عنوان الموضوع : ليشش يطالعوني .. مجابة
مقدم من طرف منتديات نساء الجزائر

ليشش يطالعوني ..



ادري ان مابيدكم شي ..
وادري اني مسويه مشكله من فراغ بس الموضوع فضفضه لا اككثر ..

اولا انا وحده عمري 19 سنه انا ماعندي صديقات عشان جذي بس اذا طلعت اطلع مع اهلي وانا من النوع الي احب اطلع وايد بس الي مكرهني بالطلعه نظرات الناس لي والمشكله ماقدر اسوي شي اذا عصبت وصرخت بسوي مشكله و اهلي بيكونون ضدي كالعاده واذا سكت مت قهر ادري المشكله اني من ادش مكان الكل يطالعني صغار كبار اولاد بنات عجايز ككل مخلوق عنده عين يطالعني والله تعبت ولا تقولون لي اتخيل تري والله انا اجوفهم يطالعوني وبعد انا شخصيتي ضعيفه نظراتهم لي تخليني اطالع في المنظرة الف مره اقعد اسال روحي فيني شي غلط ؟؟ شي عيب ؟؟ احس اني من كوكب ثاني احس اني مستحيل اصير وحده عدله لا شكل ولا شي ساعات اقول يمكن عشان انا قبيحه او فيني شي اخاف اذا اهلي بيروحون مكان فيه ناس تعبت حتي بالمدرسه البنات يكرهوني ويتفقون علي يضربوني واذكر مره كنت واقفه صوب كافتريا المدرسه مادري من رميت على علبه عصير على راسي والله كرهت المدرسه والسبب اني ماقدر ادافع عن نفسي ولا اتكلم ولا اقول واقل مزحه او كله اصيح واخاف امشي ف الفسحه انخش بالحمامات عشان لا احد يكلمني والله ابي احس اني طبيعيه لو يوم واحد حاولت بس ماقدرت المشكله من وانا في الروضه عندي ..

>>>>> ردود الأعضـــــــــــــــــــاء على الموضوع <<<<<
==================================


ياحبيبتي الموضوع كله باختصار فيكي قله ثقه بنفسك وبشكلك وبقدراتك وبشخصيتك والناس عندهم حب الاستهزاء والانتقام والتريقه الناس ذي عوجه ماتتعدل لو بتجلسي كذا بتموتي من التعب الي بتشوفيه خليكي واثقه والي يطالع لبكره يطالع طز فيه يمكن عشان انتي حلوه يطالعوكي تقولي عشان انا قبيحه والله تعالى قال ولقد خلقنا الانسان في احسن تقويم بمعنى الايه عشان ما احرف لو غلط اوك خليكي من الناس طنشيهم المهم انتي شدي مشيتك وخليكي واثقه وكانك ماتشوفيهم


__________________________________________________ __________

طبيعي النااس بتخز وتشوف بس انتي المفروض تكونين واثقه من نفسج ..
لاتسوين من السالفه شي كبير لانه شي عادي وارد خلج واثقه من نفسسسج ..
موفقه ..


__________________________________________________ __________

نفس حالة اعاني منها طنشي وخلك واثقه واهم الشيء التحصين


__________________________________________________ __________

حاولي تقوي من شخصيتك وان شاء الله الكل يحترمك واتركي الخوف وحاولي تكسرين

الحاجز اللي بينك وبين الناس ..ولا تبينين ضعفك امامهم عشان ما يستغلوكي ..



__________________________________________________ __________

خلج وااثقه من نفسج واذا خزوج خزيهم
كل الي فيج من قلة الثقة
موووفقه