عنوان الموضوع : هذا حُب وإلا مرض ؟ الطبيب يجيب
مقدم من طرف منتديات نساء الجزائر

هذا حُب وإلا مرض ؟



السلام عليكم
بدخل بالموضوع ع طول

انا متعلقه أو يمكن احب ولد خالتي المهم انه دايم على بالي غصب عني
بالبدايه ماكنت افكر فيه بس من كثر ما اخته تسولف عنه وتلمح لي انه يحبني من كنت بالمتوسط و تقول لي شوفي فلان حاط بسيارته عقد مكتوب عليه حرفك ولما تعمدت اركب سيارته شفت حرفي وشوي شوي بديت اتعلق فيه طبعا انا خجوله جداً وخوافه وما احب اتحمل مسوؤلية دايم احتاج احد يقرر عني وهو نفسي تقريبا خجول جداً مرت الأيام وهو دايم في بالي بس طبعا فكرة الزواج كانت تخوفني لانها مسؤوليه صرت أتحرى شوفته واتابع خطواته من بعيد لما تخرجت من الثانويه دخلت الجامعة سنتين وهو دخل معهد سنتين وتخرج وتوظف وأول ما توظف دقت اخته تخطبني له قلت لها بفكر وبعدها كان على طرف لساني بقول اني موافقه بس لما أخته كلمتني استحيت أو خجلت اقول موافقه ماحسيت إلا بنفسي وانا اقول فلان ما أشوفه إلا اخوي وعمري مافكرت فيه كزوج

طبعا الخطبة تكررت 3 مرات ونفس الخجل يجيني خصوصا انه بنت خالتي هي اللي تكلمني مباشره وهذا اللي خجلني ومنعني من اني أقول رأيي

بعدها صرفو نظر عني وصارو يخطبون له أكثر من مره لين ربي وفقه وتزوج والحين عنده ولد الله يحفظه له ولها

المشكلة للحين افكر فيه وكل ماخطبني احد ارفض لأني مابي أتزوج شخص وشعوري لشخص ثاني يعني حرام اظلم احد

وبعدها قررت افكر بنفسي واتخذ قرار لمصلحتي وفعلا اول شخص تقدم لي وافقت عليه بدون شروط استخرت وقلت موافقه وسبحان الله بنفس يوم الخطبه الرسمية أخوي كان توه جاي من سفر ولما عرف اللي خطبني أخذ أبوي على انفراد وبعدها أبوي رفض وانا قلت خيره

الحين عمري 27 سنه وللحين ولد خالتي شاغل بالي وتفكيري لدرجة اني كل يوم قبل أنام احلم احلام يقظة فيه أحس اني مريضه مع اني أتمنى له كل الخير مع زوجته بس ماني قادره اشيله من بالي أبد


أبي حل لمشكلتي
تتوقعون لما أتزوج شخص ثاني بنساه؟
أخاف أتزوج ويظل قلبي مع ولد خالتي واظلم ولد الناس معي

>>>>> ردود الأعضـــــــــــــــــــاء على الموضوع <<<<<
==================================


اااااااااااب


__________________________________________________ __________

معقوله يعني كنتي تبينه وثلاث مرات استحيتي توافقين ..!!

سبحان الله اكييد انها خييره لك حنا بشر ما نملك لانفسنا ضر ولا نفع ثقي بأن الله كاتب لك الافضل وبيختار لك الافضل ان شاء الله


الله يوفقك ويرزقك بالزوج الصالح وبنات المسلمين يارب


__________________________________________________ __________

وعليكم السلآم ورحمة الله وبركاتة
حبيبتي لآتشغلي نفسككِ بشي رآح من زمان
بعدين هو تزوج وعاش حيآته لآتجلسي تفكري فيه وتتعبي نفسكِ زياده
وإذا تقدم لكِ أحد اولاً استخيري وإذا ارتحتي له وآفقي عليه
أنتِ شاغله بالكِ فيـهه حالياً , بس صدقيني إذا تزوجتي بكرآ
رآح تحبي زوجكِ إن شاء الله , ومَ تشوفي أحد يحل مكآنه
بس إنتِ لآتفكري في اشياء تهدمين فيها مستقبلكِ يَ قلبي
عيشي حيآتكِ ولآتلتفتي للماضي أبداً , ترآها حركات مرآهقـةة لآ أكثر
كلنا حبينا , والنصيب شيء ثاني , والحمدلله كل اللي كاتبه لنا ربي خيييييـر
المهم لآتستمري ع هالحاله وتتعبي نفسكِ زيآدهه ,
استغفري ربكِ والله يرزقكِ بالزوج الصالح اللي يحبكِ وتحبينـهه يارب
حآولي تنسي المآضي بكل اللي فيـهه , خلاص اللي فات مات
وابدأي حيآهه جديدهه , ويَ جعلها حيآهه سعيدهه وهنيئـهه لكِ يارب
والله يوفقككِ ويسعدككِ في الدارين يارب
أتمنى أني افدتكِ ولو بشيء بسيط

سبحان الله وبحمدهـ , سبحان الله العظيم


__________________________________________________ __________

الحمدلله
عسى ان تكرهو شيئا وهو خيرا لكم
ممكن خيرة ، لاتعلمين عزيزتي الخيرة فين .
المهم الان انتي لازم تكوني واقعية وتناقشين الموضوع بشكل عقلاني ، ماراح يفيدك تعلقك بمتزوج . التعلق هذا مبنى على انه مافيه غيره في حياتك، ساهم في ذلك ايضا طبيعتك الخجوله وضعف تجربتك في الحياة .
نصيحتي انسيه تماما واقرأي كثير ولا تنسي الدعاء . لو جاء النصيب مجددا استخيري وتوكلي على الله
الله يوفقك يارب ويعوضك خير منه حبيبتي، الي احب اطمنك به صدقيني مجرد تتزوجي راح تتغير هذه الافكار والميول اتجاهه . يجب التفكير بعقل اكثر.


__________________________________________________ __________

خيره سبحان الله .. خلاص انسيه اشغلي نفسج بشي ثاني دراستج شغلج
واذا تقدم لج احد استخيري وتوكلي على الله .

الله يسر لك امورك ..