عنوان الموضوع : أم زوجي واتهامها لامي بالسحر2 الطبيب يجيب
مقدم من طرف منتديات نساء الجزائر

أم زوجي واتهامها لامي بالسحر2



حاولت ارد على العضوات في موضوعي السابق لكن ماعرفت شلون اذا دخلت بعضوية مشكلتي ماتطلع لي خانة كتابة رد
حبيت اشكر كل اللي ردووا
وابي افضفض لكم اكثر عشان تتعرفون اكثر على وضعي
طبعا المشكله متفرعه لعدة فروع اول شي ماعندي استقلاليه مثل ماوضحت سكني في الطابق الثاني شقه صغيره غرفتين وحمام ومطبخ بدون صاله حتى وألدرج مشترك والباب مشترك
وانا مو معترضه على كبر المكان او صغره انا اللي مضايقني اللقافه والتدخل بكل شي سواء من ام زوجي او خواته او اخوانه
كلهم يتدخلون كأنها حياتهم ويقررون بدل زوجي بعد
بعيدا عن الدراسه مثلا لو بغيت اتعشى بمطعم وزوجي وافق نروح ونتعشى
واحنا نازلين نقابل امه او وحده من خواته او اخوانه ولازم هالسؤال وين رايحيين
وزوجي يعطيهم التفاصيل
زوجتي لها نفس تاكل مشاوي وعازمها في مطعم
وطبعا هالكلام مايعجبهم فيتفلسفون ويقولون له الحين اقل حاجه بتخسر 150الى200ريال
حرام تعشوا مكرونه او اذا مره تبون مشاوي
خذوا صحن لحم.مبهر من اللحام وسووه بالشوايه الكهربائيه احسن وارخص
والله ان زوجي يقتنع بكلامهم.ويلغي العزيمه
ولو اصريت عليه تنقلب مشكله ويصرخ ويعلي صوته علي ويقط كلام جارح ويبكيني
موقف ثاني امه الله لايسامحها
مقهوره اني في الجامعه تخيلو لو بنتي تجيها فلونزا تقول ان السبب أنا لاني اطلعها يوميا من الصبح عشان اوديها لامي وانا اروح الجامعه وتجلس تون قدام زوجي وتقول اه ياقلبي مزكمه فطستي من الزكام كله من الهواء وطلعة الصبح حرام ياقلبي وزوجي خلاااص يبي يقطعني وبس صعدنا ماخلى كلمه ماقالها يالظالمه ياعديمة الاحساس انتي مرضتيها ويهددني بالطلاق لاني مو قد مسؤولية اطفال
ومنعني اداوم اسبوعين
موقف ثاني جات فاتورة الكهرب وكلنا عداد واحد فوق وتحت المهم واحنا ماعندنا الا مكيف واحد بس حتى الغرفه الثانيه مافيها تكييف ومكيف المطبخ خربان فما اشغله يعني المفترض تكون الفاتوره شي بسيط
وتحت امه وخواته المتزوجات يوميا يجون مع عيالهم
وفيه خمس غرف ومجلس والصاله وكل تكيف و24ساعه متواجدين يعني لو اطلعت الام البنات يسدوون مكانها او اخوانه اللي عايشين برا واخوانه اللي مو متزوجين وفوق هذا يقاسمونه بالفواتير سواء كهرب او مويه
ودايما الفاتوره تجي كثير في الشهر والمويه مدري كم والنت قافلينه ويبون نص القيمه عشان يعطونا الرقم وفي شهر زوجي كان مضغوط وماعنده يدفع لهم فواتير لان سيارته في الورشه وضاربه ماكينتها تخيلوا اخته قامت تقول خل زوجتك تدفع اهي تستلم مكافئات وعندها فلوس واخوه صف معاها وقام يقول ايه خذ منها مو هي تستخدم كهرب ومويه خل تدفع شهر واحد مايضرها شي والام معاهم
يوم رفضت وقلت ماني دافعه ولا ريال كافي علي مصاريف المواصلات والكتب حقت الجامعه مايبقى لي ولا هلله زوجي صار مايكلمني ويطالعني بنظرات احتقار
تخيلو اخر مشكلة صارت لي يوم تطردني امه غلطت علي وقالت لي روحي بيت اهلك يالله مع السلامه ويوم مروا اهلي عشان يبون يعرفون ليش تدخل وتطردني من الاساس انكرت انها طردتني وكل السب واللعن تقول ماقالته لي يابنات حتى الاكل عايرتني فيه تقول اكل بطنك من عندي وانتي ماكله خير ولدي واهو يابنات حتى مصروف مايعطيني توه من كم شهر صار يعطيني 200 ريال كل شي من مكافئاتي وقبل لاأدخل الجامعه كانوا اهلي يعطوني فلوس يعني اي خير اللي اكلته خيره كل على سياراته المرسيدس وفواتيرهم المهم واشترط
على زوجي وقتها سكن منفصل او درج جانبي لكن رفض وقال هذا سكني تبين تعالي ماتبين ما أقدر
اطلع ايجار او اسوي درج وضليت عند اهلي لين ماجاء مره ثانيه واعتذر ورجعني وهذا انا عايشه بنفس الوضع تدخل وتسلط ونفسية زوجي الزفت وبدون ما اسوي شي بالعكس انا الحين بوضع اتوحم ووحامي صعب استفرغ ودوخه وابي انام واهو مو راحمني من الكلام الجارح والتعليقات على اتفه شي اوقات يحس بعمره ويعتذر واوقات والله ماتفرق وياه اذا شافني مضايقه او بغيت اعاتبه يصرخ ويقولي سديحلجك ما ابغى اسمع ولا كلمه
ماعنده تفاهم ابد مايعرف الا شي واحد بس اي شي يصير يروح يجلس عند اهله ويعلمهم مثل البزر

حسبي الله ونعم الوكيل
نزلوا الوضوع يعطيكم العافيه..

>>>>> ردود الأعضـــــــــــــــــــاء على الموضوع <<<<<
==================================


يسعدني اكون اول وحدة ترد طبعا قريت الموضوعين وراح اجاوبج بالبداية الله يعينج ع ما بلاج وربنا ينتقم من كل ظالم جبار الغيرة الغيرة الغيرة الغيرة يابنت الحلال بيت حماج طاكين غيرة وقهر منج والسبب دراستج وثقافتج فانتي شراح تسوين؟؟؟؟؟؟؟؟؟؟؟اتركي الماضي واللي فات مات وانسي الي صار زمان واقلبي السحر عالساحر يعني اكسبي زوجج اكسبيه الرجال مهما كان طفل مدلل اكسبه بالحب بالحنان بالاسلوب الحلو خليه خاتم صغير باصبعج خليه مايكدر يشوف الدنيا دونج زين شلون؟؟؟؟؟؟سوي نفسج كدامه بنت بريئة مسكينة بس تريد رضا اهله انزلي بوسي امه وكلميها باسلوب حلو كدامه لاززززززززززززم واقنعيه انج تموتين عليهم وبكذا راح تصيرين بعينه دايما الضحية وبعدين شوية شوية مو لزك خبط علميه يبطل يسولف لاهله يبطل يحجي اسرار اذا رحتو تتعشون سو نفسكم رايحين لسوك او عند امج يعني ياماما باختصار كوني حييييييييييييييييييييييييييالة ذكية ثعلب برداء نعجة البراءة والمسكنة كدامه والشيطنة وراه مثلي عليهم الحب وشوفي النتايج وتعالي كوليلي شراءيج بعدين وباجر تكولين تراجي كالت وحجت وبالمناسبة انصحج نصيحة لوجه الله تعالى دراستج ثم دراستج ثم دراستج ونظمي امور ببتج ع قدر الامكان وخصوصا بيتج صغير وعندج بنت وحدة بس


__________________________________________________ __________

الله معك انا متل وضعك انا عند اهلي وزوجي مسافر حماتي طردتني باسلوب غير مباشر وانا ما ابي ارجع عندها انا حظي اقل منك اصلي ما عندي مطبخ اكلي معهم وانا اطبخ وامسح وشايلة كل شي بفم ساكت وسامحة في كل حقوقي ما اقدر حتى ازور اهلي بدون ما اسمع كلام طالع نازل ولما ارجع تقول جابت سحر من عند امها انا مقهورة ربي يفرج همي وهمك حسبي الله ونعم الوكيل


__________________________________________________ __________

اووووف الله يعييينك
ماا يستحوووون هالاواددم
الحمد لله اني بعييييده عنهم كلهم


__________________________________________________ __________

روحي بيت اهلك ولو حب يدك وراسك ولو جت امه بنفسها واعتذرت لا ترجعلي لهم وفلوسك خليها لك لاتعطيها لزوجك ولاتعطيه ولاريال وقولي لاهلك كل اللي يصير..

اقل شي خليك في بيت اهلك الى ماتخلص دراستكـ..موكل ماقال اسف تسامحيه وحتى لو طلقك ياختي فكة واشك انه بيطلقك لان مافي احد بيتحمل العيشة اللي انتي عايشتها معه..


__________________________________________________ __________

السلام عليكم
الله يكون في العون اسمحي لي ان اقول لك ان زوجك ليس لديه شخصية لو كان ايحبك ماكان سمح لهم يتمادون بهذه الطريقة
واصلا مالك من حقك او هو الي يصرف عليك هذا من ناحية الشرع
كان الله في عونك