عنوان الموضوع : احترت اتركه او لا -تم الاجابة
مقدم من طرف منتديات نساء الجزائر

احترت اتركه او لا



السلام عليكم ورحمة الله

ارجو من الادراه طرح موضوعي باقرب وقت

ولكم جزيل الشكر

ادخل في مشكلتي
انا طفله عشت طفوله قاسيه وفقر ويتم وامي تعبت وتحملت كثير عشانا الحمدلله قدرنا ندرس جامعه وتغير وضعنا ماشاء الله الى الاحسن بعد ما اشتغلنا والحمدلله ربي ارسلي شخص رائع بمعنى الكلمه اشبه بملاك خلال معرفتي فيه وبعد ماخطبني الحمدلله كل اموري كانت ممتازه والفضل لله وكنت الاحظ عليه حركات غيره بس ما كان يعلق ويسكت او يطنش بس كان يظهر بتصرفاتو وكثير اشياء عامه كان يعرفها عني يعني اكيد مثل طبيعة عملي اصدقائي حتى كنت اروح رحلات واسافر من مدينه لمدينه مع صاحباتي خواتي وعادي جدا
امي وبابا الله يرحمو كانو معطينا ثقه تامه واحنا عارفين الصح من الغلط وسامحين النا نروح وين مابدنا ونسوي وين مابدنا من دون قيود او تقاليد متخلفه لكن بالحد المسموح للبنت والدين طبعا وحتى فيه دكتور معي كبير بالعمر 50 سنه يعاملني كاني بنتو ومهتم فيني وبشغلي وحتى بدوام بحكولي عنو وين بابا واول ما بشوف خطبيبي برحب فيه كتير وبمدحني عندو زي انو فخر اي دكتور ممكن يتعامل معي يفتخر ويرفع راسه ماشاء الله علي احم احم
والوضع عادي جدا معو وكأن خطيبي كان محتاج شيء رسمي ليبدا يظهر وبعد ما كتبنا الكتاب ( الملكه في بعض الدول ) بدت حركاته تبان بدا يدخل ويحاول يتحكم
ويفرض رايو وكانو انسان تاني بالمره ويدقق على اشياء كانت تصير معي ادامو
وانا مو متعوده على حد يفتح معي تحقيق ع الطالعه والنازله يعلق ينتقد يعني نفس ما كنت اتصرف معو وقدامو قبل كتب الكتاب وقدام الكل مو بس هو لحالي بتصرف نفس بعد ما انكتب لكتاب ليه هيك صار يتصرف ويتحكم ويدخل لدرجة حتى اني لما رحت لصالون قصر شعري من تحت لانو تعبان بقلي مين قصلك شب او بنت وكان فيه شباب بصالون مع العلم انو بعرف انو ما الي علاقات مع شباب او اصحاب شباب او بخلي رجل غريب يمسكني غير بعذر زي طبيب او معالج مثلا وليه هالقد شلتي من شعرك وعلى أي اساس انت حتى صايره تتصرفي كل شي من كيفك ومزاجك وماكانو انا موجود المهم اوقات بحكي اشياء بفكرو بمزح من كتر ماهي غير منطقيه

المهم اني كنت ما برد عليه وبساير فيه انو اوكيه وطيب بس لما زودها تناقشت معو ناقش هادي ومحترم لكن لما شفتو بالمره مش راضي يسمع قلتلو على فكره انا بتصرف هيك وقدام اهلي ومستحيل انت تكون بتغار وبتخاف علي اكتر من اهلي ما ارد وحمل حالو وطلع وماعدت حكيت معو صارلي اسبوعين لانو طبعا هو شايف انو انا الغلطانه وهو الصح وانو لازم روح اعتذر عشان يحكي معي
واستغربت انو امو اجت عنا عشان تسأل متى رح نحدد موعد العرس كانو مو جايب الها سيره

المهم خلال هالاسبوعين كنت صلي استخاره اني اتركو او ابقى معو والى الان مافي جواب مجدد لانو ان هلا بتصرف هيك تصرفات بخاف بكرا لما نتجوز يحبسني بالبيت ومايخلني اروح مكان او يكون عندو غيره مرضيه او هيك شي
بجد انا احترت على الرغم من سوء تصرفاتو بالفتره الاخيره الا انو المزايا الي عجبتني فيه من اول ماعرفتو لسام وجوده
شو اعمل

>>>>> ردود الأعضـــــــــــــــــــاء على الموضوع <<<<<
==================================


الصراحه من بدري حلوه اجلسي معاه وتصارحو قبل الزواج واذا شفتي انو مايناسبك اتركيه من بدري افضل لانو انا متوقعه انو بينكم فروق في الاتصال الجتماعي عندك اشياء يشوفها هوه انو المفروض ماتسويها وذا كان الاعتقاد هذا موجود عنده معناتو مارايح تتعايشي معاه .


__________________________________________________ __________

تريدين الصراحة
انت وهو مختلفين بالتربية هو محافظ نوعا ما وانت منفتحة بنضره
هية واحدة من الاثنين اما تتركي
او تسمعي كلامة وتحاولي تتفهمي وجهة نضرة لانه مراح يغير
هذا شي مزروع به من الطفولة وهو الرجل كلمة لازم المسموعة والاولى والاخيره
وهو من حبة يغار عليك شي طبيعي اشوفة


__________________________________________________ __________

مثل زوجي وكنت أقول بعد الزواج راح يتغير بس للاسف تغير للاسوء الله يكون معك أختي


__________________________________________________ __________

وجهة نظري:/
اخاف لو تركتية
راح تبقين
وراح تتندميين وتتمنيين انك بقيتي علية؟؟
واخاف واحتمال وارد الشخص الي يخطبك بعدو.,راح يصير اسوء منو؟؟
لأن هنا استفساراته منك اشوفها طبيعيه جداً
وبالعكس دليل على حبه لك
ويحسك مثل الجوهره الي مايريد احد يلمسها غيرة..
فيا حبيبتي لاتضيعي الشاب منك لاسباب مو منطقية
ولاتقيدي نفسك بقيود وهميه تحسين ان خطيبك يقيدك والعكس هو يخاف عليك
ولابعدين تتندمين .,
ويفرض رايو وكانو انسان تاني بالمره ويدقق على اشياء كانت تصير معي ادامو
وانا مو متعوده على حد يفتح معي تحقيق ع الطالعه والنازله يعلق ينتقد يعني نفس ما كنت اتصرف معو وقدامو قبل كتب الكتاب وقدام الكل مو بس هو لحالي بتصرف نفس بعد ما انكتب لكتاب ليه هيك صار يتصرف ويتحكم ويدخل لدرجة حتى اني لما رحت لصالون قصر شعري من تحت لانو تعبان بقلي مين قصلك شب او بنت وكان فيه شباب بصالون مع العلم انو بعرف انو ما الي علاقات مع شباب او اصحاب شباب او بخلي رجل غريب يمسكني غير بعذر زي طبيب او معالج مثلا وليه هالقد شلتي من شعرك وعلى أي اساس انت حتى صايره تتصرفي كل شي من كيفك ومزاجك وماكانو انا موجود المهم اوقات بحكي اشياء بفكرو بمزح من كتر ماهي غير منطقيه



__________________________________________________ __________

الله يعينه