عنوان الموضوع : كيف أحتوى جوزى كصديقة وأم له الطبيب يجيب
مقدم من طرف منتديات نساء الجزائر

كيف أحتوى جوزى كصديقة وأم له



السلام عليكم
أنا مشكلتى باختصار انى مش باعرف احتوى جوزى لأنى للأسف مش عارفة أصاحبه
مش عارفة ازاى أوصله لمرحلة يعتبرنى صاحبته ويجرى عليا يحكيلى على اللى مضايقو أو خايف منو
و يثق فيا ويأتمنى على أسراره ونتكلم مع بعض ف كل حاجة زى الأصحاب

أنا للأسف كان طبعى خجول ومش اجتماعية عشان كدا مش بهم ف التعامل أوى
وللأسف جوزى متعلق بأخواته زيادة عن اللزوم من قبل ما نتجوز وأنا مقدرتش أجذبه ليا بعد ما اتجوزنا
ويمكن تعلقه بيهم زاد لدرجة أنه بقى يناقشهم ف كل حاجة تخص حياتنا ويقرر معاهم ويشورهم دايما لدرجة انه لغانى ومبقاش يتكلم معايا خالص الا وهو واخد قرارته معاهم ولما بيبقى فرحان يجرى عليهم يفرحهم معاه وميحكيلش وألاقيه بيقوللى هو انا مقولتش ليكى معلش نسيت وبقيت أعرف أخباره من أخواته وأتفاجأ بحاجات كتير
أنا عارفة انه غلطان بس أنا للأسف مش بعرف أحتويه ودايما يقوللى بحس انك مش مهمتة ومش فدماغك فعشان كدا مش بحكيلك
على فكرة أنا زوجة وعشيقة 100% وهو بيشهدلى بكدا
بس مش عارفة أكون أخت وصديقة ليه
ومش بأعرف أعبر عن اللى جوايا ولا بأعرف أوصل اللى حاسة بيه ويمكن دا اللى عامل فجوة كبيرة منا
أنا نفسى أتغير عشان ميبقاش ليه حجة أنه يحكى لأخواته كل حاجة تخصنا وعشان أبقى قدام ربنا مقصرتش معاه وعملت اللى عليا

ومعلش يا حبايبى ازاى أكون أم ليه ؟ هو بيقولى نفسى تحتوينى كابنك وتكونى أم ليا وتعوضينى عن حنان أمى الله يرحمها

معلش يا بنات طولت عليكو بس والله محتاجة لنصايحكم أوى أصلى مش عارفة أحتويه وهو دايما يقوللى انتى مش بتفهمينى خالص
بالله عليكو ساعدونى وادعولى بصلاح الحال وان ربنا يهديهولى ويهدينى ليه
وأى استفسار انا ممكن أرد عليكو وجزاكم الله خيرا

>>>>> ردود الأعضـــــــــــــــــــاء على الموضوع <<<<<
==================================


فضفضي لة وهو بعد .


__________________________________________________ __________

كان الله في عونك


__________________________________________________ __________

انن شاء الله المتزوجات يفيدونك
موفقة خيتي


__________________________________________________ __________

ناقشيه في الاشياء اللي يحبها هو
واذا بدء يتكلم عن انجازاته امدحيه بقوه وانه مافي احد بذكائه ولا رجولته وان اعماله هذي انجاز رائع صدقيني بيفرح وبيرجع يحكي لك انت كل شي قبل اي مخلوق


لا اوصيك امدحي كل اعماله حتى لو كانت تافهه جدا


موفقه


__________________________________________________ __________