اللي غارقين في المعاصي مجابة

[aksachli]

عنوان الموضوع : اللي غارقين في المعاصي مجابة
مقدم من طرف منتديات نساء الجزائر

اللي غارقين في المعاصي



بسم الله الرحمن الرحيم
انا ما عندي مشكلة لكن يمكن يكون عندي حل لبعض مشاكلكم بعد الله ، كلنا عندنا ذنوب ماحد فينا راضي حتى اللي حافظ القران وبار بوالديه ويقوم الليل يحس بالتقصير تجاه الله واحنا نشوفه على خير ، والله مهما سوينا الا اننا مقصرين جدا في حياتنا مع الاسف
انا كنت اسمع اغاني من المتوسطة الان اخر سنة في الثانوي كنت اسمعها متجاهلة حكمها لأن كل اللي حولي يسمعوا فقلت عادي جات عليا يعني ؟ وعلى فترات كنت اسوي العادة الله يكرمكم و احيانا اطيح ع صور سيئة واشوفها واندم وبعد فترة ارجع ، الكثير مننا كذا بينه وبين نفسه ويتمنى يتوب لكن يحس انه خلاص طايح في المعصية ومتعود عليها ولا هو قادر يتركها كنت كذا ، بس عن قريب في اليوتيوب شفت فيديو للشيخ نبيل العوضي بعنوان ظاهرة موت المغردين عن تويتر ماراح اطول واقول محتوى الحلقة لكن والله اول ما خلصتها رحت حذفت كل الاغاني بقناااعة تااامة وما حسيت بندم اقسم بالله ان الاغاني مالها متعة ، تحس بمتعة وقت الاستماع بس برضو جزء بداخلك حاس بحزن لأنك تعصي الله بنعمة ربي وهبك هي وغيرك فاقدها والله ما تتخيلوا حجم الشعور اللي حسيته وربي سعادة حسيت ان هذي خطوة كويسة بإني ارجع لربي بطريقة تليق بعظمته مو العبادة والصلاة اللي مو من قلب وخشوع ، وانا اتابع الحلقة تأثرت ومسكت دموعي لكن ليلتها صليت وبكيت ع سجادتي والله شعور انك ترجع لله مافي اجمل منه هذي الدنيا زااائلة كلنا بنموت نروح عزا حق 3 ايام نتأثر ونحزن ونرجع لحياتنا ويمكن لذنوبنا ليه ما خطر في بالنا اننا نكون بعد هذا الميت ؟
والله مهما كنت في مصيبة وبحثت عن حلول وحسيت راح تتجنن من الأزمة اترك كل شي وصلي ركعتين واقرأ من القران قد ما تقدر وبخشوع وترتيل وبراحتك قسم بالله تطلع من الغرفة وانت حاس ان الدنيا هذي ما تسوى شي قدام جنة الله وناره ، في اسبوع قرأت فوق 10 اجزاء والحمدلله والله اني بقفل واروح لشغلي اقول لا خلاص اخر صفحة يعني والله متعة ما بعدها متعة انك تكون قريب من اللي خلاك عايش لهذا اليوم وبصحة ونعمة ، حتى اذا رحت لجوالي وطفشانة اشغل القران واكون اسمع بالسماعات واكتب دروسي او ع تويتر وربي راااااحة والله شعور ان جربتوه راح تفهموني ، والعجيب ان والله العظيم حتى وانا جالسة اذا جا في بالي تخيل جنسي وكذا وربي ما احس بشهوة زي اول لأن قلبي كاره لهذا الفعل دام اني مو متزوجة احس انه شي سخيف بكرة بكون في قبري لوحدي ايش تفيدني الشهوة ولا الجنس ؟!! معليش لو متزوجة وبالحلال الان والله ما اهتم وخصوصا اني اقرأ قرآن بإستمرار وبخشوع واسمع كمان فهذي المعاصي ما صارت ممتعة زي ما كنت اشوفها ممتعة والاغاني والله تافهة قسم بالله مغني ومغنية يغنوا ايش دخلني اسمع لهم ؟ كفار وعصاة ليش انا المسلمة العربية اللي متربية تربية اسلامية اسمع لهم ؟ ما اعرف انها حراااام ؟؟ من ايام الروضة واحنا نعرف انها حرام ومع هذا نسمعها !! والله شي محزن
حتى في الوقت اللي اكون عند التلفزيون ولا مع اهلي وطفشانة احس بخوف اقول ياربي ليش قاعدة فاضية كذا بلا فايدة ؟ واروح الغرفة واقرا قران لأن الواحد اذا انحط في قبره راح يتمنى انه يرجع للدنيا عشان يعوض كل ذنوبه بطاعات طيب الان احنا في الدنيا عندنا فرصة لازم نستغلها
الفيلم ممكن نتابعه 10 مرات لأنه حلو بس القران ليش بس في شهر رمضان نقرأه وباقي الاشهر ننساه ؟؟ الفيلم اللي الكفار سووه احسن من كتاب ربنا ؟؟
ومتعة الفيلم اجمل واريح من متعة القران ؟
لازم نفكر ونتأمل كل فعل بحياتنا والله الواحد ما يضمن عمره انا ما اضمن اني بجي اشوف ردودكم يا كثر اللي ماتوا وهم اصغر من عمرنا والله الموت ما يعرف مريض وصحيح او صغير وكبير
كل انسان له رزقه اذا ربي كان كاتب ف رزقنا من هذي الدنيا راح يجينا من غير تعب مننا واذا ما كان كاتب والله لو نلف العالم ما يجينا نص ريال
ولازم نحط في بالنا اننا اذا كنا قريبين من الله الناس راح يحبونا برحمته وامورنا تتسهل والله لي شهور انتظرهم يطلعولي شريحة جوال قبل يومين ابويا راح فرعهم وبيطلعلي رقم ولابتوبي خربان من شهور وحالته حاله ودوه للصيانة من كم وراح يجيني بعد كم يوم وهذا وانا كنت ساكتة صح كنت ازن واطفشهم اول بس فكرت رضى ربي اهم من اجهزة وسكتت واهلي ساعدوني فيها حاجات بسيطة بس مستقبلا ماحد يدري ايش ربي راح يرزقه ويعطيه دام انه متعلق بربه في الراحة والشدة
واهم شي ان الواحد ما يحس بإحباط من سوء اللي حوله والله لو انهم كفار والعياذ بالله انت ما عليك فيهم اتوضى وصلي وكلامك خليه خير لا تغتاب ولا تسب وتشتم انصح المخطئ تقبل من المسئ وادعي له بالهداية خلي اخلاقك تكون طيبة مع الكل عشان برحمة الله غيرك بفعل بسيط منك يراجع نفسه ويتوب عن ذنب وتكسب اجره يعني لا تنتظر واحد من حولك عشان يأثر عليك وتقتدي فيه لا خليك انت هذي القدوة والله الموضوع سهل بالعمل الصالح والاخلاق الفاضلة وطلب العلم والعمل الشريف تكون في قمة سعادتك ورضاك بإذن الله
كلامي يمكن انه مو مرتب بس كانت مجرد افكار وامور قلت يمكن واحد منكم يتأمل خير من نفسه وما يقول بعد ايش اتوب لا والله رحمة الله تسع كل شي اذا رجعت له بصدق
اتمنى موضوعي ينزل ووالله ما ابغى غير مصلحتكم ولا تنسوا والله القران كتاب عظيم ما اوفيناه حقه من القراءة والفهم والعمل به هو موجود طول السنة مو في رمضان فقط
الله يسعدكم ويهدينا جميعا ويثبتنا على طاعته يااارب اميييين
سبحانك اللهم وبحمدك اشهد ان لا اله انت استغفرك واتوب اليك

>>>>> ردود الأعضـــــــــــــــــــاء على الموضوع <<<<<
==================================

جزاك الله خير

__________________________________________________ __________

جزاك الله كل خير

__________________________________________________ __________

جزاك الله كل خير

__________________________________________________ __________

ماشاء الله لآحول ولآقوة إلا بالله , كلآم نآبع من القلب للقلب
وأنا أقرآ كلآمككِ وربي جتني فرحهه , فكيف بربي يفرح
بتوبةة عبآدهه !! , الحمدلله الدنيا لسسـهه بخير
اسأل الله العلي القدير أن يثبتككِ ويحظككِ ويرزقككِ من حيث لآتحتسبين
وأن يجمعككِ أنتِ ومن تحبين بجنآن الفردوس , آمين يآرب العالمين
أرفع قبعتي احتراماً لشخصككِ الطيب
أحبككِ في الله

__________________________________________________ __________

ربنا يثبت ايمانك