عنوان الموضوع : تعقدت من الزواج وكرهت المجتمع. -تم الاجابة
مقدم من طرف منتديات نساء الجزائر

تعقدت من الزواج وكرهت المجتمع.



انا عمري 26 سنه عاطله من 4 سنوات ..ماتوضفت ولاتزوجت..
كنت من طفولتي ما افكر الا في الدراسه ولا همني شي ثاني الا اني اتخرج واتوضف وللاسف كان وضعنا الاجتماعي شويه سيء وكنت ولا زلت في مجتمع صغير وفي المدرسه كان اغلب الطالبات من طبقه كويسه وحتى المدرسات وكنت اتعرض لمضايقات واهانات بسبب شكلي اولبسي او اني بنت فلان من الجماعه الفلانيه..
كبرت ولا كنت احتك في احد او اعرف احد كنت معزوله جدا لان ابوى والله المستعان كان مانعنا من كل شي ..تزوج اخوي ودخلت علينا زوجته بتجريح واهانات ..إنا ناس متخلفين مانعرف شي وعلى اشكالنا وعلى لبسنا والله العظيم مااكذب عليكم لدرجه انا مره كانت تضحك عليه عشان ارسلت اختي تجيب الكوايه اكوي ملابسي عشان اطلع لان ماعندي ملابس غيرها ولما طلعت قالت كان رحتي اخذتي الكوايه ولا ماعندك ملاببس الا هي وقامت تضحك..ومن بعدها زادت عقدتي
دخلت الكليه وشفت الناس والعالم كيييف وسمعت ما سمعت وشفت ما شفت وكنت وحيده واقلهم في اللبس وفي الجمال دايما ما يوصلني كلام او مواقف تحرقني بقلبي مثل فلانه ماتبغى تمشي معي لاني سمرا او فلانه تقول لامها اني ماني حلوه
طيب شسوي بنفسي انا لما انخلقت سمرا وقليله الجمال
والله اني احاول اتجمل واتزين لكن وجهي اكله الهم
تخرجت وهذاني مقابله الجدران كل اللي اعرفهم تزوجوا الله يوفقهم عاشوا حياتهم وانبسطوا حتى بنات الجيران كلهم تزوجوا الا انا حتى خطبه مانخطبت
خواتي تزوجوا وكل وحده انخطبت اقل شي 4 مرات الا انا..واذا احد شافني ع طول يحط مقارنه بيني وبين خواتي لانهم اجمل ,واذا يالله يالله جات عزيمه ورحت محد يطالع فيني والله العظيم مابالغ
صار لي موقف في عزيمه ان وحده كانت تدور لولدها خطيبه فقالوا لها شوفي البنات هناك ويشرون علينا فتجاهلتنا وراحت تطالع ببنات ثانيات كانوا مرررره ستايل..وحسيتها مثل الصاروخ بقلبي..
رحت لعزاء امس وامي غصبتني اروح فشفت وحده من زميلات الدراسه ماشالله تبارك الله تزوجت وهي في نعمه ومبسوطه وكان باين ع وجهها وفي لبسها ووالله الذي لا اله الا هو اني ماحسدتها الا تمنيت ان ربي يهنيها
ولكن يوم رجعت للبيت جلست ابكي يوم كامل حسره على نفسي
وانا الحين جاتني عقده النقص كرهت نفسي ولا صرت افكر في الزواج وكانه مو لناس حالهم مثلي لا جمال ولا مال ولا نسب وفوقها احقد عالمجتمع لانه بنظر لي بهانظره
بصراحه ماعرفت اصيغ مشكلتي ولكن اتمنى حل لوبسيط وبدون تجريح ترى مو ناقصه ..^^

>>>>> ردود الأعضـــــــــــــــــــاء على الموضوع <<<<<
==================================




__________________________________________________ __________



__________________________________________________ __________

السلام عليكم ,,,

اولا : آحمدي الله وآشكريه لانك بكامل صحتك وعافيتك ,
ثانيا : و حاولي آنك تجملي نفسك آكثر لكي تظهري بشكل جميل ,
ثالثا : الزواج قسمه ونصيب وكل تآخيره فيه خيره وآنتي لاتعلمين ماذا كتب الله لكي في الايام القادمه , بآذن الله تكون ايامك جميله مليئه بالسعاده ,
و رابعا : حبيبتي عليكي بالدعاء وكثرة الاستغفار لانه مفتاح للخير والرزق .


__________________________________________________ __________

السلام عليكم ورحمه الله وبركاته..

اختي اذكري الله

واسمحيلي لما قريت مشكلتك اسمحي لي ان اصارحك واقسو عليك قليلا فهذا من مصلحتك حبيبتي

اختي... فكري معي تدرين ان السبب الرئيسي لتعبك هو انتي نفسك
نعم انتي خليتي شغلك الشاغل الناس وش قالو ووش صارو
وخليتي الناس تتكلم فيك وتتكلم وتتكلم ولا حاولتي تصيرين قويه قدامهم

انتي السبب الريئسي الي خلا الناس تتكلم فيك لانك انتي ماخلقتي بنفسك سور عالي
ولا حاجز عالي ولا قمه ولا همه ولا شي
بل خليتي نفسك طريق يمشي عليه من اراد وسعه الصدر بالمجالس

فو الله لو راؤؤك ذات ثقه كبيره وصاحبه شخصيه ومثقفه وكل من قال فيك الكلام
طنشتيه ورديتي عليه بالي يسكته بوسط الجموع
مو تنزلين راسك وتفتحين لهم الطريق لنفسك
لان مالقو باب يسكره

خلاص اختي.. من ذا الحين (( حبي ذاتك )) حبي نفسك حرام عليك ضلمتيها
مشكلتك تقارنين بالناس وتقولين وش ذنبي وش ذنبي
سدي اذنك عن سماع كلام الناس
اقري كتب عن التثقيف للنفس وعن حب الذات
ذاتك وجمال ذاتك مخبئيه بداخلك حطمتيها بمقارنة نفسك بالاخرين

خلاص لهينا وبس اعقدي العزم
1- بالتوكل على الله سبحانه
2- طاعته والمحافظه على كل شي امر
3- اطلعي على كتب الذات وتثقيف الذات
4-نمي نفسك حبيها دلليها الا تستحق

ياختي كل واحد فينا ربي خلق له شكل وله روح وله لون
تركتي الي فيك وذهبتي تنظرين للاخرين
يااختي انتي لاتقلين عنهم جمال ولا ثقافه لكن انتي حطمتي نفسك بنفسك لاتقولين الناس بل انتي السبب الرئيسي

خلاص كفي عن سماع الناس

وان تجرا احد تكلم فيك ليش ماتزوجتي
ردي عليها وبعيون وبثقه وابتسامه (( وانتي قولي لي متى تموتين )) راح تنصصعق اضحكي وقولي ماتدرين صح في علم الغيب
او قولي ماجاء الي يستاهلنيي قوليها دلال وابتسامه جميله

وان قالو وجهك او جسمك (( قولي وش فيني كلي جمال ودلال )) اي اختي تاثيرك وحبك لنفسك وثقتك صدقيني راح ينعكس على الاخرين
او قولي من خلقك وخلقني فتقول الله قولي الله لايخلق الا الاشياء الجميله
وعيب هالكلام هل تعيبين بصنع الله؟اذان انتي تعيبين بنفسك

فاتحدى احد يتجرا يفتح فمه عليك

واتوقع تشوفينها بنفسك في بنات قليل جمالهم لكن لفتو انظار الناس
كونهم اجتمعايات صاحبات ثقه عاليه دايما مبتسمات محترمات
واخلاق عاليه فكسبو قلوب الكل وان في بعض الناس تحسد وتكره لكن يحترمونهم
تدرين ل يش لانهم احترمو وحبو نفسهم
حبي نفسك

لااااااااا تطلبين من الناس تحبك وانتي ماتحبين نفسك..
كلامي يطول ويطول

ابدي من نفسك ياختي واتركي ترمين مشكتك على الاخرين
النت موجود فيه كل شي
وبالنسبه للبس تلقين بالمنتديات لبس واصلا مو شرط ماركه الا
حسن تناسق
وبالنسبه لزوجة اخوك خلاص راح توقف لما تحبين نفسك وتشوف ثقتك بنفسك
وان كلامها ماراح ياثر فيك
حبي نفسك دلليها الحين قومي ابتسمي راح تشوفين نور ينعكس على وجهكك
الي دايم تقارينين نفسك بالاخرين
خلاص من هنا وبس لاعاد تقارنين نفسك انتي لك شكل وجسم وروح غير
ولاتطلبين محبه الكل
اهم شي حبي نفسك وبعدين يجيك الي تبين

لانك صرتي تمشين جنب الجدار ومتخبيه فالكل ماشاف فيك شي يجذب؟
بعضهم يجذب باتسامتها
والاخرى انها اجتماعيه
والاخرى بكلامها الجميل
والثانيه بحسن ضيافتها
كثير كثير كل واحد فينا له شي خاص

توكلي على الله
وطبعا كوني متواضعه وطيبه لكن بحذر
وابتسامه وبثقه

لايفهم من كلامي ان تكوني متسلطه صاحبه لسان
لا كوني باخلاقك العاليه بحبك لنفسك
صاحبه ابتسامه هاديه وضحكه هاديه

وقبل كل شي طاعتك لربك

من احبه الله احبه الناس
وطنش تعش تنتعش لاتقولين عقده نقص لا مافيك شي ابد
سدي اذنك وقوي شخصيتك

انتبي بيدك تصلحين حالك وانتي بيدك تدمرينها
وعليك بالدعاء والاستغفار

الزواج قسمه ونصيب
انطلقي للحياه ولاتدمرين نفسك بزهره شبابك
ولاتظنين السعاده بالزواج كانك قبل تعيسه
السعاده تقدرين تجدينها لو بكوب شاهي

الناس ماراح تسكت ابد عنك وعني وعن الكل
هذا طبعها
لكن انتي لاتكونين معهم ضد نفسك
ايش ذنبها!!

ولاتحطين الذنب على اوضع الاجتماعي
مو كل من لبس ماركه مبسوط
ولا من كل مليونين مبسوط
اختي القناعه كنز لايفنى

طالعي الي تحتك لاتطالعين الي فوق

صدقيني لو ايش ماكنتي وحبيبتي نفسك وثقفتيها
ودللتيها ماتسمعينها الا الكلام الحلو
عادي قولي صباح الخير ي مثلا لو اسمك جنان جنو ياحلوه
راح يخلق بنفسك شعور جميل
ارضي عن نفسك مهما كانت

انتي بنفس اصنعي السعاده بنفسك
ولاتختفين عن انظار الناس بل لما تحبين نفسك وتثقين بنفسك راح تولدين هاله حولك يجذب الناس لك وهذا هو الواقع
وانتبهي تعيبين بنفسك قدام اي احد
جسمي كذا سمين جسمي كذا ووجهي حبوب
لا ..
عالجي نفسك بهدوء وان كان وجهك مليان حبوب وقالته لك
قولي عادي بتروح وابتسمي

وبانسبه للوظيفه اكثري من الدعاء
- لو ذكرتي تخصصك ان كان بمجال التعليم قدمي على الوظايف بكل المدارس
- لو تكوني مدرسه خصوصيه بالبيت عادي

او تقدرين تنظمين لجمعيات خيريه فيه قروب تطوعي انظمي
تستفيدي وتقوي شخصيتك وقبل كل شي احتسبي الاجر

او تحفيظ قران توسعين صدرك
وبيئه ايمانيه ويقام هناك حفلات خيريه وتتعرفين على ناس طيبين

والخ

ونصيحه.. لاتنتظرين بكره الله المستعان الواحد مايدري وش يصير له
عيشي يومك بيومك .. بما يرضي الله اهم شي
الراحه تجدينها بقربه وبقرب كتابه وبالصلاه وذكره

والف ميل تبدا بخطوه
خليك صاحبه عزيمه وبتقدرين لان ذاتك غاليه عندك صح!
ولاتستسلمين ابدا

وكوني داعيه لله في اهلك وفي مجتمعك وباخلاقك
راح تشوفين ان ماكنتي فيه قبل تافهه وراح تضحكين على نفسك >> سويتها ههههه

الزواج ي ختي مكتوب ومقدر مثل ماتزوجو خواتك واخوك والبنات بيوم معين
هذا مكتوب لهم قبل مايولودون

رزقكك بيد ربك فاريحي قلبك وابتسمي وانطلقي اليه

انهكتي عمرك بالتفكير باشياء الله كاتبها فانتظريها وادعي واصبري
وكل يوم عيشيه بما يرضي الله وطوري نفسك بكتب تطوير الذات
دللي نفسك بحمام دافي بخلطات برياضه
واقري القران الا بذكر الله تطمئن القلوب

رمضان قرب تقربي اليه وفوضي امرك اليه
باذن الله تطبقين الي قلته وقبل كل شي
حسن ظن بالله+اليقين بالله= سعاده وراحه لاتقارن باي شي

انتبهي لاتصحين بيوم تاخرتي فيه والحين انتي بشبابك ايجي بعدين كبرتي بالسن وتوك تنتبهين لعمرك وتقولين ياليت انتبهت لنفسي ولاضيعتها

الكلام طويل لكن ارجو ان اكون وفقت يااختي

الله يوفقكك بحياتك


__________________________________________________ __________

حبيبتي والله قطعتلي قلبي انتي الحق عليكي الثقه بالنفس ضروريه وقفي قدام المراي وامدحي حالك وجيبي من النت خلطات ومرت اخوكي طنشيها هي لانها شافتك ضعيفه قوية عليكي بس تحكي معك هيك حكي اتطلعي فيها نضره بطرف عيتك ومع ابتسامه خفيفه وتشوفي اذا ما بتبطل وكمان الناس بتعلق ويلي برد ع الناس بيتعب طنشيهم والزواج قسمه ونصيب والجمال ما دخله بالزواج بعرف وحده مو حلوه وتزوجت وعمرها 20 انتي زيدي من ثقتك بنفسك وتوكلي ع الله وشوفي كيف حياتك رح تتغير


لما بكون الواحد ضعيف الكل بيستقوي عليه ولما الواحد بيكون عنده ثقه بنفسه ما حدا بقربله والله يوفقك