عنوان الموضوع : انا وشقتي وجارتي!! -لصحتك
مقدم من طرف منتديات نساء الجزائر

انا وشقتي وجارتي!!



السلام عليكم ورحمة الله وبركاته
انا متابعة للمنتدى من زمان بس اتحطيت في موقف لقيت نفسي لازم اكتب لكم حتى اهدى والقى حل..
انا ساكنه في شقة ايجار من 5 سنوات عمارة نظيفة وهادية الدور اللي انا ساكنه فيه الدور الاول كله شقق عوايل كل مين حاله في نفسه والدور الارضي شقق صغيرة غرفتين وصالة عشان تعرفو الوضع العمارة مافيها عازل صوت اقلها صوت نسمعه ان شاء الله السطوح ولا الشارع تخبيط ترزيع بيبان صراخ كل شي مسموع.. من سنتين ونص كنت نازلة في الدرج مع عيالي صادفت جارة جدبدة سكنت في الشقة اللي تحتي واتعرفت عليها واخذنا الارقام وانتهى اللقاء.. بعد شهرين صارت ترسل على الواتس كيفك يا ام فلان بطلو جري فوق رؤوسنا !! غرفه اولادي طلعت فوق غرفة نومها و قلت لها طيب واسفين على الازعاج شقتي كلها سراميك وغرفة عيالي فارشة موكيت و وانا اطفالي صغار طبيعي حركتهم كتير بالذات ابو سنتين صرت البسهم شراريب ولا افتح غسالة ولا اكنس في الليل احتراما لها بحكم انها تشتكي من ازعاج عيالي وقت نومها لانها موظفة ولاني اعرف تمام حكم اذية الجيران وطول عمري سكنت في شقق ولا احد اشتكى مننا .. صارت الله يهديها كل فترة ترسل انها تبى تنام وانا اعتذر وامسك عيالي لين مرة رسلتلي على الواتس رسالة طويله واحاديث على حكم اذية الجيران وقالتلي مو معقول اطفالك حركتهم كتير وانتو بتزعجوني وانها بتروح الدوام مواصلة كتبت لها كلمتين (الله عالم اني باراعي جيرتك واذا ما يكفي كلمي صاحب العمارة او الشرطة او غيري مكان نومك) و غيرت رقم جوالي
مرت سنه والله اعلم بظروفنا فيها وهيا طول السنه دي تشتتكي صاحب العمارة واللي كمل الناقص كل ماجوني ضيوف تروح تكلم صاحب العمارة يعني يا اخواتي انا ضيوفي يجيبو اطفالهم معاهم وتكون زياراتهم اخر الاسبوع مو معقول اقلهم ممنوع اصطحاب الاطفال !! قمة المشكلة داحين انه في العيد جوني اهلي يعيدو عليا وفجاءة الا يدق زوجي يقول كلمني صاحب العمارة قال بطلو ازعاج الجارة الي تحت وبلاش حركة من بعد الساعة 10 انحرجت من اخواتي وعيالهم وصرت اقلهم اجلسو عاقلين لا تتحركو ضغط نفسي كبير مريت فيه وصرت ازعق على عيالي لا يلعبو ولا يجرو وحتى انا امشي واشتغل بهدوء اسبوعين وانا على اعصابي صرت اخاف اعزم احد لانه اربع مرات الان انحرج من ضيوفي بسبب هذه الجارة الله يهديها ..
بس شاء الله وما قدر فعل اني عزمت عمات زوجي هما سكانين في مدينه ثانيه اول مرة يجوني في بيتي وجو اطفالهم معاهم الله يحميمهم و وانا باحط العشا جرس بابي يدق بطريقة انه احد معلق على الجرس اطالع من العين السحرية حرمة منقبة فتحت الباب على بالي احد من اهلي تطلع الجارة وهيا ناوية الشر تقول يرضيكم اني ما انام بسبب الازعاج قلتلها عندي ضيوف ونحنا في اجازة قالت لا انتو على مدار السنه كدة موشغلي انك جالسة في البيت مرتاحة وانااتعب ولا انام قلتلها هادا بيتي ودي مشكلتك انتي وان شاء الله حيترتب كل شي وقت المدرسة صارت تتطاول بالكلام وانا ممتصة غضبي عشان الضيوف لين ما سبتني وقالت عني اني حرمة مو كويسة وسبت عيلتي وصارت تدعي انه ربنا يسلط عليا وانها من عايلة كبيرة وحتدعي عليا وعلى عيالي عند باب الكعبة والله مو ضعف اني مارديت بس عشان اهل زوجي ايش موقفي وانا اتضارب في اخر الليل ماخليتها تكمل كلامها وقفلت في وجهها الباب وصرت ابكي كان زوجي برا البيت وقت الموقف اتصلت عليه وقال مو من حقها تددق الباب
وفي الصباح كلمنا صاحب العمارة وشرح له زوجي القصة وانها دقت الباب علينا فقال ما يحق لها وانه حيخرج من الموضوع ولنا الحق في اي عمل نتخذه ضدها ..
وربي اني مسامحتها بس انا عايشة في قلق ومافي امكانيه ننقل لانه الايجارات عالية ودي شقتي برضو ايجارها عالي
كيف اتعامل معاها هيا منفصلة من زوجها وساكنه مع اولادها كبار نسبيا لوحدهم فما في اي رجال نكلمه زوجي قال لودقت تاني ما افتح لها الباب .. لو اي وحدة مكاني ايش بتسوي ! والله اني كل كلمة كتبتها صحيحة في الموضوع ولا زدت اي احداث اخرى او كلام اخر .

>>>>> ردود الأعضـــــــــــــــــــاء على الموضوع <<<<<
==================================


امممممممممممممممممممممممممممممممممممممممممممم *.*
لا تنقلي ولا شي انتو ساكنين قبلها في العمارة
واذا مب عاجبها الوضع هي المفروض تنقل او على الاقل تغير الدور اللي هي ساكنة فيه
يعني بدل ما تكون في الدور اللي تحت تنقل على دور اعلى اذا فيه مجال
وانتي سويتي اللي عليج وبصراحة اكثر خلي عيالج يسوو اللي يبونه
جيه ولا جيه هي شكلها تبا تسوي مشاكل
الله يعينج عليها
موفقة

استغفر الله العظيم الذي لا إله إلا هو الحي القيوم و أتوب إليه


__________________________________________________ __________

والله ياقلبيَ دام في ناس
قبلها جو وسكنو مكانها ولا قالو شي ،
ف هذي مشكلتها هيَ وانتم سوو الي يريحكم
وسوي الي تبين ف بيتك ماعليك من احد ،
وهي تتصرف وتدبر نفسها .
تغير مكان شقتها ولا تطلع من المبنى كله
والله يساعدها ويوفقك ويفتح عليك ويفرج همك ()
وابد ماعليك من احد سوي الي تبين ،
ابد مابقا الا هي يضايقونك ب بيتك ويتحكمون فيكَ
هه معصي والله اسكت لها لو اني مكانك : ()


__________________________________________________ __________

عادي هي الي متضايقه هي الي تغير مكان نومها ولا النوم يجيها مكان الازعاج الي تتكلم عنه وش ذي الجاره الاذيه

طنشيها اسمعي من اذن وطلعي من الثانيه ولاتقلقي خلي الاطفال يلعبون ويمشون ويسون الي يبون لاتحرميهم الحركه هم في بيتهم يتحركون مو في بيتها


__________________________________________________ __________

هي مش مستحمله ع طول بتطلعلك او بدق عليكي
والله مش عاجبها تروح تغير السكن ما تردي عليها


__________________________________________________ __________

يا اختي هده هي مشاكل العمارات من رايي
انك من حق ابنائك يلعبون يعني مش معقول تربطيهم طول النهار خليهم يلعبون بالنهار بس من الساعة 8 او 9 بالليل فهميهم ممنوع الجري والنط لان الي بالاسفل بينامون وبكدا تكوني عملتي الواجب
طبعا بالعزومة ممكن تعلميها انه اليوم عندي ضيوف واسفة لو ازعجتك خاصة انه يجوك بنهاية الاسبوع يعني اكيد ماتشتغل الصبح وممكن تصبح نايمة...
انتي التزمي بهدا بعد كدا خليها تشتكي ولا تفتحي لها الباب...ولو اشتكتلك وانتي نازلة مثلا لا تخليها تتمادى عليك لانها اظن تدلع عليك وشايفة نفسها
قوليلها انا اعمل لي علي ولو ماعجبك الوضع غيري السكن ووقفيها عن الكلام وبس