عنوان الموضوع : اختي ناشبة لي حياتي مجابة
مقدم من طرف منتديات نساء الجزائر

اختي ناشبة لي حياتي



السلام عليكم
وربي طفشت وزهقت ودي اعيش بدون اجهزة اتصالات
اختي اكبر مني ب4 سنوات دايم ناشبه لي ماسكه معاي تحقيق في كل شي قبل ماكنت اهتم او الاحظ تصرفاتها لكن بعدين اكتشفت
لاتقولون هذي اختك وتحبك ومدري ايش وكل الاخوات بينهم ميانه بس هذي احسها حاسدتني وتراقبني في كل شي عندي اخوات ثلاث اكبر مني ومنها بس مااشوفها تتصرف معهم مثلي
اولا بقولكم امثله
نسيت اقولكم اني متزوجه من سنه ونص
المهم اذا رحت عند اهلي وقابلتها اسولف معها واقول لها سالفه طويله وعريضه وبالاخير تطنش سالفتي وتقول ليه سنونك كذا مره صاير فيها سوس ومو معدله !
بالله شي مو يقهر ؟
عقدتني كل ماقولها سالفه تقول كذا وتطنش سالفتي مليون مره تكرر هذا السؤال
مثال ثاني
اذا بنزل لاهل زوجي تسألني عالواتس وينك مارحتي مكان < دايم هذا سؤالها كل يوم
اذا قلت لها كنت عند اهل زوجي تسألني وش لبستي كيف سويتي شعرك وش لبستي شنطه واذا قلت لها لبسة بنطلون كذا تقول ليه تلبسينه هذا لبستيه قبل < طبعاً حافظه لبسي في كل طلعه
وتعصب واقولها انا بكيفي وتقول بكيفك مالي دخل فيك وتقفل الخط في وجهي
دااايم على هالموال في كل طلعه
وتسألني بكره بتروحين مكان اذا قلت لها بروح السوق
وفي اليوم الثاني يصير لي ظرف ومااروح السوق وتسألني رحتي السوق اذا قلت لها لا تقول انتي مو اامس قلتي انك بتروحين اقولها طيب اجلنا وين المشكله يعني
ومره اتفقت انا وبنات عمي نروح السوق واقابلهم في السوق وفي البدايه قالوا لأختي هذي النشبه بتروحين معنا وقالت لا
قالوا مافيه الا انا اروح معهم وقلت اوك اقابلكم بس اعطوني خبر قبل عشان اجهز لان السوق قريب مني وبعييد عليهم واقدر في دقيتين اوصل
بس استغربت مااتصلوا واتصلت عليهم وردت اختي النشبه من جوال بنت عمي قلت انتي معهم قالت ايه لاتجين روحي مع زوجك السوق انتي دايم تتأخرين اذا بنقابلك في السوق ومعصبه وتقول لاتعبين نفسك تجين
بالله وش رايكم هي وش دخلها الحين ؟
موقف ثاني دايم تقول لي ليه زوجك كلامه كذا بدوي
موقف ثاني بعد انا مسجله في الانستقرام واحط صور ورد ذكرى وشوكلاتات جايبها زوجي لي ومره جاتني اضافه منها وبنفس اليوم اتصلت علي اختي الكبيره وقالت امسحي صور الهدايا والشوكلاتات اللي جايبها زوجك انتي ماتخافين من العين قلت وش عرفك اني حاطه صور كذا قالت وحده اتصلت علي وقالت لي قلت كل اللي عندي من برا مااعرفهم ولايعرفوني وبعدين صوري مقفله بس اللي ضايفيني يشوفونها وتحلف تقول والله وحده خبرتني وبالاخير عرفت انها اختي الثانيه لانها ضافتني بنفس
بالله وش رايكم فيها ؟!!!
كرهتني في حياتي عجزت افسر حالتها
بالعكس انا مااكرها بس كرهتني في حياتي كل مارحت زياره تسألني وش لابسه من الا
على فكرا انا جداً جميله الحمدلله وهي عاديه

بس والله ملييييت لدرجة اني ابكي خلاص بعيش بحريه ماما ماتسألني كذا


امانه يالاداره نزلوا موضوعي تعبت وانا اكتبه

>>>>> ردود الأعضـــــــــــــــــــاء على الموضوع <<<<<
==================================


امسكيها وصارحيها وشوفي وش مشكلتها بعض حركاتها مضحكه خخخخخ


__________________________________________________ __________

عندها حالة نفسية زوجوها صدقيني بتنشغل عنك


__________________________________________________ __________

عندنا وعندكم خير طنششيها دام ان هي ما تهتم لكلامك لا وتنشب الله يعينك عامليها ببرود وبدون اهتمام اذا سألتك ليه قولي لها من تصرفاتك وبيني لها انك زعلانه واكثر مره تسكتين عليها وكذا يعني واجهيها ياتغير نفسها ولا اشطبيها من شجره العائله هههه >>امزح



موفقه


__________________________________________________ __________

المشاركة الأصلية كتبت بواسطة دوافي
عندها حالة نفسية زوجوها صدقيني بتنشغل عنك


هي متزوجه وزوجها ماعمره طلعها مكان بس تروح مع اي احد من اهلي اذا بيروحون مكان
وماعندها اطفال مرات اقول يمكن من الوحده جاتها حاله نفسيه ومرات اعجز افسر حالتها


__________________________________________________ __________

طنشيها ولاتردين ع اسألتها لين تسكت