عنوان الموضوع : يارب اجمعني فيه بالحلال.للبنات الفاهمات -لصحتك
مقدم من طرف منتديات نساء الجزائر

يارب اجمعني فيه بالحلال.للبنات الفاهمات



السلام عليكم
لو سمحتو انا بحكي لكم قصتي واتمنى من أي وحده ترد رد مو محترم او تقول غلطانه ومن هالحكي تسكت ولاترد ..كل انسان يعرف الغلط والصح والحلال والحرام
انا قصتي هي اني احب ولد خالتي وهو بعد يحبني من كلامه وبعض تصرفاته لنا علاقه ببعض تقريا 4 سنين او اقل بس مو متواصله ننقطع ونرجع بسبب الزعل او بسبب طلبي اننا نترك بعض بس مانقدر نبعد عن بعض فتره طويله لاتقولون مبزره وكلام فاضي انا عمري 25 واهو 30 مو صغار ومراهقه المهم هو مقتدر ماليا وموظف ووضعه جداا كويس بس المشكله هي ابيه يتقدملي وماني عارفه شلون اقوله لمى اكلمه استحي وماقدر اقوله حاولت كذا مره وماقدرت وغير كذا ماعندي اسلوب مادري شلون ابدا وافاتحه باهلموضوع لان مستححححححيل اتخيل نفسي مع احد غيره ومستحيل اتخيله مع وحده غيري ...وانا ماطلع ابداا ولااختلي فيه ابداااا كل الي بينا مكالمات ومو دايم وع الواتس بسسس وجدا انا محترمه معاه وهو بعد محترم بكلامه مو مثل هالبنات والعيال المايعين الي كلامهم مشفر وعارفين اشكالهم طبعا هالعينيه الزبده تكفووون ادعولي يكون من نصيبي وان ربي يجمعني فيه بالحلال عاجلا غير اجل ياحي ياقيوم انا عافره اني ماشيه بطريق حرام بس ادعولي بالهدايه ويكون من نصيبي..........مثل ماقلت الي عندها دعوه تدعيلي والي عندها نصيحه ورد زي الاوادم تكتبه لاكن الي تسب وتتكلم كلام سيئ تحتفظ فيه لنفسها وتضغط رجوع

>>>>> ردود الأعضـــــــــــــــــــاء على الموضوع <<<<<
==================================


ان شاء ربي سيكون من نصيبك


__________________________________________________ __________

ان شاء الله بكون من نصيبك والله يوفقك


__________________________________________________ __________

حبيبتي ركزي معاااااااي زين مازين اذا تستحين اكتبيله ف مسج او في ورقه وخليها في مكان وقوليله روح هالمكان وبتلقى شي

اكتبيله فيها بطريقه مبطنه بس صريحه

ان انا اخاف استمر وهذا يكون مو لصالحي ونتدمر بعدين فالاحسن انك تييني من باب الحلال وهي انك تكلم الوالد


وان شالله يستوي خير بينكم واذا في خلاف بين الاهل اقنعي امج وابوج هاذي حياتج ترى محد ضيع الناس الا الحيا والسكوت عن الحق والطيب هالزمن ماله مكان وبولسان ينحط فوق الروس يظربون له سلام ويسون له تعظيم ويخافون منه لانه يتكلم ويقول الحق


انا انصحج نصيحه وانا انسانه فاهمه ودارسه وافهم في هالامور اللي تسبب شتات العقل لو ماصارت


وعشان تتجنبين الحسسافه بعدين الحين انتي بادري ع اساس انج ماتبين تدخلين ف الحرام واكتبي له في مسج او ورقه وخليها ف مكان بس لاحد يدري عنج .......
واذا هو فعلا كان شاريج بيتكلم معاج ف الموضوع وبيتقدم لج واذا لعب عيال ذيج الساع ماعليج الا انج تمحينه باستيكه .........


وربي يوفقج وينولج اللي بمرادج واللي تتتمنيينه ....



اي استفسار حبيبتي راسليني ع الخاص ان شالله اقدر اساعدج


__________________________________________________ __________

وليش انتي تفاتحيه بالموضوع ؟ ؟ ؟ ؟ خلي هو يبادر هم مو يحبج ويريدج بالحلال!!!!اوكي خلي هو يبادر وبعدين هو اش منتظر اذا حالته المادية جيدة ويحبج وتحبيه اش منتظر مثلا؟؟؟؟؟ ماادري بس ممكن تلمحين تلميح مثلا تكولين صاحبتي تحب قريبها واجا خطبها وه نيته زينة وكذا من هالتلميحات بس لاتذكرين نفسج بتاتا يعني لاتكولين تعال اخطبني تنزلين من عينه مهما كان يحبج وتحبيه هذي طبيعة الرجل الشرقي وانشالله يكون من قسمتج ونصيبج


__________________________________________________ __________

أسأل الله الحي القيوم الواحد الفرد الصمد الذي لم يلد ولم يولد أن يجمع بينكو بالحلال عاجل وليس أجل
يااااااااااااااااااااااارب ولكل متحابين يجمع بينهم بالحلال وكل متخاصمين الصلح بينهم ياااااااااارب
دعواتك لي بتسهيل أموري ورد ضالتي وجمعي بها عاجل وليس أجل
وصلى الله عليه وسلم