عنوان الموضوع : بعد عناء طويل انخطبت ولكن
مقدم من طرف منتديات نساء الجزائر

بعد عناء طويل انخطبت ولكن



هلا حبيباتي كيفكم ..بخل فموضوعي مباشرة .. انا عمري 21 والحمدلله بعد معاناه مدتها سنه ونص تقدم حبيبي مع العلم ان خطيبي اصغر مني بسنتين لخطبتي والحمدلله ثبتلي انه صح يبيني وهذا طمن امي ... لما اجى وخطب مع اهله اتفقنا ع المهر50الف ريال سعودي والدبله وساعه وطقم ذهب وعباه وطبعا مندوس احنا من عاداتنا اهل المعرس يجيبو مندوس او شنط فيها اغراض للبنت ,, امي بعد طلبت قاعه لان بيتنا م يكفي بس المشكله انه اهل المعرس والمعرس ما يبو ومتضايقين بسبب هالسالفه وخبرني بجيب خيمه مكيفه عادي بس قاعه صعبه شوي بحكم انهم متعودين عروساتهم تصير فالبيت ,, بس امي قالت اول القاعه وبعدين نعطيكم البنت انا م اقدر اعارض لانه فاهمه الوضع بس حبيبي الحين يقولي ي فلانه ابيك توقفي معي بعدين انا وانتي بنعيش واحنا نتم فحاله ما ااوكي ليش نزيد الديون ع نفسنا..
للعلم اني موظفه بس لما اتزوج بطلع لاني مابي اشتغل
وخطيبي موافق ... بس الحين ننتظر الرد منهم

وانا الحين مو عارفه كيف اتصرف فاذا معكم أي حل بليييز عطوني اياه سواء لخطيبي او لامي

>>>>> ردود الأعضـــــــــــــــــــاء على الموضوع <<<<<
==================================


شو معنى مندوس؟؟؟؟؟؟طيب حاولي تقنعيه بالقاعة انا ببلدي العروس تسوي خطوبتها وعقد قرانها وليلة الحنة والعرس بالقاعة وانا اشوف هذا الافضل فليش ماتقنعيه بالقاعة واذا كنتي موظفة اعطيه من رواتبج وبكذا ترضي الطرفين


__________________________________________________ __________

صراحه مهرك كثير نسبتا لبلدي انا
يعني انتي ليش ما تقللي المهر وتسوي في قاعه اذا ع شين الفلوس


__________________________________________________ __________

انا اقلك صلي ركعتين وحاولي ترطبي الاجواء بعدين حاولي تقنعي واحد منهم


__________________________________________________ __________

حبيبتي هذا الشئ اللي يخلي الشباب مايتزوجو ايش اللي مهر 50 الف وعربيه ويجيب لك ذهب وساعه !!!!وبعد تبين عليه القاعه الصراحه مالومه حنا عندنا يعطيها مهر 50 الف والدبله وهم عليهم القاعه


لاتكلفون الناس فوق طاقتها ع فكره انا سعوديه


__________________________________________________ __________

السلام عليكم ورحمة الله وبركاته
والصلاة والسلام على سيدنا محمد
اختي الغالية
قال عليه الصلاة والسلام : من جاءكم ترضون دينه وخلقه فزوجوه