عنوان الموضوع : شفت خطيبي وانصدممممممت الطبيب يجيب
مقدم من طرف منتديات نساء الجزائر

شفت خطيبي وانصدممممممت



مساء الخير جميييعا
اول شيء احب اشكركم كلكم على ردودكم على مشكلتي السابقه
اللي تكلمت فيها عن خطيبي انه من بعد الملجة 8 شهور سافر برا وماتشفته مووليه غير يوم ملجتي قعدت شويه وياه
ومابينا غير مكالمات ورسايل طول الثمانية اشهر
المهم مثل ماقلت لكم رد من السفر وياني وزارني بس والله انصدمت انصدمت
بنات انا كنت احبه وافكر فيه ومشتاقه له طول الفتره اللي راحت
كنت اعشق صوته واتخيل شكله كل مره يكلمني
طبعا اتخيله بناءا على الشكل اللي انا شايفته في الملجه
ودايم الخيال مو مثل الصدج
اول ماقابلته حسيت باستغراب حسيت اني داشه على شخص غريب
والله يابنات حسيت انه شخص ثاني مو ذاك اللي اكلمه
جلست شويه عنده ونزلت راسي وصرت اسمع حجيه من غير مااشوفه
عووورني قلبي سمعت الصوت اللي احبه واعشقه بس اذا رفعت عيوني
وشفت ويهه احس بنفور
احس مو متخيله صوته مع شكله وويهه !!
مو عارفه ليش مو متقبله ويهه ولا شكله مع اني كنت اعشق صوته واتحرى رسايله
صرت احس باضطراب في مشاعري تجاهه
ولاتعتقدون اني متخيله ملك جمال ولا شخص وسيييم لااااا والله
والله بس كنت اتخيل الشكل اللي شفته في الملجه بس الظاهر مع طول الايام
صار شكله كل يوم يتغير في عقلي ولا ماادري شنو
تدرون اول ماطلع من عندي اتصل علي والله ماعرفت احاجيه
ماصرت اركز في صوته صرت اتخيل شكله الجديد واحس اني باتعرف على شخص جديد من اول وجديد !!
غير خطيبي اللي احاجيه 8 شهور !
حتى صرت رسميه وانا احاجيه اكثر بس اضغط على نفسي وابين له ان ماكو شيء تغير واني حبيته اكثر
ماودي اكسر بخاطره وفي نفس الوقت مو عارفه شنو اللي صار فيني ابي ارجع احبه واتعلق فيه واحن له
مثل قبل بس مو عارفه شلون حاسه اني مو متقبله شكله
والله انها تييني لحظات اقول خلاص مابي اكمل وياه
مو فاهمه ليش قاعده احس بهالشيء تجاهه تكفون ساعدوووني

>>>>> ردود الأعضـــــــــــــــــــاء على الموضوع <<<<<
==================================


شو هالكلام لا حولة ولا قوة الا بالله حبيبتي اذا كان الحب
والرضى والثقة والاخلاص لا داعي للكلام الغير النافع
شو شكل ما شكل انتي صرلك مدة ما شفتيه وهو تغير النسالة تعتمد علي تاقلم بس
لاكن يوجد حل هو تطلبين منه صوره مشان تولفيه


__________________________________________________ __________

استخيري الله وادعي الله يكتبلك اللي فيه الخير


__________________________________________________ __________

استخيري واقرأي سورة البقره


الله يوفقك


__________________________________________________ __________

بالزمن هذا وكل ذي التقنيه ومملكه و ماعندك صورة له

او صور الملكه ؟!

و كل ابشهور هذي تكلمينه وما حط صورته نهائيا

واتز فيس بوك تويتر اخواته اي شي

احس لو ان الشكوى ذي كانت قبل 15 سنه ممكن اصدقها لكن الان قووويه

بس عموما ايش ورانا

عودي نفسك على شكله الصدمه بتكون فتره وبعدين تروح


__________________________________________________ __________

حبيبتي ....
حسب كلامك انتي م حبيته ...
انتي حبيتي صوته او ...
انعجبتي بصوته ...
الي يحب...
دووم يشوف المحبوب حلو ...
ولو كان ابشع واحد ..
انا اعرف انه اهم مو بشع ...
بس اننتي تخيلتي احلى ...
حبيبتي اسألي نفسك ...
هل انا احبه ام معجبة بصوته !!! ...
..جاوبي نفسك عشن تحددي مسار حياتك ...
اذا بتكملين وياه ام لا !!! ....
او غير كذا لاا تظلمي ه الرجال .....
بغيتي تكونين زوجتك ام لا !! ....
وتحملي قراراك لان ف الحياة لا مجال للوراء ....
صلي استخارة والباق ع الله ....


اتمنى لك التوفيق