عنوان الموضوع : قالى لما ربنا يكرمنى ها.......
مقدم من طرف منتديات نساء الجزائر

قالى لما ربنا يكرمنى ها.......



السلام عليكم فى موضوع محتاج منى قرار حاسم وأخير وانا مترددة ارجوكم ساعدونى انا اتقرت فاتحتى لشخص اخلاقه كويسة وخلال شهر الشخص اللى انا ارتبطت بيه اتفتح موضوع التعدد بالصدفة وقولتله انت ايه رأيك قالى لوسألتينى عن رأيى هو انا ممكن اعدد اه ممكن اعدد اذا ربنا كرمنى وفتحها عليا ممكن اعدد بس لازم اقول لزوجتى الاول قولتله ياه لوربنا كرمك تتجوز اوعى تجرح قلبى ى هو انا خبطتك بسكينة بهزار يعنى قولتلوا طب اذا مش وافقت قالى خلاص مش هاعمل كده قولتله طب لو انا وافقت قالى هخليكى تختاريها بنفسك وده يبقى عمل خير انتى بتدلينى عليه ودى مش معناها عينى زايغة الرسول ص أتجوز ام سلمة وهى عندها 60 سنة انا صحابى بيستغربوا برضو من وجهة نظرى دى ولما عاتبته تانى يوم قالى ده مجرد رأى وانتى كرامتك من كرامتى وطالما انتى مش موافقة خلاص
يابنات انا وقفت الموضوع دلوقتى لغاية اما أعيد تفكير بصراحة انا اتعقدت من موضوع الجواز التانى من نماذج قريبة منى ولما الشخص ده قالى كدة والله انا يومها قلبى كان مقبوض بشدة ويمكن مانمتش يومها ب الاضافة لكده هو عنده بعض المعتقدات اللى انا خايفة منهاو هى باختصار

يقولى انا سى السيد شوية وأقوله فى بيتنا هيبقى قرارنا مع بعض يقاطعنى ويقولى لأ قرارى أنا قولتلو ما انا ليا برضو رأي يقولى أذا اقتنعت ماشى بسفى راجل فى الاخر وبيسألنى انتى ممكن صوتك يعلى عليا قدام حد قولتله لأ طبعا استحالة وأنت كمان ماتعليش صوتك عليا قدام حد سكت شويه وقالىان شاء الله مش هتحصل قولتلو انى انا برضو عصبية مرة استحملك ومرة تستحملنى قالى انتى ليه عايزة الكفتين زى بعض أصله قالى انا عصبى جدا عايزك لما اتعصب تقولى حاضر ونعم

وفى مرة يافتوكات ماما عرضت عليه نبدل اوضة مكان اوضة فى الاتفاق جه قالى ما نشوف اللى احنا عايزينه واللى نشوفه يمشى

و عرفت انه بيميل لأتجاه ليبرالى يعنى يفصل الأمور بعيدا عن الدين كل ما ياخد وجهة نظرى فى حاجة يقولى لأ مش من ناحية الدين

المهم بقا ان اتصالاته قليلة لكن من بعد الفاتحة خلال 5 أيام ماكلمنيش الا دقيقتين وكان اسلوبه جدى اوى ده تانى يوم ومن يومين جه يكلمنى ماكملش 16 ث والخط فصل ارن 10 مرات الاقيه مغلق استنى يرن عليا مافيش تانى يوم حتى يرن ولا سأل عنى تالت يوم اهلى قالولى ابعتى رسالة انهى الموضوع وده اللى حصل بعدها كلمنى يقولى اصلى حطيت الموبايل ف الشاحن ونمت وتانى يوم ماشحنتش اصل مرتبى اتاخر الشهر ده وهو مرتبه عالى ومعاه مصاريف جوازه قعد يعتذر بس قالى فيها ايه يعن لو ماكلمتكيش يوم هو قعد يعتذر ويقول انه شارينى مش عارفة اعمل ايه ياريت ماتبخلوش بالرد عليا ربنا يسعدكم

>>>>> ردود الأعضـــــــــــــــــــاء على الموضوع <<<<<
==================================


الله يعينك رفع ..!


__________________________________________________ __________

إختي ماكان المفروض تفاتحينه بتعدد الزوجات. نتي غلطتي بهالشي. وكلي أمرك لله ولا تشيلين هم أنه ممكن يتزوج عليك. ومن كلامك معه انك تقولين له أنا عصبيه وهويرد عليك بالمثل ووو معناته أن كل واحد فيكم يريد يفرض نفسه على الآخر. هو يريد أن تكون له كلمه وتطيعينه ونتي نفس الشي. وواضح انك مومرتاحه من كلامه له. لكن اللي يخوف أنه ليبرالي ومايدخل الدين في المواضيع. ممكن هالشي يسبب لكك مشاكل معه. تفاهمي معه بهالشي. ونتي تصرفي بمؤقف يكون بمصلحتك كوني قويه ونتبهي لايفرض كلمته ورأيك عليك. ونتي أدرئ بمصلحتك معه وشوفي اللي يريحك. والله يوفقك


__________________________________________________ __________

صلي استخارة وانتبهي لومارتاحيتي اتركيه والله يعوضك


__________________________________________________ __________

انصحك اختى لله رجل لا يميل للدين لن يسعدك اتركيه لله وسيعوضك الله بمن إو افضل منه ويبدو انه غير صريح وديكتاتورى


__________________________________________________ __________

المشاركة الأصلية كتبت بواسطة مياريوسف
صلي استخارة وانتبهي لومارتاحيتي اتركيه والله يعوضك