عنوان الموضوع : مشكلتي أحلام اليقظة -تم الاجابة
مقدم من طرف منتديات نساء الجزائر

مشكلتي أحلام اليقظة



السلام عليكم ..





كل يومي وانا سرحااااااانة شارذة الذهن .. كله اتخيل واعيش في خيااااااالي

ماأقدر ارجع للواقع .. المشكلة ..انه الوقت يضيع وماسويت شي ..
بقولكم يومي بالكامل

أنا اول مااصحى من النوم .. ارووح الحمام وانوتوا بكرامة .. اقعد فيه
ساعة ساعتين كله أقعد اسرح وافكر .. بعدين اشوف شغلي ..
يوصل لدرجة اني اضحك واتكلم مع نفسي ..
اوكى طلعت من الحمام .. اصلي اقعد بشوف اللي علي .. مااقدر ..كله اقعد سرحااااااانة
الين يجي وقت الصلاة الثانية .. والحق عليها .. .. وصارت حياتي كلها كذا
يعني انا فبيتي ماسوي شي كله قاعدة نايمة .. انام واااااايد
واللسبب اني استرسل بهالاحلام والسرحان ..,وإذا صحيت اصحى متأخر ..
خلالالالالالالالالالاص ضااع وقتي وحياتي وماشفت شي
يعني يوصل اني مااكل ولا اشرب .. أنسي نفسي كله حياتي عيشتها بالسرحان والخيالات

مااقدر ماأقدر اترك أحلامي .. بس استرسل فها احبها واااااايد احبها مااقدر اتركها
صح بعض الاحيان اقعد ابكي اش الفايدة ولا شي اتحقق ..
بس بعدني مصرة على هالشي .. يتحقق الشي اللي فبالي على الحلم لو مو على واااقع .. استانس مع احلامي واسترسل ..

اقعد لوحدي دايما .. احب اعيش هالخيالات كثييييير .. ..

صرت احب الوحدة كثيير والأاماكن اللي مافيها أحد .. اقعد واتخيل
أنا بما أني اصحى متأخر يعني أنام متأخر أهلي كلهم نايمين
وأناأقعد لوحدي في الغرفة اسسرررررح واقص الين يمر الوقت

حتى إذا ابغى اسوي شي .. امشي على اساس اروح اسوي هالشي ..

بنص الطريق اوقف .. اسررررررررح .. لين تخلص القصة

اكمل طريقي



بس صايرة اركض ورى الوقت .. مااسوي ولا شي كل اللي اسوي اصلي ..كل صلاة والحمدلله .. والبااقي نايمة ولا قاعدة سرحانة

وإذا كان علي الدورة الله يكرمكم .. انااااااام اليوم كله ..


خلاص فكرت
انقطع عن العالم اقعد لوحدي .. واعيش حياتي كذا احسن

عن جد ماادري اش نهااااااايتي ..


حبيبااتي اسمعوني

ادري أنا اللي اسويه غلط x غلط .. حتى ماكاني انسانة حية .. كأئن ميت

بس والله مو بكيفي هالاحلام مجننتني .. بس ابغى أعيشها ..

حتى لوفتحت المصحف اقرى .. انسى انه المصحف بيدي .. اسرررررررح واسترسل الين يروح الوقت

بعض الاحيان اقعد لوحدي اقعد واسرح تجي اختي تكلمني

وااااااااايد واااااااااايد اضيق احس بضيقة بصدري ... ابغى اخذ اي شي جنبي وارميه عليها ماابغى اسمعهاااااااااا ابغى اكمل سرحاني
حتى اكون امسك نفسي واعصابي واسمع لها .

. هي تحس تقول خليك معايا .. اقولها خلالالالاص مليت اتركيني .. تتركني
واقعد لوحد ي .. مااقدر اقطع القصة .. الين اكملها ..

حتى لووحدة تكلمني مااكون معاها ماأفهمها عدل لان تفكيري مو معايا ..

وصلاتي بعد كله خيال مو كاني اصلي .. بس اقرا وانا مو هنا

استغفر الله عسى ربي يسامحني ..

عن جد عن جد ماأقدر .. صعععععب اتخلص من هالشي المشكلة اني احب احب هالقصص والاحلام إذا تركتها يضيق صدري .. وابكي \ بس ارجع اكملها

مأقدر اقاااااااااوم


.. الله يخليكم ادعوووووووووووليي وشورا علي

اشلون احل المشكلة وانا احبها ,مأقدر اقاومها .. مأقدر اعيش حياتي بدونها والله صدري يضيق بدونها

احب أحب هالأحلام صدددددق



ترى الموضوع حطيته في منتدى غير مالقيت حل

>>>>> ردود الأعضـــــــــــــــــــاء على الموضوع <<<<<
==================================


السلام عليكم ورحمة الله وبركاته ..

الحل / اختي ...

اشغلي نفسك في القيام بشغل البيت ..

مثلا ً الطبخ تنظيف المطبخ والاواني ..

تنظيف البيت ..

الراضه مثلا ً ..

لو تأخذين سايكل الثابت وتتمرني نصف ساعه في اليوم وكل يوم تزيدين الوقت في الجري على السايكل ..

افضل ..

ولا تجلسي من دون شغل ..

فالجلوس من غير شغل .. يُصيب بالوساوس ويمكن يصل الى الجنون ..

فالعمل والتعب الجسدي والجهد يريح النفسيه ..

هذا حلي ..

وشكرا ً ..اختك ِ الصغيره ( سامية الهقوه )


__________________________________________________ __________

الحل ياحبيبتي مااتوقع انه بيدك.. وحالتك واضح انك مو قادره تسيطرين عليها

لازم تعرضين نفسك على طبيب نفسي وتشرحين له حالتك وهو ان شاء الله بيعطيك الحل المناسب

اهم شي لاتهملين نفسك وتستسلمين للاحلام


__________________________________________________ __________

السلام عليكم
الحل يا اختي فهو الزواج اذا كنت غير متزوجة او الاولاد اذا كنت متزوجة و ليس عندك اولاد
لان الزواج و انجاب الاولاد يخرجون المرأة من احلام يقضتها لانها ستجد نفسها امام الامر الواقع لهذا ادعي الله ان يفرج عليك بالزوج الصالح و الذرية الصالحة و لكي يستجيب الله لدعائك يستوجب حضور القلب يعني التركيز في الصلاة و الدعاء و الابتعاد عن السرحان و لهذا ستجدين سبب يقويك على مواجهة هذه الاحلام اثناء التعبد و اذا نجحت و سيطرتي عليها اثناء تعبدك ستتوالى مواجهتك لها في الاوقات الاخرى ان شاء الله


__________________________________________________ __________

اهلين اختي,,

اشغلي نفسك في الاعمال المنزليه واكثري من الاستغفار اثناء قيامك بالشغل
واهتمي بأمر الخشوع في الصلاه لاتكوني ضعيفه وتخلي الشيطان يذكرك بتلك الاحلام خاصه عند الصلاه
وبما انك فاضيه طول الوقت اكثري من قراءة القرآن فهو افضل علاج نفسي,,,

اتمنى ان تستفيدي مماذكرت
والله يكتب لك الشفاء,,,


مودتي واحترامي...


__________________________________________________ __________

انا اقترح تروحي طبيب نفسي