عنوان الموضوع : شاركوني مصيبتي -لصحتك
مقدم من طرف منتديات نساء الجزائر

شاركوني مصيبتي



بسم الله الرحمن الرحيم

يااخواتي انا ابغى الحل اللي ينهي مشاكلي مع زوجي دايم في مشاكل لانه يعاندني في كل شي حتى يحرض بناتي علي ويكذب في كل شي حتى لومايحتاج انه يكذب يسبني ويطردني ويقسى على البنات واذاقلت له لاتدخلهم يقول انا باقهرك فيهم روحي بيت اهلك وانا اعاملهم احسن معامله واناوالله حاسه انه خلاص ماعاديبغاني ولاتقولي اهتمي فيه ودلعيه حاولت وماقدرت لانه يقولي كلام جارح تخيلوايقولي بعد الجماع خلاص شبعتي انامالي رغبه فيك بس ابغى ارضي ضميري ومره جابلي ساعه وقالي خذيها ومديت يدي باخذها قالي تري لقيتها عند القمامه اكرمكم الله وجبتهالكي ويتعمديكسرخاطري قدام بناتي ومرة ضربني قدامهم وسامحته ولاعبرني حتى بهديه يراضيني فيها والحين تخاصمنا وكسرجوالي عشان مااتصل باهلي ويهددني اني لوقلت اللي يسويه انه يقلب الموضوع ويبين لهم اني غلطانه لاني ماعاد انام معه وهوولافكربس يمسك حاجه علي بالله لوزوجك يعاملك كذا وللعلم هذانقطه في بحر من معاناتي كيف بتتحملي العيشه معاه كيف تسمحيله انه يعاشرك وكيف تقومي بواجباته انامااقدرويقول اناابغى حرمه تخدمني وتطبخ وتنفخ وتسوي كل شي ابغاه وهي ساكته ماابغى حرمه تطلب طلبات للبيت ولالنفسهاولالعيالها انااذاابغى اعطيهاواذاماابغى اناحريعني يبغى شغاله بمسمى زوجه وانتظرصدقاته وللعلم هويحب الفلوس اكثرمن نفسه يعني لواسكت باكل اناوبناتي هوا اناادري طولت عليكم بس ابغى المساعده لانه خلاص باعني وبيحرمني من بناتي ارجوكم ردو تفاعلوامعاي وشاركوني همي يمكن نلقى الحل سوىوباسالكم بالله اذالاقدرالله وطلقني اقدراخذبناتي والالا

>>>>> ردود الأعضـــــــــــــــــــاء على الموضوع <<<<<
==================================


اختي انشغلي برضى رب العالمين واكثري من الاستغفار وراح تشوفي العجب الله يسخرلك زوجك ويصلح الحال


__________________________________________________ __________

الله يسخرلك زوجك و يهنيكي يا رب
اكثري من الاستغفار عزيزتي


__________________________________________________ __________

الله يصبرك ويبدل حالك للاحسن
حبيبتي لا تذلين نفسك علشانه خاصه كان عندك أهل يساندونك انا ما أقول تطلقي لا بس عزي نفسك ولا تبينين له انك تخافين من الطلاق أو انه ياخذ البنات بالعكس بيني انك اهم شي نفسك ولا توظحين له انك خايفه يطلقك وياخذ البنات حتى ما يعاند ويصلح اللي انتي خايفه منه او يفكر بهذا الشي بس قبل كل هذا استغفري كثير وشغلي شريط رقيه بالبيت وسورة البقرة والله يصلح الحال


__________________________________________________ __________

الله المستعان لا حول ولا قوة الا بالله
اختي لو الوالد موجود او اخ كبير او رجل حكيم من العائلة ممكن تشرحيله الوضع وتخليه يتكلم معه
لان فيه ازواج للأسف يخاف ما يختشي .... ومو بالضروره يتخانق معه بس يناصحه ويذكره بالله
وانتي اللي عليك من واجبات له سويها بكل نفس طيبه ... ماتدري عسى ربي ينزل في قلبه الرحمه

ولا تنسي ركعتين اخر الليل وادعي باللي في قلبك وارمي حملك على الله
والله يفرج همك ويكون معك ويسخر لك زوجك او يكتبلك ما فيه الصالح لك ولبناتك


__________________________________________________ __________

اختي شلون يقدر يحرمك من البنات؟ مايقدر انتي حاولي تكلمين ابوه او امه فالموضوع حاولي انج ماطلبين منه شي لفترة وشوفي تنفع هذي الطريقة واذا ياب طاري الطلاق لاتبينين انج ضعيفة ولاتردين عليه بشي طنشيه وحولي انج تكسبين بناتج اكثر وكثري من الصدقات والدعاء والله بهديه ان شاء الله