عنوان الموضوع : الفقر مشكلتي مجابة
مقدم من طرف منتديات نساء الجزائر

الفقر مشكلتي



السلام عليكم /

خواتي انا بنت عمري 21 سنة الحمدلله كنت متفوقة بالدراسة كثير وجاتني منحة من جامعة

الامير سلطان ادرس فيها اي تخصص مجانا وبعد يصرفون لي مكافأة شهريا مثل الجامعات

الحكومية طبعا معدلي كان يأهلني ادخل اي جامعة و اي تخصص

استخرت وسبحان الله ربي كتب اني ادخل جامعة الامير سلطان واخترت تخصص حاسب الي

طبعا تخصصي له مستقبل مهني كبير

المشكلة الي ماكنت حاسبة لها حساب وابد ماكانت في بالي ان انا وضعي المادي سئ

واهلي عليهم اقساط وظروف صعبة كثير انا ماكنت اهتم باللبس ابد يعني اهم شئ

اللبس يكون نظيف ومغسول وبس عمري ماشريت لبس او شنطة ماركة

ومكافأتي غالبا اساعد اهلي منها لان ضروفنا صعبة احيانا حتى الاكل مانلاقي

طبعا جوالي بلاك بيري اول موديل نزل وشريته انا بعد ماطاح سوقه اخذته يمكن ب 500 ريال

المشكلة ان البنات الي معاي كلهم ماشاء الله مستواهم عالي لبسهم كلهم ماركات

جوالاتهم اخر موديل ولابتوباتهم من اغلى الماركات انا حتى لابتوبي رخيص ومو ذاك الزود

طبعا هالشئ اثر على مستواي الدراسي لان جهازي مافي برامج المتطورة الموجودة

بالاجهزة الغالية الجديدة

المشكلة ان البنات يستهزؤون فيني وبشكلي وعلى جوالي ولابتوبي القديم انا طبعا منعزلة

وماعندي صاحبات مااحد يبي يصاحبني لان مستواي مايناسب مستواهم

كل يوم ارجع البيت ودموعي على خدي من استهزاء البنات طبعا الموضوع مو بس

احساسي انا باني اقل منهم لا البنات يرمون علي حكي طالع نازل وكل ماجيت اسأل وحدة كيف

البرنامج يشتغل او كذا يجلسون يضحكون ويقولون البرنامج مافيه شئ المشكلة بكمبيوتر

العصر الحجري الي معك

صرت مااحتك باحد حتى الدكتورات استحي اسألهم شئ طبعا هذا غير حفلة نهاية السنة الي

يسوونها البنات ولازم كل وحدة تدفع قطية انا طبعا مااقدر ادفع فماعمري رحت معاهم

والعام البنات رحموني وحسوا ان ظروفي صعبة فعطوني بطاقة للحفلة وماطلبوا مني ادفع

شئ في البداية فرحت وتشققت اني اخيرا بحضر الحفلة طبعا انا قلت لازم احضر تقدير

لعزيمتهم وفعلا رحت كانت الحفلة روعة وكل شئ فيها خمس نجوم بس حسيت شكلي

اقل من البنات لبسي مو قد المقام وفعلا استحيت وماطولت جلست شوي وطلعت

هذا غير الصيفية الي كل البنات قبل الصيف يسألون بعض على وين مسافرين هالسنة

الي بتروح لندن والي بيروت والي باريس وانا لي الله مالي غير بيت اهلي بالرياض

جوازي ماعمره تختم ابد من يوم طلعته

طبعا بتقولون لي وش عليك فيهم ولاتهتمين لهذه المظاهر والشكليات بقولكم اني كنت مثلكم

عمر الفلوس ماتهمني اهم شئ الصحة والعافية ( مع اني والله تعبانة صحيا ً واهلي مايقدرون يدفعون لي اتعالج خاص وعايشة على مواعيد المستشفيات الحكومية الي يومهم بسنة )

الحمدلله كان مايهمني غير رضا ربي ووالديني وعلمي انتفع فيه وانفع فيه غيري

بس لما كل يوم يجي غيرك ويحسسك انك اقل منه ويستهزأ فيك لابد تتأثر

حاولت الاقي وظيفة بالصيف اكسب منها كم الف بس للاسف مااحد رضى يشغلني

لاني مابعد تخرجت وفيه شركات توظف طلاب بالصيف بس حتى هذول الواسطة

هي الي توظفك وانا ياحسرة لاواسطة ولافلوس

الحين صار حلمي ان شيخ او امير يتزوجني يعوضني سنين الحرمان الي عشتها ويعيشني

ملكة ادري بتقولون مجنونة بس والله المجتمع الي انا فيه جبرني افكر كذا

بس لين حلمي مايتحقق ابي منكم طريقة اكسب فيها فلوس بالحلال خلال الصيف

او حتى ايام الدراسة بحيث مايأثر على دراستي كيف نتخلص من الديون الي علينا

علينا اقساط سيارة والبيت مستمرة 20 سنة وامي وابوي متقاعدين وراتبهم

يالله لك الحمد يالله يغطي الاقساط الي علينا

>>>>> ردود الأعضـــــــــــــــــــاء على الموضوع <<<<<
==================================


ولا يهمك حبيبتي المال مش حاحه والاهم من المال الغناعه ومش معني ان وضعك المادي مش كويس تهملي منظرك لا حاولي حسني منظرك بالتقدري عليه وتعاملي باسلوب راقي وجميل وكثير في ناس شكلهم يدل علي انهم اغنياء جدا وهم فقراء
واكثري من الدعاء والاستغفار اما بالنسبه للعمل ان شاء الله البنات يساعدوك
وبالتوفيق حبيبتي


__________________________________________________ __________

خية ..

قريت مشكلتك .. وماشاءلله عليكِ من اسلوبك في سرد مشكلتك

بين لي شكثر انتي بنت متعلمة ومتدينة وان لو ما لبشر قاسية بتعاملها معك ما فكرتي

بتجتهدي لتعيشي افضل

بالنسبة الى العمل الي تبي تقومين به

حاولي تشتغلين في مشغل نسائي يعني محل كوافير محاسبة .. ما يبي لها شهادة

او اشتغلي في محلات بيع الملابس الداخلية .. الحين في فرصة البنات يشتغلون

مو شرط تشتغلين بحسب شهادتك

ثاني شي ما قدمتي على حافز ؟؟

اعرف بنات وهم بالجامعة .. مسجلين بحافز ويممشي لهم راتب اعانة

وادا مو انتي وحدة من خواتك الي ما تدرس تقدم عليه

بنهاية يا غاليتي

الله هو وحده الرازق

ادعي الله يرزقك .. ويعطيكِ الصحة العافية


__________________________________________________ __________

الحمدلله على كل حال .. الصبر زين و انا اختك و كلي امورك كلها لله سبحانه

بالنسبة للوظيفة بما انك ماشاء الله حاسب يعني عندك خبره في هالشي

ممكن تسوي عروض بوربوينت ..

للأبلات او الطالبات في المدارس و تاخذي عليها .. مو شرط بس عروض

بس اهم شي و انا اختك انتبهي من الصور و الموسيقى

خلي عملك و شغلك نظيف حتى الله يرضى عنك ..

يعني سوي اعلان ترسلي العروض بالايميل و انتي في بيتك و توصلك الفلوس عن طريق البنك

موفقه يارب .. ان شاء الله اكون افدتك


__________________________________________________ __________

مجرد احساسك بالمشكلة والتفكير في حلها هذا انجاز راااااااائع
ولك الحق تتمني غني أو امير
وادعي الله بأخلاص وصدق وماذلك على الله ببعيد
انتي تدعي رب كريم
ليس كملثة شي وهو السميع العليم
انصحك بالعمل من خلال الانترنت
لايحتاج لداوم لايحتاج لارتباط ولا سواق وفيه خير كثير
فقط انتي حددي وقتك وانطلقي واعرف اناس يدخلون من النت حوالي 5 الاف ريال شهريا
وناس اكثر وناس اقل
واي خدمه نحن نسعد بتقديمها لك
الله يوفقك لكل خير
ويرزقك من واسع فضله
ويرزقك بزوج يعيشك ملكة مثل ما تحبي
وجميع بنات المسلمين


__________________________________________________ __________

معقــــــــوله كل هالثقافــــــــة

وتهمك المظاهر ؟؟

والله عشت سنين بالفقر

لكن يوم تزوجت وصارت الامور ميسورة

شفت انه الفلوس ولاشي اهم الراحة النفسية

عندك جوال غيرك ماعنده

عند ك لاب توب غيرك ماعنده

حمدي ربك

عمر الفقر ماصار مشكله

صيري مندوبه تشتغلين وانتي بالبيت

عندك المجمعات على طول يطلبون موظفات