خايفه من الزواج بسبب اهل خطيبي !! الطبيب يجيب
عنوان الموضوع : خايفه من الزواج بسبب اهل خطيبي !! الطبيب يجيب
مقدم من طرف منتديات نساء الجزائر
خايفه من الزواج بسبب اهل خطيبي !!
السلام عليكم
يسعد اوقاتكم مالكم في الطويله
انا فتاه ماينقصني شي الحمدلله مملكه وعمري 22سنه على شاب ملتزم قمه في الطيب والاخلاق والرجوله وهذا الي ابيه
والحمدلله نموت في بعض واحاول قد ماقدر اسعده!! وهذا هو اكبرهمي سعاااادته!!
المشكله الي مقلقتني ان حيااتهم كلها مشاكل وحزن وهم!! دااايم يشتكيلي ويفضفض لي من اول ماملكناا من ابوه وزوجه ابوه ومشااكلهم وبصراحه عاش حياه صعبه في طفولته ويعيش حياه تعيسه في
شبابه وكمان فقد قبل سنتين اخوه الكبير بحادث واخوه هذا كان كل شي بحيااته وعون وسند له !! الله يعيننه بس
وكثيير متأثر وماعنده الحين الاخوات واخوه الصغير معااق ويقوم فيه كانه ابوووه وهو مسؤل عن كل شي حتى وربي هو الي يصرف عليهم من مكافئه الجامعه والحين تخرج ويدور وضيفه تعينه!!
بالمختصر ابوه انسان ضالم قااسي مايصرف عليهم ولايهتم فيهم وهو عنده خير لكن حسبي الله عليه .. ويضرب دايم عياله وزوجته الي هي ام خطيبي
حتى وربي انها قد راحت المستشفى لانه كسر يدها وزوجه ابوه الي هي الثانيه ضااااالمه وتساعد ابوه وتحرضه زياده عليهم وتفرح لما تشوفهم مقهورين ..!! والمصيبه عند الرجال كأن مافي مثله بالطيبه والاخلااق بختصار عند الناس بووجه وفي بيته ومع عياله
وحششش !!
حياه كلها مصاايب وحدث ولا حرج ...انا وربي احب خطيبي ويحبني ويشوفني امل حياته وسعادته وكل شي ..لكن خايفه بعد الزواج من الحياه الي بكون فيها وسط هالظلم والقهر لانه راح نكون بنفس العماره بس بشقه !
انا صرااحه اكره ابوه وزوجته وخايفه يأذوني ولا ابي احتك فيهم لانهم اعوذ بالله ناس ضلمه وماترحم !!
..يانااس وربي انا مبسوطه واعيش اخر دلال ورفاهيه مع اهلى فديتهم ولااعرف
المشاكل وماالي فيها ابداااا ولا اعلم اهلي بشي عشان ماقلقهم بس خااايفه ومهمومه بعدين اذا تزوجناا كيف اتعايش معهم وكيف اتصرف لو جاني انا وزوجي شي منهم وخاصه انا سمعنا انه زوجه ابوه لها بالسحر !!
..مادري وربي اعيش بهم بس ماقد قلت لخطيبي ولا قد حسسته بشي لان الي فيه مكفيه من البلاوي الي على رااسه ..ولاني ابيه يفضفض لي عشان يرتاح !!
كل بنت تتمنى تتزوج عشان تعيش بهدؤ وبرااحه وحياه حلوه
مو داخله على حياه كلها مشاكل وهم وحروب ..والله خااايفه مع انه وعدني يبعدني عن ابوه وعمته ومشاكلهم بس مدري احس الوضع مايطمن ادعوله ان الله يرزقه بالوضيفه بعيد عن منطقه اهله بس امه دايم تدعي يكون معهم لانه هو الي يحميها من ابوه وضلمه لها !!
ابي تقولون لي في احد مثلي وكيف تصرف وابي تقولون لي كيف انسيه همومه ومشاكله وكيف اسعده لانه والله انا بنضره كل شي ويحسسني اني انا الفرج له والامل ودايم يقولي متى ارتمي بحضنك وانسى الدنياا!!
مابي احطمه وابي اكون فعلا كل شي له واعوضه عن حياه الالم الحزن والحرمان والظلم
الي عاشه ويعيشه الى الحين للأسف !!!
>>>>> ردود الأعضـــــــــــــــــــاء على الموضوع <<<<<
==================================
ما حبيت ادخل بدون م اقول شي بس حبيبتي اذا سالفة سجر ما بيضرك ان شاء الله التزمي بقراءة سوره البقره وم بيصيبك شي ان شاء الله ونصحي بعد زوجك يقراها لانها بركه وربي بركه وتيسر الامور بدرجه لا تنوصف
من مجربه وخليه يخبر اخوانه يقرؤوها بعد وكل يوم صباح فتحي رقيه
بس م ذنبه هوه انه يطلعله اب كذا وهوه شافك مصدر راحه له عشان كذا يفضفضلك فلا تخليه يندم
ربي ييسر لك واستخيري
__________________________________________________ __________
لازم انت بشخصيتك وقوتك وحكمتك تحلي المشاكل ان حصلت بالمستقبل..,
يعني اذا الكل يمشي على تفكيرج ومايتزوج احد عنده مشاكل عائليه
لبقت البشريه كلها بلا زواج..!!!
وانتي قلتيها بنفسك انتي بشقة 2 يعني مو بنفس البيت..
اغلقوا بابكم وماعليكم منهم.,
__________________________________________________ __________
الله يكون في عونج
__________________________________________________ __________
الله المستعان عليك بسورة البقره يوميا وربنا الحافظ
__________________________________________________ __________
المشاركة الأصلية كتبت بواسطة Misk Queen 
لازم انت بشخصيتك وقوتك وحكمتك تحلي المشاكل ان حصلت بالمستقبل..,
يعني اذا الكل يمشي على تفكيرج ومايتزوج احد عنده مشاكل عائليه
لبقت البشريه كلها بلا زواج..!!!
وانتي قلتيها بنفسك انتي بشقة 2 يعني مو بنفس البيت..
اغلقوا بابكم وماعليكم منهم.,
رد مع اقتباس
