عنوان الموضوع : ميته بجسد حي الطبيب يجيب
مقدم من طرف منتديات نساء الجزائر

ميته بجسد حي



بختصر لكم قصه طويله دامت سنوات، ، اعتبرها اجمل سنين عمري ولا اقدر انسى تفاصيل الذكريات فيها

انا حبيت شخص بعمري وكنا بالثانوي لان عمرنا متقارب.. ذاكرنا سوا ساعدنا بعض بكل شي وكنا عايشين اجمل حياة ونحكي كل يوم نبني الاحلام ونحققها.. نوعد بعض بالاخلاص والحب الابدي،

مرت الايام والشهور والسنوات وتخرجنا من الثانوي بنسب عاليه وتفوق لكلانا بفضل الله ثم بفضل الحب اللي جمعنا على الخير والصدق..
بعد سنه كل واحد استقر بحياته الجديده.. حققنا اهدافنا بدخولي للجامعه اللي اطمح لها ودخوله لاكبر الشركات اللي يطمح لها

تقدم لخطبتي وما ابالغ ان قلت انه اجمل يوم بحياتي، كنت اراقب مجلس الرجال من الشباك واشوفه بكامل اناقته ورجولته جاي يوفي بالوعد ونكمل حياتنا مع بعض ..
مانمت يومين من فرحتي كنت ابكي واضحك بنفس الوقت .. وكان يتصل كل شوي ومبسووط مثلي واكثر ويسالني متى يردون اهلي عليه وكنت اطمنه وابشره بالخير واقول له مايفرقنا الا الموت..

وتمت الموافقه وصرنا اسعد اثنين على وجه الارض، بدأ التخطيط للحياة الجديده من بيت واثاث وكم بنجيب بيبي و ايش بنسميهم .. نضحك سوا ونبكي سوا واللي يفرحني يفرحه واللي يفرحه يفرحني وحزننا واحد، ومرت الايام الحلوه بسرعه وصارت سراب وذكرى تبكيني كل ليله ،،

صرنا عايشين بهم ونفور وكثرة مشاكل بشكل يومي بدون سبب او على سبب تافه جدا جدا
عشت سنه كامله دمعتي ماتفارقني وكنا نقول مابنترك بعض مهما صار وحاولنا نصلح اللي انكسر ومحاولاتنا فشلت، والزعل يكبر والغيره وحالتي النفسيه سيئه جدا
وكل هذا اهلنا مايدرون ماصارحنا احد بمشاكلنا لا يزيدون الطين بله.. صرت اسمع منه كلام مو بس يجرح الا يذذذذبح وابكي بهستيريه من النار اللي بصدري وبدا يكره صوت بكائي ويقرف منه وهالشي يموتني اكثر واقول وين اللي دمعته تنزل قبل دمعتي ويقلب الدنيا لو زعلت والا انجرحت، كان لي الاب والاخ والحبيب والصديق كان عيوني وانفاسي وسبب سعادتي..

والحين ابتعد عني وقرر فسخ الخطوبه وقال لي انه يكرهني وانا والله ما اعرف سبب تغيره .. كنت مطيعه وحنونه واوقف معه وقت مايحتاجني.. حققت له كل مايتمنى عطيته كل وقتي وكل اهتمامي والله يابنات ماقصرت كنت اعجبه بشكلي بشخصيتي ماخليت بقلبه فراغ لاحد غيري.. كنت افضي نفسي واروح احكي معه عن اهتماماته واصحابه وامنياته.. صرت اقرب صديقه وافضل عاشقه..

صرت اتطمن عليه من بعيد لبعيد واحيانا اشتاق لصوته واتصل واسمع ابشع الكلام و السب
وانخطبت لشخص ثاني اهلي وافقو عليه وجن جنوني ، حكيت له وقلت له لا تخليني لغيرك وقال مابيك واللي بينا انتهى وكلما تخيلت ان غيره بيشوفني ابكي لدرجة انو عيوني تقفل من تورم جفوني وما انام الا ملابسه جنبي واشم ريحة عطره واتذكر كل شي حلو بينا
الدنيا بعيوني سواد ومالها طعم كرهت كل شي وانعزلت عن الدنيا وصرت عصبيه جدا مع اهلي

ما ابي شي غير الموت والله مابي حياتي ولا ابي اعيش يوم واحد.. خلاص كرهت كل شي من بعد جرح حبيبي ،وحتى لو رجع لي مابنسى العذاب اللي شفته ولا بنسى الظلم اللي انظلمته
صرت اخاف اهرب او اقتل اللي خاطبني لو اهلي جبروني عليه لاني مستحيل اسمح لشخص يلمسني غير حبيبي حتى بالخيال يقشعر جسمي لو تخيلت اني لغيره

انا ميته وما احس الا بالالم في قلبي واتمنى لو يرجع يووم واحد من الماضي واسمع ضحكة حبيبي
كنا نقول مايفرقنا الا الموت وهذا احنا افترقنا واحنا عايشين

>>>>> ردود الأعضـــــــــــــــــــاء على الموضوع <<<<<
==================================


امممممممممممممممممممممممممممممممم *.*
زعلتيني عليج
انتي عطيتيه كل شي مثل ما تقولي وهو قابل هالشي بالنكران والجحود وفوق هذا يجرحج بالكلام
ومثل ما تقولي العذاب اللي ذوقج اياه ما راح تنسينه
فليش تتعبين نفسج على واحد بهالشكل ؟
شوفي حياتج ادري صعبة بس هو قالها ما ابيج !! ما فيه اهانة اكبر من هالكلمة اللي قالها
الله يريح قلبج
موفقة

استغفر الله العظيم الذي لا إله إلا هو الحي القيوم و أتوب إليه


__________________________________________________ __________

انتي يا اختي ليش تسوي بنفسك كذا؟؟؟؟!!!

انتي لك كرامه وكبرياء ووراك اهل ورجال وعارفه قيمتك مع نفسك ومع الناس ليش الذل والهيانه؟؟؟
ليش ترخصي نفسك وتضيعي كرامتك؟

ليش ماعلقتي قلبك بالله قبل ماتعلقيه بمخلوق من مخلوقات الله؟؟!

الي بيبعدك من العذاب هذا شي واحد وبس ولا مخلوق يقدر يساعدك
قومي توضي وصلي لك ركعتين طلعي فيهم كل الي بقلبك وابكي وسوي الي تبيه ودعي ربك ينسيك ومايعلق قلبك بمخلوق ثاني خذي السبحه وقعدي اذكري الله واضمن لك انك بتنسيه بسرعه وكان الي صار ماصار


__________________________________________________ __________

لاحول ولاقوه الابالله


__________________________________________________ __________

ربي يكون بعونك والله مااعرف شنو ارد


__________________________________________________ __________

اّه حرقت واجيت ابكي وانا ما بعرفك!!
بصراحه قصتك حزينه واللي فيكي بعرف مش قليل بس ياعمري أرجوكي حاولي ترحمي نفسك واّمني انه الله سبحانه وتعالى بحبك وعنده حكمه باللي صار وصدقيني انه علاجك الارتباط بغيره وبعرف صعب عليكي بس ها هو العلاج ونظرا لحالتك النفسيه اقترح انك تثقي باختيار اهلك ولا تنسي انه الاول كان من اختيارك .
وسامحي اللي ظلمك وحطيله الف عذر على تصرفاته حتى انتي ترتاحي بالاول وبالاخير ثقي بالله وتمسكي بحبله ورددي لا اله الا انت سبحانك اني كنت من الظالمين .