عنوان الموضوع : زوجي ..... وزوجتة ...... واهلي ... ساعدوني الطبيب يجيب
مقدم من طرف منتديات نساء الجزائر

زوجي ..... وزوجتة ...... واهلي ... ساعدوني



السلام عليكم ورحمة الله وبركاتة ......
عزيزاتي والله عندي مشكله يمكن تكون عند الغير عادية
انا ياطويلات العمر تزوجت زواج تقليدي تزوجت واحد من قرايبي فرق العمر بينا تقريبا 20 سنة او يمكن اكثر!
تزوجته لان كل واحد يجني اخوي الكبير يرفض بدون اي سبب !حتى بحياتي ابوي الله يرحمة كان اخوي يرفض ولما تقدم لى هذا الشخص اخوي وافق حتى انا من كثر مامليت من حياتي وافقه عليه ( وللمعلوميه كلمه اخوي هي المسموعه بالبيت حتي بحياتي ابوي الله يرحمه )
صراحه وافقت عليه لاني كنت عايشه عند هلى كاني خدامه مايهتمون بدراستي نهائيا اهم شي عندهم اني اكرف واشتغل بالبيت اللى مع النهار حتى النوم ماكنت اقدر انام وكنت خدامه عند اخوي الكبير وزوجته حتي عياله يقطهم على عشان ينام او يطلع هو وزوجته ومحد يقول لهم شي ..... المهم انا متزوجه صاري سنتين وعندي بنت عمرها سنه وشهر
زوجي من اول يوم تزوجته يعني من ليله الدخله وهو يسولف عن زوجته انها كانت خايفه بليله دخلتها انا م ااعرف اي احد يسولف مع عروستها بهالوسالف من اول يوم
ولازم يوميا قولي فلانه ( قصده زوجته ) تسوي كذا وكذا وهي تعرف تطبخ ووووووالخ
والله الوضع حيييل ماساوي معاي كرهت عيشتي معاه وكرهه كل شي
حتى لو لو بيقرب مني لازم يقول فلانه تعرف تسوي احسن منج وفلانه تعرف كذا وكذا
لدرجه اني صرت اكره انه يقرب مني وكلمته كذا مره بهالموضوع انه دايما يسولف عنها قدامي ولاهو مهتم يوقل عادي مافيها شي عنده كل شي عادي
صراحه زوجته لو تروح معاه على السوق عنده عادي كل الناس تدري انها راحت معاه او حتي سافرت معاه كل الناس عادي تدري وانا كل شي مايصير لازم حياتي تظل غااامضه بشكل رهييب انا بمنطقه وزوجته بمنطقه والله العظيم ان الجيران مااعرفهم ... مايبيني اعرفهم لان زوجته قبل كانت عايشه بالمنطقه اللى انا عايشه فيها وبنفس العماره بس البيت غير
توظفت بوحده من الشركات كول سنتر طبعا اهلى قامت الدنيا عندهم ولاقعدت وزوجي كل الراتب هو ياخذه مايخلي لي ولافلس كان ياخذ بطاقتي الصراف ويسحب كل الراتب ويرسله لزوجته وعيالها وانا كنت اعطيه لاني كنت حامل بنتي بالاشهور الاولي وعندي مواعيد لازم اروح عليها ماعنده مشكله اني اموت او يصير شي بالجنين بس اهم شي عنده ياخذ الفلوس
وسوت زوجته عمليه وراح عليها وانا ظليت بيتي يعني بمنطقه ثانيه عصبو اهلى وهواش وشتايم فيني بالجوال عشان اروح عليهم وفعلا رحت عليهم ... وبس يهاوشون ويسبون
وطبعا وانا حامل كنت اشتغل بالبيت الليل مع النهار بدون محد يرحمني كلهم عندهم عادي
واخوي كالعاده قط عياله على ومحد داري عني
ومايخلوني اكلم زوجي وتهاوشو معاه هوشه الله لايوريكم وصلت لتهديد بالاسلحه
وبعد ماجبت بنتي انا بنفسي حاولت اعدل الوضع مع زوجي عشان بنتي وعلى قولتهم نار زوجي ولاجنه اهلى ......... والله اني تعبت نفسيا من زوجي واهلي
وكذا مره طلبت منه الطلاق بس للاسف مافي فايده ... مره رحت لااهلى طبعا سفر بطياره لانهم حيييل بعيدين عني ... داخل السعودية .... ولما رحت عليهم جت زوجته وبناته
ودخلن غرفتي وقطعن وسرقن ملابسي واغراضي ولما شفت غراضي كلهن رايحات لما قلت له وانا منقهره ابجي عنده قالي محد قالج تروحين على اهلج
وبرمضان جت زوجته وبناته حطهم بشقق مفروشه بس والله خلاني خدامه عندهم
يجيب بناته عندي وهن كلهن كبار الا 2 صغار بالابتدائي والكبيرات متزوجات الا وحده بالثانويه انا اطبخ لهن برمضان الفطور والسحور وهن بس نايمات .. وتهاوشت معاه
ولا يهمه شي اهم شي راحه بناته وطلبت منه الطلاق بس على الفاضي
لاتقولون ليه ماقلتي لااهلج لانهم ماوراهم فايده..... كل واحد اللهم نفسي
والمشكله انه ينكر كل شي اسويه له يعني كل شي سويته عشان بناته بس عشان رضاه يجحده

والله تعبت حيييييل مدري شسوي

ادري طولت بالكلام بس شسوي والله تعبت ومليت ومافي غيركن تعطني النصيحه


الله يجزاهاه كل خير اللى ترد



تحياتي

>>>>> ردود الأعضـــــــــــــــــــاء على الموضوع <<<<<
==================================


مش هو طلقها انا حاسه من حكيت كانه لسا متزوجها خلص اطلقه هى بحال وهو بحال شو عادى يطلع وينزل معها هو اله بناته واولاده وانتى كمان مش مجبورة فيهم الهم ام تخدمهم بدالها معهم

يعنى لازم اهلك ياخده موقف يا بتعيش بنتنا كويس وبتحترمها يا كل واحد يروح لحالها بداله مهتم بزوجته واولاده ليش طلق مرته

الله يعنك بجد الامور صعبه بس انتى ادرى بحالك وخدى موقف جدى معه انك مش ملزمه غير فيه وبنتك وخلى شخصيتك قويه لانه باين عليكى شخصيتك مش قويه بس الغلط على اهلك وهما يتحملوا المسؤليه


__________________________________________________ __________

حبيبتي انتي بنت متوظفة المفروض زوجك ذا توقفينه عند حده الرجال مايمشون الا بالقوه لاتعطينه صرافتك ووقفيه عند حده لو جاء يتجاوز حدوده واهلك ذولا والله مانهم اهل سلمي عليهم بالجوال بس وقاطعيهم وخليك مهتمه ببنتك ووظيفتك وخلي علاقتك بربي قويه واستغفري دايما مانتي مجبوره تحلين مشاكلك مع اهلك بس حليها مع زوجك لو جاء يتكلم بزوجته الاولى صيحي فيه او بعدي عنه وبيني انك متضايقه ولا تبغينه يقرب منك واذا قال اكلها احلى وكذا قولي روح لهاا ولاتسوين له لا اكل ولا شي وخليه يتربا اكرشيه لاتعطينه وجه وخليه زي المزهريه بالبيت واهتمي ببنتك وبعديها عن المشاكل صدقيني بقوه الشخصيه تقدرين تسوين كل شي اهلك ذولا وقفيهم عند حدهم خصوصا اخوك قولي انا متزوجه ومالك دخل فيني تبغى تجي وتسوي رجال عند باب بيتي وبسلاح ببلغ عليك الشرطه يجون يشيلونك الدنيا مو سايبه ترا الرجال اللي يستقوي على بنت تلاقينه ضعيف شخصيه واقل شي يخوفه والحق معك لو جاء يتهبل عليك عند باب بيتك جيبي الشرطه له وخليه يوقع ماعاد يتعرضلك باي شي لاتسكتين وربي لو استقويتي الكل يهابك زوجك واهلك والكل خليك قويه لاتخافين انتي بيدك راتبك يعني مابتنقطين بالشارع حتى لو طلقك زوجك وهجرتي اهلك معك راتبك لاتخافين من اي شي وراتبك لا احد يشيله غيرك انتبهيييييي انتبهيييييي الا بطاقه الصرافه والراتب اكسري يده زوجك ذا لاتخلينه ياخذ راتبك ذا حقك لو مو عشانك عشان بنتك يمكن بكرا مايصرف عليها ويقصر بحقها خليك انتي العون لها وابعديها عن المشاكل ربيها ببيئه بعيده عن المشاكل وخلي زوجك مثل المزهريه مثل ماقلت لك ولو سافر وجاء احد من اهلك يسوي عليك محامي تحلفي فيهم لاتشتكينهم انتي ببيتك مو ببيت واحد غريب والا نايمه مع واحد غريب استغفر الله واذا فيهم خير يجون باسلحه عند باب البيت بلغي عليهم لاتترددين ولاتخافين من اي شي الحق معك لاتخلين بنتك تتربا بالمشاكل وزوجك قولي له لو تشوفين زوجته ماابيشوف خير مالها علاقه فيك ولو اضطر الموضوع اشتري بيت وعيشي فيه انتي وبنتك واذا يبغاك زوجك يجي زي الضيف بالبيت ويلزم حدوده وبالنسبه ل اهلك انتي حرمه متزوجه وكبيره بامكانك تتبرين منهم رسمي ف لاتخافين من شي كل مشكلتك يبيلها قوه وبسس فيه بنات عايشين اخس منك بس بقوتهم الكل يهابهم وعاشوا ملكات صدقيني لو كنتي قويه ابن امه يتجرا يخرب عليك حياتك لاتخلين اي احد يذلك لا اخوك ولا زوجك ولا اهلك كلهم وتصدقين كل ردي ذا كاتبته عن قصه حقيقه صارت وهي مع امي كانت امي بمكانك واهلها ملاعين وزوجها اللي هو ابوي اخس ولما استقوت كذا عاشت زي الملكه وبالاخير تطلقت وهجرت اهلها للابد وتزوجت من واحد ثاني وهي مو متوظفه بس بقوتها جابت كل شي يعني عن تجربه ولاتخافين من شي سوي زي ماقلت لك صدقيني بتنقلب حياتك 180 درجه ماكتبت لك هالرد الا متاكده من نتائجه كل مشكلتك حلها القوه وبس خليك قويه حتى لو بس بالكلام الضرب ماتحتاجين له فيهه حكومه تجي تشيلهم زي الكلاب هم واسلحتهم وترا اهل امي كانوا اخس من اهلك بكثير وهي كانت متردده وتخاف زيك بس لما قررت تسوي زي مااقلت لك صدقيني كل شي بحياتهاا انحل وماخافت من اي شي صدق الصبر له حدود واهلك زودها وهم اللي وصلوك لهنا وخلوك تنذلين لزوجك بسببهم قاعده تعيشين هالالم هذولا مو اهل لو تمرمطينهم بالمحاكم خير ماتسوين


__________________________________________________ __________

الله يكون بعونك يعني بصارحه انا ضد طلاقك لانه اهلك ما رح يريحوكي وبرأي انه تحلي مشاكلك بدون ما دخلي اهلك لانه بزيدوا التوتر بينكم يعني لا تحكي شي لاهلك ، وكمان لا تنسي بنتك، اصبري وانشالله ربنا بيفرجها عليكي ....


__________________________________________________ __________

ايه الضعف اللي انتي فيه ده اذا مش مرتاحة معاه اطلبي الطلاق حتي لو في المحكمة وارجعي في بيت اهلك اكرملك من انك تخدمي ضرتك وبناتها


__________________________________________________ __________

ربنا يكون بعونك .