عنوان الموضوع : انا ضااااايععععععه !!
مقدم من طرف منتديات نساء الجزائر

انا ضااااايععععععه !!



السلام عليكم ورحمتي الله

من بعد الله حبيت استشيركم في وضعي ياناس انا ضايعه وفيني كمية حيرة مخليتني مو قادرة اخذ قرار وارسى على بر مع اني بحياتي دايما واثقه بقراراتي واخذها عن اقتناع

بقولكم قصتي ..

انا مطلقه وعندي طفله وطبعا طليقي اقل ما اقدر اقول عنه حسبي الله ونعم الوكيل ، عانيت معه وانسان سيئ ماينتعاشر وفعلا قررت اتطلق منه وطلبت الطلاق والى الآن احمد ربي ومقتنعه مليون بالميه بقرراي ..

انتيهنا من الطلاق بدينا بسالفة الحضانه والزيارات طليقي اتوقع استخدم حل " انغص عليها ببينتها " وفعلا ياخذ بنته بالغصب وهي ماتبيهوالبنت نفسيتها زفت مع انها صغيره ولاتعرف شي كلمناه وفهمنا وشرحنا له نفسية الطفل ولاهمه ومستمر على وضعه ..

طبعا انا رافضه فكرة الزواج كله عشان بنتي مستحيل اتركها واروح ما ادري هل لو اخذها ابوها زوجته بتعاملها اوكي او لا غير كذا يكفي بعد امها عنها اكيد بتتعب نفسيا .. واللي مطمني انه مارح ياخذها لانه ما ابدى هذا الشي . ولكن لما كلمنا امه عشان تفهم ولدها انه يرأف بنفسية البنت وبلاطفها عشان تحبه وتروح معه من نفسها مو يسحبها سحب قالت لنا : اكيد بتصيح وتبكي لانها مو عايشه عنده لو عايشه عنده كان حبته !!

وقالت في كلامها : انه ابوها يبي ياخذها عنده بس انا اقوله لا حرام صغيره ، يعني اعطتنا مسج انه تهيئووا نفسيا ممكن ناخذها منكم

طبعا انا هنا صحت وانهرت ودعيت والله يعلم بحالتي ، انا الحين صرت محتاره هل اعيش على موال " يمكن بياخذها وارفض كل العروض اللي جتني " وافقد شبابي ورونقي وروحي وانا انتظر هاللحظه او اتزوج واشوف حياتي ؟

مع اني انا والله مو همي اتزوج او لا بس احس من كلمة امه كأنها تقول ترى بنأخذها وانا بعدين وش اقعد اسوي اكتئب واجلس بالبيت ومصير اخواني بيتزوجون ويتركوني .. خصوصا انا الحمدالله جمال وثقافه وعلم اقول كذا مو لشي بس افهمكم وضعي واقول هو ماخذها ماخذها ليش ما اعيش حياتي بس بنفس الوقت فكرة اني اتزوج وبنتي بعيدة عني تقتلني او اني اتزوج ويصير عندي عيال اربيهم ببيتي وهعي لا ببيت احد ثاني !!

او ان اتزوج واحد ويطلع اردى من اللي قبله لان في مجتمعنا الموقر الواعي المطلقه وصمة عار ومحد يخطبها الا مطلق او معدد ..هذه نظرة المجتمع المتخلف لاحد يعترض


ولكن انا جاني عرض ماقدر انساه قبل فترة تقدم لي ولد خالي شاب وهو يحبني من الصغر ولما وصله خبر اني تطلقت فرح وقال لاهله ابيها وفعلا قالولي ، بس انا اول شي رفضت لاني مستحيل اترك بنتي خصوصا انه بمدينه ثانيه بعيده الف كيلو يمكن وبمجرد ما اوافق بيستغل طليقي الوضع وياخذ بنتي وانا اهم ماعلي نفسية بنتي .. قالولي اهلي خذي بنتك معك لكن الوضع مو بكيفي وطليقي مو بهذاك التساهل والمرونه ..

والسبب الثاني اللي رفضته له لانه من بيئه حكره شوي وانا ماعشت على كذا ، حكرين بكل شي وماعندهم خصوصيه اخبارك تنتشر بمجتمعهم بسرعه وغير كذا اذا استلزم الامر يمدون يدينهم على حريمهم !! بس هذا الولد مصر وقد خطبني قبل لا اتزوج رفضت لاني صغيره ورجع بعد طلاقي ..

انا احترمته كشخص خصوصا انه عارف وضعي وان معي طفل وعارف طريقة عيشتي ووموافق على كل شي

بس رفضته للأسف لان بنتي مربطتني عن كل شي ..رجعت وفكرت فيه مره ثانيه بتوسع ولقيت ممكن اتغاضى عن السلبيات اللي بمجتمعه مقابل انه شاريني خصوصا ان تدخلوا بالسالفه خوالي واقنعوني فيه وانه ممتاز وكذا ومتربي بينهم وعارفينه بس يرجع لي موال : وش يضمن لي انه حبه كلام مو فعل ؟ وان اللي يقوله بسوي وافعل يمكن يتبخر بالهوى ؟
لأان طليقي كلن مدح فيه واخرتها كذب وباعترافه ان اللي مدحوه كذابين صرت ماعاد اصدق الناس بامور الزواج واحسهم كلهم كذابين

فاهمين وضعي ؟
انا مدري وش ابي ضايعه ، او بالاحرى امور كثيره بسبب خوفي منها مضيعتني
موضوع بنتي وموضوع الزواج الجديد كلن لامني يوم رفضته بس اذا فتحولي الموضوع اشوف صورة بنتي قدامي مع انه قال مابي زواج الحين متى ماتبين لين تكبر بنتك


بس انا مقيده ضايعه ما ادري مين ارفض ومين اوافق عليه ؟؟
اخاف احرم نفسي من سعاده يمكن الله كاتبها لي بسبب مخاوفي

شسوي وهل انا غلطت برفضي له ؟ وهل اوافق عليه شلون بعد مارفضته ؟

ابي اراء ثقه وحكيمه مو عاطفيه .. لان العاطفه هي اللي ودتنا بداهيه

>>>>> ردود الأعضـــــــــــــــــــاء على الموضوع <<<<<
==================================


والله حبيبتي انا انصحك تشوفين حياتك وتتزوجين لأن البنت من يصير عمرها سبع سنين القانون عندنا يعطي ابوها الحق في اخذها غصب عن اكبر راس وهو الحين يحاول يعكر حياتك عن طريق بنتك لأنه واثق انها نقطة ضعفك وخوفك ومحاتاتك يزيد طليقك شراسة وبعدين تعالي نفكر بالمستقبل ونخلي نظرتنا بعيدة شوي انتي بعد عشر سنين او خمس طعشر سنة وش راح يكون وضعك وحدة من الثنتين اما انك بتكونين ام لعدد من الاخوة والاخوات لبنتك او ماتزالين مطلقة والكل ملتهي بحياته واسرته عنك بما فيهم طليقك نفسه وبنتك ماراح تنفعك صدقيني وانتي عاد اختاري اي الوضعين تفضلين اما سالفة الخوف من خوض تجربة زواج جديدة فهذا احساس طبيعي عند كل سيدة مطلقة تخاف من الفشل والعذاب فعادي لاتخلين هالشعور يمنعك من التجربة مرة ثانية وحتى لو لاسمح الله فشلنا في زواجنا الثاني مايمنع نجرب مرة ثالثة واكيد بننجح يمكن يكون القرار هذا صعب عليك الحين وانتي كل تفكيرك منصب على بنتك لكن جربي تفكرين بعقلك مو بعواطفك وبنتك الله يحفظها ويحميها مصيرها بتكبر وتصير شابة ويصير لها بيتها وحياتها الخاصة وساعتها محد راح يقدر يفرق بينكم ....موفقة يالغلا وربي يرد كيد كل من يريدلك الشر يرد كيده بنحره آمين يارب


__________________________________________________ __________

انا اوافق الاخت الي قبلي


__________________________________________________ __________

اقرئيها .. ثم ارسليها في جميع المواضيع اللتي تشإهدينهـإ .. صدقيني راح تروحين وتنسينها لكن ستفاجئك يوم الدين بكثرة حسناتها .. سبحان الله وبحمده عدد خلقه ورضا نفسه وزنة عرشه ومداد كلماته استغفرالله ، استغفرالله استغفرالله ، استغفرالله " اللهم صل على محمد عدد ماذكره الذاكرون وغفل عن ذكره الغافلون : اللهم صل على محمد ماأختلف الليل والنهار : اللهم صل على محمد عدد المهاجرين والانصار : اللهم اجعلها صدقه جاريه لي ولوالدي ولجميع موتى المسلمين ولمن قرئتهاا ولمن ارسلتها..


__________________________________________________ __________

اختي العزيزة
كل شيء بقدر الله
خليكي مع بنتك حاليا وإذا لك نصيب في زواج ثاني
لن يوقفه احد... ضعي ثقتك بالله ولا تسألي غيره
فرج الله همك


__________________________________________________ __________

ششوفي حبيبتي تزوجي وشوفي حياتك انا ما اقولك انسي بنتك لا مو كذا خذيها معك بيت زوجك واذا بلغت السن القانوني ياخذها ابوها وانتي تقدرين تزورينها وتشوفينها بعد شنسوي قضاء الله وقدره

وقبل ما تقررين الارتباط باي شخص استخيري اكثر من مره والخيره في ما كتبه الله

اسأل الله ان يعوضك خير