عنوان الموضوع : اهل زوجي ماياكلون من طبخي ابي الحل تكفون الطبيب يجيب
مقدم من طرف منتديات نساء الجزائر

اهل زوجي ماياكلون من طبخي ابي الحل تكفون



مشكلتي واضحه من العنوان
اهل زوجي واللي انا ساكنه وياهم
ماياكلو من طبخي

مع ان شغلي نظييييف والله العظيم
وكل مااطبخ شي واقولهم شاركوني يقولون تونا ماكلين
او مشكوره مالي نفس
واخت زوجي احيانا تقول مسويه حميه
او خالتي تقول ماتقبلها معدتي >>يعني توجعها

واعذاااار كثيرررره
لكن لو شي من المطعم تروووح هالاعذار كلها
واحيانا بعد مااطبخ احط نص الاكل لي ولزوجي
واخلي الباقي بالمطبخ على اساس ياكلوها
وتقعد الاكله لين اليوم الثاني يا إما القاها بالثلاجه واحيانا بالزباله

ويمكن تقولو يمكن اعذارهم بمحلها وصادقين بس لي سنتين متزوجه وماياكلو من طبخي
على فكره زوجي يمدح طبخي واهلي كمان يعني بالعربي :اعررف اطبخ

,,,,,حتى زوجة اخو زوجي الكبير وعيالها الصغار ماياكلون شي من طبخي كنهم موصينهم
تقهرني بنتها عمرها 9سنوات تسأل من طبخ هالاكله؟ لو قلت انا وربي ماتاكل لو هي ميته جوع>> اناظرها نظرات تعجب
حتى الصغيره موصينها زييين
وربي ماودي اظلمهم بس هذا اللي باين
وكمان اخواته المتزوجات وعيالهم نفس الشي
مع اني كنت ااكل من اكلهم ومازلت
واحس مافيها اي شي

وترى مابيني وبينهم اي عدااوه
ولله الحمد
وام زوجي دايم تمدحني قدام رجلي وتقول اعتبرها مثل بنتي

لكن اتوقع عندهم وسواس نظافه انا سمعت عنها ..تتوقعون هالشي؟

مره قلت لزوجي :ليه اهلك ماياكلو من اكلي و..و...و قلت له كل شي
قال يمكن مالهم نفس للاكل وقتهاوسكت
قلت لي سنتين ومالهم نفس
وبس قفلنا ع الموضوع


احيانا اقول في نفسي بكيفهم اهم شي زوجي ياكل من طبخي

لكن وربي يضيق صدري لما يعاملوني كذا
يحسسوني اني مو وحده منهم

برأيكم وش الحل
بانتظار ردودكم

>>>>> ردود الأعضـــــــــــــــــــاء على الموضوع <<<<<
==================================


زين يت منهم ومو منك ريحي نفسك وطبخي علي قد اكلج انتي وزوجك لان حرام الاكل ينقط بالزبالة في ناس مو لاقية تاكل
ولا تاخذين بخاطرك وكوني انتي احسن منهم وعادي جنة شي ما صار مو لازم ياكلون من ايدك حبيبتي واذا مصرة انا اكل وما اردك والله واذا كان محشي اموت عليك وما راح اطلع من عندك وانا لاحسة الصحن كلة وماكلة نصيبك ونصيب زوجيك


__________________________________________________ __________

اختي اعزمي اهل زوجك على بيت اهلك ووصي اهلك محد يسوي العششـآ غيرك بس على اساس ان اهلك هم الطابخين يعني انتي اطبخي وارسليه بيت اهلك وتشيكي وكل شيي وتعالي معاهم كـأنك ضيفه زيهم وبعدين سوي الطبخه وقولي ان اي احد طابخها وخليهم ياكلوا وبعدين بنص الاكل وهم جالسين قوليلهم ها وش رأيكم واسمعي منهم وبعدين قولي لهم سبررررراييز ترا انا الي طابخه خخخ

وشوفي ردة فعلهم !!

اذا تقرفوا اعرفي انهم يحسبوكي مو نظيفه واذا عادي كملوا الاكل يعني انتي تتخيلي


ع العموم وربي فككككككككككككككككككككه خخخخ


__________________________________________________ __________

عادي طيب وراك مرررره مهتمه
من امرهم .. احقريهم عشان
يعلى قدرك.


__________________________________________________ __________

في كثييييييير عندهم وسوسه في النظافه وفي عندنا من ذالنوع كثيييييييير بس وربي لو مكانك دائما اذا جوك وطبختي اطخي ع قدك انتي وزوجك وحطي يدك في الاكل حتى لو شبعااانه والي ما ياكل عسااا يمووت من الجوووع


__________________________________________________ __________

احسن الك عشان ماتطبخي زيادة بعرف ناس مابياكلو من حدا بخافو من السحر تاكدي والله يوفقك