عنوان الموضوع : اخوات زوجي تغيروا علي فجأه -تم الاجابة
مقدم من طرف منتديات نساء الجزائر

اخوات زوجي تغيروا علي فجأه



السلام عليكم

انا عمري 22 سنه ومتزوجه لي سنه ونص
في البدايه اول ماتزوجت ماكنت اعرف اهل زوجي بذات اخواته ماعمري شفتهم الا يوم تزوجت بالرغم انهم من قرايبنا من بعيد بس منطقه ثانيه

المهم بعد الزواج تعرفت عليهم وحبيتهم وهم بعد حبوني بذات اختهم الكبيره المتزوجه يمكن عمرها في بداية الثلاثين
نرسل بعض عالواتس وارتحت لهم حيل
واخوان زوجي ماشاءالله يمكن 5 متزوجين ومالي علاقه مع سلافاتي لاني مااشوفهم الا بالمناسبات وبنفس الوقت لاحظت بينهم حساسيه مع اخوات زوجي وسلفاتي
لان سلفاتي كلهم يقربون لبعض يعني اخوات وبنات اخوات

وبالنسبه لهم انا الوحيده اللي بينهم حبوني مثل ماقال زوجي

بس هذي الفتره لاحظت انهم متغيرين علي وانا متأكدهه ماسويت لهم شي
بقولكم كيف عرفت
اولا اخت زوجي دايم كانت ترسلي بالواتس رسايل وادعيه يمكن كل اسبوع ترسل
ومن بعد العيد ماعاد رسلت شي ولا حتى كلمتني ورسلت لها ولا رسلت لي
بس لاحظتها هي واختها يحطون صور عن القيل والقال
والحاله نفس الشي عن الاقنعه ومدري كيف

مااهتميت لهذا الشي لاني اتوقع مايقصدوني
المشكله مو هنا هذي رسايل عادي ماهمتتي

الشي اللي لاحظته انهم متغيرين علي
قبل امس قلت لزوجي اذا تجمعوا اخواتك خبرني عشان انزلهم
ونزل زوجي وشاف اخواته متجمعين وقال لهم اني بجيهم
وتكشخت ونزلت
واخت زوجي كانت بعيده عني بااخر المجلس بالعاده هي تجلس قريب مني
هالمره لا
كانت جالسه هي واختها جنب بعض وطول الوقت يهمسون لبعض وانا ماعطوني وجه بس سالوني كيفك وش اخبارك وصبولي قهوه
وبعدين طلعوا من المجلس وماعاد شفتهم وانا قاعده لوحدي
وجاتني اختهم الصغيره قاعده تلعب بالايباد وانا مدري وش اسوي وقعدت عالجوال
وبعدين بنت خالتهم جات ورحبوا فيها وسوالف واخت زوجي قعدت جنبها وتسولف معها وضحك وانا ماعطتني وجه ولا كأني موجوده بنت خالتهم مالي علاقه فيها وسوالفهم كلها عن ناس مااعرفهم مااقدر ادخل معهم بالسالفه

بس تصدقون اني طول للوقت ساكته ملييييت

المهم امس كان عندهم عشاء ونزلت لهم ونفس الشي لاحظت اخوات زوجي كلهم ماعطوني وجه لا انا ولا سلفتي
قاعدين مع بعض الاخوات ويسولفون وحده من اخوات زوجي بعمري وحبوبه ودايم سوالف انا وهي لاحظتها ماابتسمت ولا كلمتني ولا كأني موجوده حتى عينها ماتبي تحطها في عيني وش سويت ماادري

وش موقفكم لو وحده منكم مكاني وهي ماعمرها تكلمت عنهم من وراهم
ادري بتقولون يمكن سلفاتهم او وحده منهم بتخري بينكم او الفت عنك كلام بس مااتوقع يجي منهم هذا الشي لاني خلقه مالي علاقه فيهم
وبنفس الوقت بمنطقتهم مااعرف احد الا هم اخوات زوجي وزوجي واهلي وقرايبي في منطقه ثانيه
يعني متأكده ماسويت لهم الا كل خير

وش اتصرف لو زوجي قال ليه ماصرتي تنزلين لهم تحت اخاف لو قلت له اخوات متغيرين يسألهم ليه متغيرين
وانا مابي ارمي نفسي عليهم خلاص اللي علي سويته ومن راح بكيفه كيفه يجيبه

>>>>> ردود الأعضـــــــــــــــــــاء على الموضوع <<<<<
==================================


خلاص لاتديرين بالك الهم انتي سويتي اللي عليج وسويتي بالاصول واصلج طيب وهم ماعاملوج بالاصول فانتي ماعليج لا لوم ولاعتب ولاتفكرين بالموضوع حتى والمصريين كالو(ياخبر اليوم بفلوس يكرا يبقى ببلاش)خخخخخخخخخخخخخخخخخخ


__________________________________________________ __________

احمدي ربك جت ع كذا انا خوات زوجي واهله خلقه يكرهوني انا وعيالي وخليك رسميه احسن الطيب بذا الزمن ماله وجود


__________________________________________________ __________

خلي علاقة رسميه معهم ولما يجون عند اهلهم انزلي جامليهم
وما تسألي عن زعل حد يلي يزعل يرضى


__________________________________________________ __________

انا لو محلك ومتأكدة اني مش عامله شي
بتصل باخت زوجي الكبيرة يلي كانت تبعت ع الواتساب واحكيلها والله اشتقت لمسجاتك خير في شي شاغلك او في شي مزعلك مني حسيتكم مش ع بعضكم لما انزلت عندكم ومن هالحكي
صدقي راح تحكي وراح ترجع مثل اول هي وخواتها
وبنصحك ما تخسري علاقتك بحدا


__________________________________________________ __________

عاملهم رسمي ومن بعيد لبعيد لا تجتكي فيهم ابد هذه تصيحتي لج