عنوان الموضوع : مو قادرة اترك بيت اهلي!
مقدم من طرف منتديات نساء الجزائر

مو قادرة اترك بيت اهلي!



السلام عليكم خواتي
انا متزوجة صارلي سنة ونص تقريبا، بداية زواجي سكنا بيت اهلي بحكم ان وضعنا المادي ماكان يسمح نسكن بروحنا وبحكم اني وحيدة اهلي فكان سكنا مع اهلي مرحب فيه. الحين تحسنت ظروفنا الحمدلله وكملنا شقتنا وانتقلنا فيها، بس والله مادري ليش يضيق صدري لما اروح هناك، احس بالغربة واشتاق لامي وابوي كأني مسافرة عنهم، حتى زوجي صرت احسه غريب علي، ادري بتلوموني بس والله مو بيدي انا عمري ما نمت برا البيت وطفولتي كانت مشتتة بين بيت جدي وبيتنا بحكم شغل امي وابوي ، كنت اقول لامي وانا صغيرة والله ودي استقر بغرفتي ودي اقعد فيها كنت اقولها ماما متى تتركين الشغل ابيج معاي بالبيت، وامي ما تقاعدت الا لما وصلت للجامعة وكنت قريب بتخرج يعني ما حسيت بالاستقرار الفعلي الا لما امي قعدت بالبيت، والحين احس نفسي رجعت تشتت، والله احس بضيق لما اروح لشقتي واحس اشتاق لبيتنا ولكل شي فيه، اشتاق حتى لشوفة امي الصبح واشتاق اشوفها قاعدة تنتظرني عالريوق.. ادري زوجي يستحق مني افرح بالبيت اللي تعب وشقى حتى يسويلي اياه بس شسوي مو بيدي مو قادرة افرح ودي لو الزمن يرجع واكون ببيتنا... بس هم قلبي يعورني على زوجي وودي اسعده. ساعدوني شلون اتغلب على احساسي؟
خواتي انتوا حسيتوا بنفس احساسي لما انتقلتوا لبيوت ازواجكم؟

>>>>> ردود الأعضـــــــــــــــــــاء على الموضوع <<<<<
==================================


حبيبتي والله ..

أكيد كل متزوجة بتحس بأشتياق لبيت اهلها وللايام الي عاشتها هناك بس صدقيني بعد فترة شي طبيعي تتعودين لبيتج اليديد وتستوعبين انج فتحتي بيت ولما ييونج العيال ان شاءالله بيونسونج وان شاءالله تنسين اشتياقج هذا مع انشغالج بزوجج حاليآ ..وهذا شي جدا طبيعي حبيبتي لازم الواحد يتضايق يوم يمر بمرحلة انتقالية ..الله يوفقج يآرب

qmo0od


__________________________________________________ __________

حولي تتأقلمي معا الوضع هذا
لانه محد رح يفيدك بالتأقلم الا نفسك


__________________________________________________ __________

عادي كلنا مثلك في البداية وبعدها تعودنا الله يعينك


__________________________________________________ __________

جيبيهم يعيشو معك انتي وزوجك


__________________________________________________ __________

حبيبتي بقولك عني انا امي مطلقة الحمدلله على كل حال قبل سنتين هالكلام والله ماقولك اني مابكيت ولا حزنت والله ماكنت انام الليل كله ابكي ومتضايقة ومتدمره انتقلت لسكن عند بيت اهل ابوي مر كم شهر وصرت آبكي بين فترآت موقتا الحين واقسم بالله اروح ل امي بآلصيفيآت وآشوفها وانبسط عندها وارجع لبيت جداني للعلم هي بمدينة وانا بمدينة ثانية وبعيدين عن بعض مرا ترا السالفة سالفة تعويد انتي حطي ببالك شيء واحد هالمشكلة مانقدر نحلها ولا انتي تقدرين الزمن يقدر يحلها بعد كم يوم بتتعودين حتى يمكن من نفسك تقولين مابغى ارجع ل اهلي وبعدين الحين تعتبررين استقريتي ياقلبي خلاص هذا بيتك مو بيت اهلك بيتك انتي ومستقره فيه للابد ان شاء الله اتركيها على الزمن واذا زوجك متفهم صارحيه وعادي مع الايام بتتعودين وتتغيرين المشكلة بالتعويد الحياه ماتمشي على كيفنا تاكدي من هالشيء ياما ناس تعذبوا وانقهروا وفقدوا ناس يحبونهم سوآلي لك وش شعورك لو اهلك ميتين لا قدر الله ؟ قولي الحمدلله انهم عايشين غيرك من غير اهل والله الحين احمد ربي على ان امي عايشة بس ولو اني ابقى بعيده عنها ومابينا الا اتصال يكفي انها عايشة ولا فقدتها للابد فكري باللي اسوء منك واتركيها ع الزمن وكل شيء بيتحسن للافضل بالتعويد بتمشي الحياه