عنوان الموضوع : نصيحتي للاخوات والمتزوجات [ من واقع تجربه ] نصيحه ادخلو مجابة
مقدم من طرف منتديات نساء الجزائر

نصيحتي للاخوات والمتزوجات [ من واقع تجربه ] نصيحه ادخلو



آلسـلام عليكم ورحمة الله وبركاته

آخباركم ان شاء الله تمام

طبعـآ آنـآ اليوم حـآبه آتكلم مو عن مشكله اعانيها او شي لاسمح الله

آنـآ حآبه آقدم نصيحه عظيمه احملها بيدي اوتمنى الاداره تطلع موضوعي

ندآء لكل بنت تسولت نفسها انها تخون ربها او اهلها
نداء لكل زوجه تخون زوجها

نداء لكل وحده تسمعني ان فكرت بعلاقه ما

بنـآت انا بقول لكم من واقع عشته

آنا كنت اتعرف على شباب بس كانت نيتي صادقه يوم اتعرف مو لعب او شي تعرفون نية البنت ودها تدور حب حنان وانه يتزوجها

تعرفت اول شي على واحد وماتوفقت على الثاني برضو خاين وتعرفت على الثالث بس هنا القصه عن الثالث ربي يبعدني شيئا فشيئا عن الغلط لكن مااكتشفت

بس قبل مااقول القصه الصدآقه لها دور بعد ماكنت البنت المثاليه وحافظه القران كامل غيب بس وحده تقرب لي كانت تقول جربي سوي كذا ماعليك وتعرفون الصحبه لها دور كبير فانصحكم بالصحبه الصالحه فو الله انها الصحبه المعينه للخير

المهم قصتي مع الشاب الثالث طبعا استمريت معاه قرابت السنه حبيته حب خيالي حبيته حب عظيم والشاهد الله ونيتي صافيه مثل نية اي بنت بريئه

المهم جربت معاه قصة الحب بس كان يغريني بالكلام والحب قلت مافي غيره بحياتي يقنعني انه يحبني ويموت بترابي كنت اقول للناس لا هو غير الشباب وكل بنت تقول هو غير عن الشباب لكن وربي وربي يبقون مثل الشباب كلهم اللعابين كل بنت يوم تحط مشكلتها تقول احبه بس هو بعد عني وتقول وربي هو غير عن الشباب هو يحبني

بقولها لك كيف تحبين شخص ماتعرفين يمينه من شماله نحب عن طريق نت او جوال او من اي مكان او من عمل ولا نعرف هل هو مروج مخدرات هل هو لعاب كيف نحب شخص مانعرف عنه شي لاتقولين هو مايكذب عليا وبيقول كل شي عن حياته والله اللعاب والخاين مايهمه اسم الله يحلف فيهم عشان نصدقه بيقول انا كذا وكذا

لاتصدقونهم بنات لاتصدقونهم

المهم انا كملت مشواري معاه وصدقت باحساسي معاه بس فجاءه رماني بحفره بدون سابق انذار تركني فجاءه وبعد عني جلست ابكي واتصل عليه ليل ونهار ولايرد مطنش انهد حيل ويرسل لي بعد غياب انا احبك ويغيب فجاءه ويبعد

تدرون ليه لانهم يستمتعون بعذابنا ولا يقول عندي ظروف شر البلية مايضحك اي ظروف تتكلم عنها قصدك مشغول مع البنات الثانيات

المهم جلست ابكي بيوم من الايام وافكر بالشي اللي انا اسويه هل هو صح ام غلط

جلست افكر ليه ربي بعده عني ليه وليه وليه جلست اتسائل لين عرفت الجواب

ربي اي شخص نيته سليمه وصافيه وبريئ لا يمكن يخذله انا كانت قائمتي بيضاء مااسوي ولله الحمد معاصي فقط كنت اكلم وهي صحيح معصيه وعظيمه بعد

جلست بين سجادتي افكر وابكي وادعي ربي كنت اكلم ربي كأنه شخص قدآمي جلست افضفض له

وربي حيل ساعدني المهم بعد مااقتعنت ان ربي مابعده الا لحكمه عني وعسى ان تحبو شيئا وهو شر لكم وعسى ان تكرهو شيئا وهو خير لكم

فعلا اكتشتف ان هو شر ليا وتركه خيره

المهم بدأ يرجع لي هذا الشخص ويبني انا كلمته قلت له انا مو لعبه عندك جاني كلام فجاءه قوي وطلعته فيه قلت له يوم كنا نلعب لعبة الحب انا وانت انت كنت غاش باللعبه كانت معاك ورقه من زمان هي تحدد خسارتي وانت بوسط اللعبه لعبة هالورقه ونهيتني ورحت بدون ماتقول عظم الله اجرك بالخساره بدون ماتعزيني او تعطيني سابق انذار

جلس يبكي يعنني دموع تماسيح على باله انا بحن له قلت له مو دليل انك بكيت برجع لك او تستثير نقطة ضعفي

وجلس يتكلم من الكلام المبهم الغير مقنع وقفلت الخط

جلست اكلم ربي واقول له ربي انا بامكاني ارجع له وبامكاني اتركه

لكن ياربي انا بتركه لوجهك ومن ترك شيئا لله عوضه الله خيراً منه

والله ماانكر يابنات ربي عوضني عوضني بشيئا فعلا [ ماشاء الله ]

اموري تحسنت رجعت لربي ضيقتي راحت وماانكر عليكم وربي بعدت عن جوالاتي كلها والسبب هو عشان مااحن لها او اشتاق لها او اشوف رسايله

وهذا يبغالها قوه ويبغالها صبر

والحمد لله وربي الله يبعدني عن الشيء الخطأ بعد مايبعدني عن هالشي اكتشف بعدها بمده الشي اللي بعدت عنه له مساوء كثيره هذا دليل رحمة ربي على عباده

فانا كتبت هالموضوع عشان البنت اللي مثلي اللي تقول والله حبيبي يحبني مايحب غيري اللي يحبك فعلا يجي من قدام الباب مو من الشباك وان قال لك انا جاي اخطبك بس بعد ماتتحسن ظروفي اعرفي كذاب يبي يلعب

والله يابنات الشباب مايتزوجون البنات من هالطريق راح يقول كلمتني بتكلم غيري ولو نفرض تزوجو بيشك فيها وهي بتشك فيه لين مايوصل مرحلة الطلاق

يابنات نصيحتي لكم سواء سعوديه كويتيه امراتيه قطريه عمانيه بحرينيه سوريه اردنيه عراقيه لبنانيه فلسطينيه مغربيه تونسيه مصريه ليبيه او من اي دوله صدقوني ربي مايبارك بأي علاقه بالحرام نهائيا حتى صوركم لاترسلونها ابدا احذرو

كلكم ان كنتو بهالطريق اتركو هالشيء لوجه الله والله والله والله ان الله بيعوضك بافضل منه واحسن منه واللي يعرف قيمتك وقدرك

اعذروني ان طولت عليكم بكلامي والله كلامي كله خوف على البنات وحرص عليهم

واتمنى دعواتكم ليا

ولاتخلو هالموضوع يوقف ابدأ اللي ردت تجي ترد بعد مده للرفع

مانبيه يوقف عشان نكسب اجر اكثر

ودي لحبيباتي

>>>>> ردود الأعضـــــــــــــــــــاء على الموضوع <<<<<
==================================


جزاك الله الف خير يااختي


__________________________________________________ __________

جزاك الله خير صدقتي والله


__________________________________________________ __________

والله العظيم البنت ما تتعظ إلا لما يفضحها أو يتركها

وانتي الحمد لله ربي أصلح حالك وأبعدك عن هالنزوه ولقاك أخير منه

بس صدقيني مافي بنت ألحين تقرا موضوعك وهي تعرف شاب بتتركه

ماراح تتركه .. كلهم مصدقين كلهم واثقين لا والمشكله مافي سيرة زواج

وهاللعبه تستمر سنين وأبد ما تفهم إنها لعبه إلا بعد ما يمل منها


__________________________________________________ __________

البنت مستحيل تتعظ الا لما يسير الفاس بالراس

احنا مانتعظ من الغير الا لمن نجرب ويوم نجرب نندم

انا دايم اتمنى ان الناس تكون عظه ليا مو انا اكون عظه للناس

والله يجزاك خير وربي يوفقك


__________________________________________________ __________

الله يجزاك الف خير
ويعطيكي ربي الف عاإافيه
سلمت اناملك وصدق لسانك
وربي يسلمك من كل شر
ياإارب