عنوان الموضوع : ( تعقيب ) زوجي وخياناته .... مجابة
مقدم من طرف منتديات نساء الجزائر

( تعقيب ) زوجي وخياناته ....



السلام عليكم جزاكم الله خير على المساعدة والدعوات امي تعبت تعب شديد لاني بعيدة عنها وتعبانة وماتعرف وش فيني والحت علي اخبرها بالسالفة وقلت لها كل شيء ،،،
اتصلت امي على زوجي ولعنت ابو خيره وتلاسنت معه ،،،،
جاء زوجي عندي وهاوشني وقلب السالفة كلها علي والغلط كله مني وهذي ايام العزوبية مالي شغل فيها طلعت له صورة بجوالي بشقتنا بالاردن معه بنت سحب جوالي وكسره بالجدار ،،،
صار بينا تلاسن بشكل فضيع وصحت وصرخت وانهرت وهو يلعن ويهدد ويصرخ ،،،
جت خالتي عندنا تسال وش صاير اصواتكم طالعة ليش وش صاير وزوجي طلع امه يخاف اقول لامه وهددني مااتكلم لاهله ان يطلقني قلت لاتحسبني بعد هالمناظر وهالعلوم بتمسك فيك وابكي عليك عزتي اغلى منك واخاف من الامراض بعدين تركني وطلع ورجع بعد ساعتين عندي وجلس يكلمني واضح انه كان عند امه لانه جلس يكلمني بنفس كلام واسلوب وتفكير امه وغير عن كلامه من ساعتين يقول لي مانبي نتطلق وبترك هالاشياء وانتي ساعديني وبنات عمي هم يتقربون مني ( وهذا مقصد خالتي تبي تبعدني عن بنات عمه ) قلت انا ماشفت لك ولاصورة مع بنات عمك كلها مع بنات حرام البلى فيك انت مو بنات عمك وقال لي كلام واضح انه محفظ ومو من قلبه قاله متسلسل بدون تعابير بوجهه ،،،
بعدين جت خالتي عندي وجلست تنصحني لاتماشين بنات عمه يغارون منك ويحسدونك لاتقولين اسرارك لهم قلت خاله انا مو محتاجة نصيحة ولدك ماشاف مني لاعيب ولاقصور ولدك الي محتاج النصيحة والبلى في ولدك مو احد ثاني وتشبكين المواضيع ببعض وتوصلين لي غايتك وتعلميني من اصادق وقالت لا انا مثل امك وابي لك الخير ومن هالكلام تشكرتها وطلعت من عندي ،،،،
بعدين قمت صليت الاستخارة وقلت لزوجي بكرة بروح لبيت ابوي قال وين اتفقنا وكلامنا من ساعة قلت كلامك لو اشك واحد بالمية انه طالع من قلبك مافكرت اطلع من عندك وانسى الموضوع ولا كأن شيء صاير لكن الكلام كلام امك محفظتك وجاي تقوله كلام امك ومقصدها وتفكيرها ونفس اسلوبها ولاتعابير بوجهك ومتسلسل بكلامك ونسيت بعض الكلام وتشهدت عشان تذكره وقلت ايه يوم ذكرته قال انتي ماتحبين امي قلت لاتغير الموضوع احلف ان الكلام طالع من قلبك قال انقلعي لبيت ابوك وعمرك لاتصدقيني واذا مارحتي لابوك بكرا انا شلتك ورميتك و و و قلت خلاص نزلني اللحين لبيت ابوي بس قبل برتب اغراضي ،،،،
رتبت اغراضي وخلصت ونام وانا ارتبها يوم خلصت قومته ورفض يقوم ،،،
جلست اكلم امي بعدين دق جوال زوجي دقة الواتز اب ويدق اتصال وزوجي ناااااايم شفت من الي يكلمه حصلتها امه كاتبة له بالواتز اب ياوليدي طيب خاطرها لاتخليها تروح لبيت ابوها ماصدقنا انك تتزوج تشوف كلن رفضك واترك هالخراب عنك ولايفرحون علينا عمانك واهلهم وافتح معها موضوع الحمل وعلمني وش صار معك و و و و و
خااالتي ام زوجي رغم ان بعض نصايحها طيبة ومن صالحي الا انها تقهرني تتدخل بخصوصياتي كلها وماتفكر فيني كثر ماتفكر بأعدائها رغم اني ماشفت منهم الا كل خير واغلاط ولدها تركبها اعدائها وتبي تمشي حياتي وتمشيني على كيفها ،،،،
انا اول مايصحى زوجي بروح لبيت ابوي ابي ابتعععععد عن زوجي قاااااهرني بس خايفة يعرف ابوي اني لي علاقة معه قبل الزواج ودي اروح عند امي بالاردن بس مابي اتراجع قدام زوجي واقوله بروح عند امي اخاف يعرف نقطة ضعفي ،،،،
انا جداً محتارة وتعبانة صاير فيني خفقان والضغط تعبني وعيوني متورمة مااشوف فيها ،،،،

>>>>> ردود الأعضـــــــــــــــــــاء على الموضوع <<<<<
==================================


الله يفرج همك
من هالحين لين الي يصير استغفري من قلبك ربك
والله يدلك لطريق الخير


__________________________________________________ __________

ولله ما اعرف شو اقلك
ان شا الله البنات يفيدونك
الله يكون بعونك
وفقك الله لما يحب ويرضى


__________________________________________________ __________

الله يعينك بس دايمآآ اتذكر الله موجود سلمي امرك له وماتنخذلي
نصيحتي: اصبري لاتزيدي امك هموم
ولاتروحي لابوكي اذا يعرف بعلاقتك قبل الزواج بينقهر
اصبري وربي يصلح زوجك


__________________________________________________ __________

ادعي ربك انه يصلح حالك


__________________________________________________ __________

احسن حل ادعى ربك و استغفرى وااصبرى و الله يهديه ويسخرلك.