عنوان الموضوع : مُقيده منذ 8 سنين. -تم الاجابة
مقدم من طرف منتديات نساء الجزائر

مُقيده منذ 8 سنين.



السلام عليكم ورحمة الله وبركاته

اول شئ حابه اشكر القائمين على هالمنتدى الله يجزاهم الف خيير.


ثانياً، فيه شئ بقلبي مدري بس كل مره ادخل هالمنتدى اقول بكتب قصتي يمكن ارتاح لاني مو قادره اتكلم وافضفض لاحد، ماادري ابي حل او مجرد فضفضه، لكن لعل وعسى ارتاح لو شئ بسيط، لما كنت صغيره كنت فرفوشه وهبال وضحك وراعية سوالف هالكلام بفترة المراهقه ايام المتوسطه والكل يذكرني بالخير الكبير والصغير، طبعاً كنت في اتم الصحه والعافيه ولله الحمد، لين جت فتره وصار لي شئ تعرضت لشغله ومن يومها وانا ماني الاولئ بكي وبكيت صراخ وصرخت هبال وانهبلت دموع وحرقه بقلبي وقهر ونكد رب العالمين وحده اعلم بحالي، يوم عن يوم اتعب كرهت دراستي كرهت صديقاتي كرهت الاقارب المجتمع اللي حولي، كرهت الكلام والضحك والابتسامه والاكل والشرب والجمعات كلل شيييئ حتى اهتمام بنفسي وجسمي وشعري وبشرتي كلها خليتها ماعاد اهتم بشئ مااحط شئ عداوه بيني وبين الاهتمام والترتيب، انا انسانه احب اهلي جداً وفوق مايتصوره احد وهالشئ سكت عنه خوفاً عليهم من الصدمه وقررت اني آسكت واضطريت ابعد عنهم كثييييير كثيييير انعزلت لوحدي لفتره طويله حاولوا معاي بكل الطرق وكنت مصره اني مااطلع وابي اجلس لحالي اكلي وشربي بالغصب اخذه واكون بالغرفه بحالي ، مااسولف ولا اتكلم وهالشئ استمر لفتره طووويله جداً، تعبت من كثر ضغط اهلي سواء على دراستي وانهم مايبوني اتركها او طريقة حياتي او او او تعبت من هالشئ اللي صار واللي احتمال يصير لي ومن عمر 13 لين صار عمري 20 اللحين وانا عايشه بين خوف حزن وضيقه وتعب نفسي وجسدي، ابي اتغيير ابي اتكلم واعلم اهلي لاني عارفه من بعد الله محد بيساعدني غير اهلي، بس اخاف عليهم هالشئ مسيطر عليييي مليييت 8 سنوات ساكته ومتأمله خيير واردد دايماً ( ان الله اذا احب عبد ابتلاه ) جمله ممكن احد يقراها وينساها او يغفل عنها لكن هالجمله هي النور الوحيد اللي كنت عايشه عليه طول هال 8 سنوات، انتظر الفرج وادعي دايم واصلي واذكر الله تركت الدنيا من قبل لا اتعلق فيها هالشئ صارلي بعمر صغير مابعد استوعبت الدنيا ولما بديت اعيش انصدمت وطفيت ، مرت الايام والشهور ةالسنين وبدأ يبين علي التعب والامراض والخمول والكسل والخوف هالات حبوب شعر متساقط اضطرابات بكل شئ هرمونات دوره .... الخ! وجه تعبببببان بكل ماتعنيه الكلمه لدرجة الناس ينخرعون لاشافوني اهلي شايفين ومحروقين علي بس مااعطيهم مجال كنت اذا اضطريت وحسيتهم بيسحبون مني كلام اصرخ عليهم الله يسامحني كنت اصرخ حتى على امي وابوي والله ندمانه ومتحسفه بس هالشئ من خوفي عليهم، ليومي هذا وانا اتعالج من كل شئ جسمي اشبه بجثه صحتي (صفر) هالحزن والمصيبه اكلتني من داخل بشكل بطيئ لين اعدمتني، ليومي اعاني وليومي متفائله بالله ومتوكله عليه وانتظر الفرج قررييب ان شاء الله..


كلامي اللي فوق كتبته ولا راح ارجع عليه لاني ماابي اشوف (الجزء البسيط من معاناتي ) وماخفيي اعظم ، لكن يااخواتي انا محتااااااره محتاره محتاره تعبب مخي من كثر ماافكر بهالشئ، ودي اقول لاهلي عن هالشئ لانه يشكل خطر عليي وعلي اهلي لكن احياناً اقول انا صبرت كلللل هالسنين عجزانه اصبر شوي بس، يمكن ربي بيفتح لي باب الرزق والسعاده وابعد عنه باخر لحظه؟ ودايم اتراجع لما اقرأ ( ان الهم والغم اذا اشتد فأعلم ان الفرج قريب) كل ماانضغط وبنفجر اتذكر هالكلام واتذكر كل آيه وحديث تحث عالصبر واسكت او بالاصح اخرس نفسي لجل اكسب خير ربي ورضاه علي ، الحمدلله دايم احمد ربي حتى على هالمصيبه والمحنه واقول اكيد خير لي واحط الف عذر وعذر لجل مااستسلم واتكلم ، ولا اخفي عليكم مو غيره او حسد بالعكس والله اني اخاف عليهم واجلس اذكر ربي لما اشوف الناس مستانسه ومرتاحه لكن ابي اجرب هالشعور؟ كيف؟ حلو؟ السعاده والضحك والهبال كيف الواحد يحس فيه وقتها؟ دايم اشوف الصغار كيف عايشين وكيف يضحكون اتمنى اصير بزر زيهم، ابي اصير زي البنات خواتي اقاربي البنات اللي بالجامعه كيف يتكشخون ويتمكيجون ويلبسون وهذي اهتمامها بالفاشون وذي الاجهزه وذي السفر وذي الطبخ وانا؟ اهتمامي ايش ياانا؟ مافيه اهتمام مافيه هوايه؟ مافييني حيل افكر بهالامور لان اللي فيني اكبر من هالاشياء بس كوني انسانه اكيد بتمنئ هالاشياء ابيها تجربه عالاقل؟ مااعرف هالشعور قسم بالله واللي رفع السموات السبع بتصدقوني لو قلت مااعرف وش السعاده؟ ايش الضحك؟ احساس السعاده اللي يتكلمون عنه كيف؟ انخطبت اختي تزوجوا اخواني سافرنا تخرجت من الهم المدرسه ماحسيت بفرحه اصلاً ماادري ايش هو بس اعرف انه شعور يجي بالاوقات الحلوه واشوفه ع اهلي واللي حولي بس مااحس فيه، بدون مبالغه هاللي فيني لا محاولة احباط ولا كيد شيطان ولا تفكير سلبي ممكن كنت اقدر بالبدايه اتغاضئ لكن كنت صغييره استوعبت لما كبرت وماعاد يمدي لاني اشبه بجثه متربطه ولان هالشئ مربطني حتئ من اني اشرب موياء، دايم ينقال لي ميته متبلده بارده لاني فعلاً كذا ، اتقبل النقد لو جارح كنت جميله جداً صرت اقبح من القبيحه، كنت اسلوب وشخصيه وخفة دم صرت بدون اسلوب وحده كل همها نفسها بالنسبه لنظرة الناس لي، ثقيلة دم، محبطه، نكديه، صفات كثيره حطوها فيني الناس لكن مااهتم بها لدرجة العالم يقولون ماعندك كرامه ؟ بس انا وين والناس وين ياربي عالم تفكيرها اغلط ع فلانه وانكد ع فلانه مادروا ان فلانه يدخل الكلام من جهه ويطلع من جهه ثانيه، عالعموم هالسنه اصروا اهلي وبشكل عنيف اني اتغير كان يسحبوني عندهم بالصاله ويجلسوني ياخذوني للسوق وين مايطلعون ياخذوني حتئ احيانا يكشتون او يطلعون مكان بس عشاني كثررت طلعاتهم وكله عشاني ربي لايحرمني منهم ولايوريني فيهم مكروهه فقلت انا محتاجه مساعده و مو معقوله لين هالعمر وبكمل ع هالوضع فقلت بحاول معاهم اتغير وفعلاً بديت شوي شوي ارجع زي اول الا اشياء عييييت ترجع ابيها ترجعلي مثلاً ابي ارجع اتكلم؟ ماعرف اتكلم تصدقون ؟ بيني وبين نفسي وخلف الشاشه فضيعه بس بالوجه أبلم واتنح واصير زي البزر اللي توه متعلم ينطق ويخبط بالكلام، عندي انعدام ثقه وترا مااحبط نفسي بس فعلاً منعدمه الثقه عندي، ابي ابتسم واضحك كيف؟ ابي احس ولا الحركه هذاني شاقه فمي بس ماش مااحس بشئ، ابي ارجع شكلي عارفه كله بيد الله بس لازم ناخذ بالاسباب، والاشيااء الباقيه خلوها بيني وبين رب العالمين.


[ بعضكم بيقب فيني ويقول اني احبط نفسي وعقلي بهالصفات اللي اقولها عن نفسي بس النيه تفرق ناس تقولها من باب الاحباط او انه مجرد كلمات يمليها ع نفسه بدون سبب، لكن انا اقولها لكم لاني ابي اتعالج منها مو غلط اعترف بالصفات السيئه اللي فيني اذا كنت بتخلص منها ولا كيف بقدر احلها، الواحد لازم يكون صريح وقت العلاج ]


مدري فهمتوا شئ ولا؟ هههه عاد ابشركم هالمره ابتسمت لاني حسيتني خبله كاتبه عريضه والظاهر ان اغلبها طلاسم ، عالعموم اللي فهم يرد لو بحل بسيط مع اني والله ماودي اتشتت اكثر لكن ربي بيساعدني ان شاء الله، حلو الاعتراف، جداً ارتحت ربي يجزاها خير اللي حاطه هاليوزر وربي احس شئ طاح من على قلبي الله يسعدكم الله يسعدكم اجمعين


بقولكم شغله بالاخير وادري طولتها اعذروني؛

ابتلاء عظيم ونص عمري او اغلبه راح لكن راح ذكر طاعه عباده ودعاء وترجي وانكسار لله هالشئ يمسح ويخفف ويطبطب ع قلبي ان حياتي ما راحت سُدى وهباء، هالابتلاء عطاني دروس الى مالانهايه عقليتي اكبر من عمري ، تفكيري اسلوبي جداً عاجبني والفضل يرجع لله سبحانه تعالى الحمد والشكر لله ، احياناً ربي يرزقك عن طريق ابتلاء..

اللهم لك الحمد حتى ترضى ولك الحمد اذا رضيت ولك الحمدُ بعد الرضا.

اكتبوا ذكر لو بسيط مع ردودكم لعل الله يشفع لنا به يوم القيامه.

>>>>> ردود الأعضـــــــــــــــــــاء على الموضوع <<<<<
==================================


وعليكم السلام ورحمة الله وبركاته
سبحان الله وبحمده
مدري شو اقولك لاني مافهمت وش سبب مشكلتك لانه لو عرف السبب !!بطل العجب
على كل حال بداية حلوة انك عرضتي مشكلتك وهذه اول خطوة واستمري وساعدي اهلك
على نفسك لانهم ماقصروا معك
وانتبهي يلي انت فيه من كيد الشيطان اغلبيه بقوة ايمانك


__________________________________________________ __________

ما فهمت اش اللي صار معك
المشكله اش هي ؟؟؟؟


__________________________________________________ __________

ايش صار معاك الله يسترك ويفرج عليك


__________________________________________________ __________

طيب اش اللي صار وقلبك كذا؟


__________________________________________________ __________

وعليكم السلام ورحمة الله وبركاته
اختي ربي يفرج همج ويصلح احوالج واحوالنا امممم انا الصراحة مافهمت مشكلتج بس اللي فهمته انج تعرضتي لصدمة ونتي صغيرة بس ما استوعبتي الصدمة الا لما كبرتي وقلب حياتج ...
نفس ماقلتي الابتلاء يعلم الانسان اشياء كثيرة وشي طيب انج نويتي انج تغيرين من نفسج استمري والله يوفقج .. اقري في النت عن مواضيع الثقة بالنفس ومن هالكلام..

رددي دايما ( حسبي الله لا اله الا هو عليه توكلت وهو رب العرش العظيم)
( لا اله الا انت سبحانك اني كنت من الظالمين)
ادعي ربج ف جوف الليل عسى ربي يفرج همج