب تقعدين باماكن القطط
الزبده : لاتقعدين فمكان منعزل أبدن
خل تصرفك هادي ومرتاح جدا وكانك قاعده ببيتك او بين اهلك يعني لاتكونين قلقه او خايفه او غير واثقه كوني طبيعيه وخلي الامور عاديه
همن نجي للتعرف بيكون بطريقه فنيه < فديت التفنن انا خخ
تذكري لما كنتي طفله اشلون كنتي تتعرفين ع اقرانك هل كانت الامور معقده ام جدا بسيطه
ايضا الان الامور جدا مبسطه تفكيرك اللي معقده ويتخيل ان هناك حواجز بينك وبين الاخرين
وذا غير موجود بالواقعه ولا بالحياه اليوميه واحداثها ومع التجربه بتكتشفين ذا الشي بنفسك وبتشوفين اشلون الناس ترحب بك وتفرح بصداقتك
شو تسوين اعتبري نفسك صديقة الكل
مو يعني ذا انك تسيرين تتحدثين مع الكل لا اقصد نفسيا استشعري ذا الشي
اما التعرف الوكاد بيكون له حدود فمثلا تتعرفين باليوم ع 2 -3معقول
وفي تعرف يجي خفيف خفيف فمثلا بائعة البوفيه : وانتي تشترين فليصحب شرائك تعليق بسيط لو كلمه يسر الخاطر فلتكوني مبتسمه فاضن الابتسامه تكفي واذ تبع تعليق فلاباس حبذا يكون تعليق جيد ليس ساذج والا الصمت خيرومع الوقت ستالفك ..وغيرهم وغيرهم ممن ستبداء علاقتك معهم بسيطه طبعا هالعلاقه تخص ناس رسمين ك استاذتك ومديرتك وغيرهم ..
اما العلاقات العامه والصداقه فلها نمط اخر :
فلتكن بسيطه عاديه يتبعها تروي ومواصله ولو بسيطه اشلون ؟
فمثلا تكن وحده من زميلاتك او قريبه من مكان انتي قاعده فيه ف ذي فرصه ذهبيه <ماشي فضيه هه
اقتنصيها بعينك همن تحايلي عليها <وشدعوه سمكه هههه
طبعا مايكون اول سوال وش اسمك لا ها خليه اخر شي
احم ابدي بسوال خفيف او كلمه خفيفه تناسب الوضع والحاله اللي انتو فيها
فمثلا لو بجامعه اي مستوى كيف الدراسه ثم يبداء التعليق واشلون الدراسه تحسين صعب ولا كيف ..الخ خل الكلام يسحب بعض ولاتنسينالابتسامه والبساطه والتروي فلتحطين كلمه وتشردين لا خلك ثابته لكان الا شوي معها لو قاعده اقدي معها لو واقفه وقفي معها اذ حسيتيها مناسبه زين ع زين اذ ماحسيتيها مناسبه غيرها الفين
وهكذا خيتو ومع الوقت بتالف نفسك الناس وبيكون الوضع اسهل من الماء وبيكثرن صديقاتك
بعد فيه شين مهمه لاتنسيها :
اول شي وقبل كل شي كثرة ذكر الله والصلاه على النبي
وثاني خل عقلك خالي من الخوض فتخيل تفاصيل علم الغيب لان هالشي يعقد ويسبب تصنع
فالمقصد خل للطبيعه بداخلك دور
واذ مافهمتي بعد اقصد لاتقعدين طول يومك تتخيلين ان بيحصل كذا وبتتصرفين كذا وبتقولين لفلانه كذا لا ابدن ذا مايخصك به علمه عند الله اللي عليك الاساس :
طبع سهل هش ابتسامه وبساطه وحسن اخلاق ..الخ من هالامور فقط
..
واخر شي اهديك ايها عشان يشجعك باذن الله :

*ان اذ تبين تعرفين قدر قبحك شوفي قدر بعد الناس عنك


والله يكتب لك القبول فالارضويشرح صدرك ويفرج كربك .












ها خيتو مااستاهل تتدعين لي ترى هاليومين وراي اختبارات وهيك ومحتاجه دعوه زينه <هه مصلحه
خخ اسولف بكيفك تبين تدعين لي ماتبين بعد بكيفتك هع



__________________________________________________ __________

سبحححان الله انتي نفس حالتي احب اتعرف على الناس عن طريف النت والفيسبوك والمواقع واكون احكي بطلاقة معهم بس عالواقع استحي وما اتكلم كثييير وحتى بالمدرسة !!


__________________________________________________ __________

وعليكم السلام

اختي جربي مره بعد مره تشيلين عنك هالخجل وابداءي سولفي واحكي مع الناس وبعد فتره راح تشوفين نفسك اندمجتي ويه الناس بدون ماتحسين اصلا انتي راح تتغيرين وبعد تحبين تخالطين الناس وتحكين معاهم