عنوان الموضوع : معاناتي مع زوجه اخوي -لصحتك
مقدم من طرف منتديات نساء الجزائر

معاناتي مع زوجه اخوي



السلام عليكم ورحمه الله وبركاته

اخواتي حبيباتي انا ابي افضفض وارتاح لكم

مدري وش احس فيه بس في وحده من حريم اخواني كانت صديقتي ومن تزوجها اخوي تغيرت 18 درجه

وصلت فيها تسبني واهلي من دون سبب وربي الشاهد علي ماسوينا لها شي ونعاملها مثل اخت

حتى السلام ماتسلم تناظرنا باحتقار وتتدخل بكل شي خاص فينا وتنشره وياويلك لو تدخلتي او سالتيها حتى امي تمر وتطنشها

المهم مو هنا السالفه لاني ما ابغى اغتاب او اذكر مساؤها

المهم هي الحين جايه لها شهر بمنطقتنا وامي زارتها ولافكرت تزورنا مع ان بيتنا وبيتهم بينه 3 دقايق

والمشكله مو هنا هي صارت تعايرني ماتزوجت وتدقني بالكلام وتغلط وانا ربي الشاهد علي ماعمري احرجتها او تدخلت فيها حتى ارد عليها باحترام وكل ما قابلتها انسى اللي سوته واعاملها بادب

بس يابنات انا مشكلتي ضعيفه وخوافه وما اقدر اواجهها مدري ليش يمكن لاني اعرف اطباعها

والمشكله مجرد ما اشوفها تجيني الغصه ويدي ترتجف وفيني بكيه مدري هو خوف او جرح منها خصوص كانت صديقتي وانصدمت منها ومن تصرفاتها رغم اننا نفكرها ملتزمه وهي عارفه اني ضعيفه ومقدر ارد لانها تبي الزله واي شي اقوله طوالي لاخوي وعاد هو مايقصر سبحان الله صار نفس طباعها واسلوبها حتى يقول لاخواني هذي ماتزوجت زوجوها ياخي

ومشكلتي ماقدر ارد عليها رغم اني مظلومه والله الشاهد علي واحس برجفه مدري ليش ابكي وانا اكتب لكم هالكلام مقهوره من نفسي انا ماغلطت ليش اخاف منها
المفروض هي اللي تخاف مو انا امس كلمت وحده من صديقاتي وهزئتني تقولي انا غبيه وضعيفه لو تزوجت وش باسوي

مدري وش احس فيه رغم اني بالبيت شخصيه قويه

وعلى فكره ترى زوجه اخوي لها 6 سنين متزوجه وعندها عيال ولحد اليوم وانا ساكته ومتحمله واحس عروقي بتنفجر هي استغفر الله اذا في مناسبه تشوفينها قدام الناس معانا مثل العسل ومجرد ماتطلع من عندنا استغفر الله بس مدري ليش رغم اننا اهديناها هدايا خياليه وماتمر جمعه الانناديها ونعاملها كاخت وربي يشهد حتى اخواتي مانهديهم كذا


مدري كيف ارد عليها خصوص لو عايرتني بالعنوسه او سبت اهلي هي عارفه ان اخوي مثل الخاتم باصبعها واحنا ناس حالنا بشاننا عشان كذا تغلط كيف اخلي نفسي قويه وجه وابعد الخوف والرجفه

واذا سالتني عن اي شي خاص وش ارد عليها مع اني مو صغيره بس الله يسامح من كان السبب

>>>>> ردود الأعضـــــــــــــــــــاء على الموضوع <<<<<
==================================


وعليكم السلام ورحمة الله وباركاته

ليش خليتي هالمخلوقها تتكبر عليك وتزودها

خير ياطير محد تزوج غيرها

ماتدري انها يمكن تدور الدواير عليها

وزوجها ماراح يتم طول العمر خاتم باصبعها

إذا عايرتك بتأخر زواجك

ردي عليها ولو كنتي جالسه وقفي لها وارفعي راسك لفوق

قوليلها لو مو اخوي تزوجك كان بقيتي مثل ما تقول عانس

قوليلها لا تتكبرين وايد ترا الله القادر على كل شيء

ولا تخليني ادعي عليك

المهم لازم تشيلين خوفك منها لانها هي لا شي بتكون لو شافتك

تغيرتي هذي من القوم الي تعاملهم بزين ولطف يزيدهم خبث و غرور

كسري لها غرورها

قوليلها من بعد اليوم تحذري تغلطي علي

ترا ماراح يهمني كاين ما يكون إلا كرامتي ما اسمح لك لو تطيح فيها رقاب

هذا مجرد تهديد عشان بس تبتدي تسوي لك الف حساب

وما تتجراء عليك من جديد


__________________________________________________ __________

اختي الغاليه كانك تتكلمي عن زوجى اخي ترا هاطبع اللئيم اذا كرمته تمرد بس الفرق اانا قويه ماتقدر علي لا هي ولا زوجها وهي ميته قهر
حاولي تقوي عمرك وبلاش هالخوف ...والطيبه معهاا غيري شويه عامليها بما يرضى الله واهجرها هجر طيب ولا تلتفي لها ولا تعبرها الغي وجودها مو بس انتي حتي امك خلوها تتعلم الاحترام

بخصوص العنوسه يوم تعايرك ردي عليها قول والله مرتاحه كذا مابغى اعرس وابتلش ... لا تظهري قدامها ضعفك خليك قويه وخليها تحس انك افضل حال منها وعليك بالدعاء اللي رزقها راح يزرقك مامنع عنك الا لخير


__________________________________________________ __________

وربي انها ماتستاهل وانتوا اعطيتوها اكبببببببر من حجمها
لازم لازم تعطيها على راسها خخييييييير مرة ؟؟
وليه ماتخبرين اخوك بذا الشي خلي يوقفها عند حدها قوليله ترا زوجتك تسبسبنا كلنا مو بس انتي
لانه بكذا مارح يعطيك اهميه وبيقول نفس الي تقوله زوجته وخليها بالجمع
ولاتعطونها ولا شي عاملوها زي ماعاملتكم لاتصيرون طيبين زيادة عن اللزومم لانه بيكبر راسها
وتصييييييير طاووس انتوا لو عاملتوها زي ماتعاملكم راح تشوفوا الفرق وراح تستغرب وتنقهههر
اي احد يجي سلموا عليه واعطوه الهدايا وكل شي إلا هي وشوفوا . . .

ولا إله إلا الله والله أكبر ولا حول ولا قوة إلا بالله


__________________________________________________ __________

وربي إن بعض حركات زوجات الأخووان مادري إيش تحس فيه الله يرد لها عقلها حركات بزران الله يعينا وخليك قويه
ولاتهمك هي محتاجه دوره ف إحترام الناس والله يصلحه أخوك مثل أخوي وراء زوجته


__________________________________________________ __________

بنات انا صاحبه المشكله والله اني احاول اكون قويه بس ماقدرت واحاول اتكلم وارد عليها بس الصيحه تجيني لانها تجرحني بشي مالي ذنب فيه وفوق كذا ماسويت لها شي مدري وش سالفتها

صار لها فتره تدق علي عشان تبي تعرف عن خطبه اخوي وانا مطنشتها وجتني ع الواتس وحظرتها مدري اللي اسويه بيقهرها ولا

المشكله زوجها هذا مايعترف فينا لانه غير شقيق بس دايم يتمصلح مع ابوي ويخلي زوجته تكلم ابوي والمشكله ابوي يفكر اننا نكرههم لانه مايعرف حركات الحريم بس ربي فوقها عسى الله يبتليها بزوجه اخو تسوي فيهم مثل ماسوت فينا

ولو قلت لاخوي مابيصدقني اصلا هو يخاف منها واكيد بيطلعون عني كلام ومايبقى الا تجيب سيرتي فيه اني غيرانه وعانس منها رغم انها هي اللي تسالني عن كل شي قصتي صبغتي وين شريتوا فساتينكم حتى امي لما زارتها تسالها كيف فلانه تقصدني نحفت ولامتنت وفوق كذا جلست تقول لامي من الاكبر انا ولابنتك وامي ساكته وهاديه قالت ماعرف وشوي جات ام زوجه خيو قالت خدعتونا بولدكم ليتكم اعطيتونا الثاني تخيلوا قالت امي الواحد ماياخذ الا نصيبه

يعني كلام وحركات مالها داعي بالله بنات تحسون حركتي لما اسففه اتصالاتها واحظرها بالواتس ممكن تقهرها
ولا ماراح تهتم وثاني لو سالتني عن شي خاص وش اقولها لاتتدخلين بامور العايله ولاكيف