عنوان الموضوع : هذي مشكلتي ودماري وكتبتها لكم مجابة
مقدم من طرف منتديات نساء الجزائر

هذي مشكلتي ودماري وكتبتها لكم



لسلام عليكم ورحمة الله وبركاته
اللهم صل على محمد وآل محمد
شاخباركم حبيباتي ؟ ، اتمنى تكونوا بخير وصحة

آآآآآآآآآآآآآآآآخ ..
بدخل في طرح دماري مباشرة
بنات أنا لي مخطوبة سنة وعشرة شهور " الخطوبة عندنا يعني عقد قران " وفترة الخطوبة للتعارف عشان نفهم بعض واذا اتفقنا مع بعض يحصل الزواج

المهم أنا طول فترة خطوبتي كانت معاناااة بشكل فضيع

ورب الكعبة العيشة اللي عشتها معاه ماتنوصف ولاتخطر ع البال

هو من مدينة ثانية بعيدة عن اهلي
وانا كنت اشتغل في نفس المنطقة اللي هو فيها وظلينا طول هالفترة ساكنين مع بعض
يعني عشت حياة المتزوجين بنظر الناس

بس طبعاً أنا في طول هالفترة محافظة على نفسي وهو بعد لزم حدوده من هالناحية ..

نجي للمشكلة الأساسية
حياتي اللي عشتها معاه دمار
نهاني ع الآخر
يدور علي الزلة ويسوي من الحبة قبة " عقليته جداً صغيرة " وتفكيره محدود

طبعاً في البداية طلبت فسخ الخطبة لكن الطلاق بالنسبة لأهلي عار
وهالشي من سابع المستحيلات يقبلوا فيه

اهلي شافوا معاناتي كيف معاه
شافواني وانا مذلولة ومكسورة وطايح حظي لكنه كان يسبقني في كل شيء

قبل ما اشكي لأهلي يروح هو ويشكي لهم وقبل كل حاجة يلبس قناع البراءة ويسوي نفسه البريء المسكين وكأن أنا اللي اعتديت عليه

يفهمهم كل شيء لصالحه

وطبعاً اهلي مو من النوع اللي يوقفوا مع بنتهم
دايماً احنا الغلط والناس هم الصح

ورب الكعبة مررررت علي ايام يتركني لحالي بالشقة محبوسة ومقفل علي الباب
لا اكل ولا شرب
قسماً بالله العلي العظيم ما اكذب في شيء

تمر علي ايامم حالي حال ألجدار في الشقة وهو رايح جاي ماكل شارب
وانا المذلولة المهانة المكسورة

وبعد ماتمر علي فترة محبوسة يتذكرني ويتعطف علي ويجيب لي صحن غداء

المهم كانت مشاكلنا في ذيك الفترة لاتحتمل
ولاتطاق
كل يوم صراخ وهواش وضرب وتكسير وكلام يسم البدن والعيشة وسخة حتى الحيوانات ينفروا منها

بس أنا جار علي الزمن وجبرني عليها وانا بالعة موس وساكتة وماعندي احد اشكي له

طبعاً ما انكر اخطائي كان لما يمد ايده اضربه وادافع عن نفسي
بس وين ابين بضعفي تحت رجال !!

وكنت اهدده والبس عباتي واطلع برا البيت بدون مايسمح لي
بس اسوي كيذا من الضيق والضيم والوحدة والعذاب اللي ماحد يصبر عليه

وبعد ما ارجع ألاقيه ينتظرني بالتكفيخ والتكسير من جديد

وانا مالي احد الجأ له ، اهلي واخذهم بصفه ويصدقوه بكل كلمة يقولها

طبعاً مسوي حاله قدام اهلي الملاك المنزه اللي مايغلط ويطلعني أنا الحقيرة اللي ما اخاف الله

طبعاً بالرغم من كل هــــــــــذا مو راضي يطلقني

ودايماً كلمته لو تنطبق السما ع الأرض ما طلقتك
وفوق كل اللي يسويه فيني من تعذيب يحلف انه يحبني < ههه حسبي الله بس

المهم
مرت هالسنة والعشرة شهور وجا موعد التعاسة الأبدية " الــزواج "

قسماً بالله االعظيم ماتتصوروا الحالة اللي عشتها وقتها ، اتعس عروس في الكون هي أنا

لعل ربي لايذوق احد المر اللي عشته ولاحد يجرب تعاسة الحظ اللي بهالشكل

من ناحية جمالي أنا ماشاءالله جميلة وناعمة والباري يشهد
وشكلي من الحجم الصغير ما حد يصدق عمري 22 سنة يقولوا عني مرررة بريئة

إلا الأخ زوجي ! ماعمره مدحني حتى لو مجاملة

غير بداية ماشافني انعجب فيني بقوووة وصار يستعرض فيني قدام اهله واصحابه ومازال

لكن مستحيل يتجرأ ويجي يقول كلمة طيبه في حقي

المهم قبل عرسي كان يدعي علي دعاوي مو طبيعية
كان باقي ع العرس 3 ايام وهو يرسل لي رسايل ع الواتس اب

يكتب لي ياعساك تموتي بيوم عرسك
ياعساني اشوفك على جنازة وما اشوفك عروس

وكلام يجرح ويقطع القلب وكنت بذيك الفترة حدي منهارة

كلما احاول اتفاءل بالسعادة واقول حياتي بتتحسن يجي هو بكلمة زي السكين ويغرسها بقلبي

شاللي جابره يتزوجني ؟؟!!
شاللي مخليه متمسك بكلمته ومايطلق ؟!!
ليش يدعي علي بالموت ويبغى يتزوجني !!!

المهم صرت اطنشه وظليت ارتب امور زواجي واتجهز لكن ماحسيت بطعم الراحة زي باقي العروسات اللي يجهزوا لزواجهم وهم سعيدين ومبسوطين

لحد ما قرب يوم تعاستي وتزوجنا

الحين صار لي اسبوعين إلا يوم من تزوجت ، ثاني يوم زواج كسرنا تكسير من الضرب

طبعاً لحد الحين ماقرب مني
يوم العرس بعدما رجعنا كان تعبان مرررة وعلى طول نام
اليوم الثاني حاول يقرب مني وانا كنت مو حابة امنعه لكن خفت شوي
قال بيخليني يومين ثلاثة لحد ما اتهيأ
واليوم اللي بعده جانني الدورة
وبعد ماراحت لحد الحين واحنا مانكلم بعض

يروح ويجي لحاله وما كأن في وحدة متزوجها عايشة معاه بنفس البيت

ماخذ مجاله في كل شيء وعايش حياته ومو معترف فيني

ومع كل هذا مو راضي يطلق

بنات أنا ما ابغاه يقرب مني في هالفترة حاسة ان حياتي معاه مستحيلة

ابغى احد يوقف معاي واتطلق منه بس ماعندي احد يساندني
لا ابو ولا اخو

اهلي مايسمعوا مني كلش كلش كلش ومايصدقوا غير كلامه

أنا مابيه يقرب مني ويحصل حمل وتالي اتعذب من جديد واتطلق

حدي خايفة ومتورطة بهالزواج
كان عندي امل يتغير شوي بعد الزواج لكن ضاعت آمالي وكل حلم معاه يتبخر

مستحيل يقدر يسعدني بيوم لأن حتى المجاملة حارمني منها

أنا ولله الحمد قريبة من ربي ودايما اصلي واصوم وادعي واستغفر واقرأ قرآن لكن مافي شيء متغير بحياتي

طبعاً هو من الناحية الدينية اعوذ بالله " حتى الصلاة مايصلي "

وهذا سبب رئيسي ما اخليه يقرب مني ع اساسه

ويكذب علي يسوي نفسه يصلي قدامي وانا اعرف اراقبه عدل واشوف كيف اهماله للصلاة
وغير عن كذا يسمع اغاني ومايتقبل نصيحتي ابببببببببداً
ومايفرق بين الأكل الحلال والحرام واذا تكلمت قلب علي الدنيا

أنا منهارة تعبانة ضايعة تايهة ومالي احد خير شر
السبب مني أنا في البداية كنت غبية وساكتة وعايشة معاه وما اقدر الوم احد على هالشي غير حالي

أنا انتهيت ورب الكعبة نفسيتي دمار لأبعد حد

مابي اتطلق واكون ظالمتنه لأنه سوا لي العرس اللي ابغاه ودفع مصاريفه

واخذ لي الشقة اللي اخترتها
صحيح بعد ماراواني الموت اخذها لي بس خايفة اكون ظالمتنه على هالشي

أنا مشكلتي بالرغم من العذاب اللي يعيشني فيه لكنه ساعات يكسر قلبي اقول مسكين هو بعد تعب كثير في حياته واظل ادور له على اعذار ومبررات لأفعاله ولو وحدة غيري ماكان فكرت فيه بهالطريقة

هو قبل مايخطبني كان عايش حياة صعبة شوي وانا وربي يشهد علي والقرآن وقفت معاه وساندته وقبلت باللي ماحد يقبل فيه ، وكنت استنى من ربي يعوضني خير ويجازيني
لكني تجرعت انواع الضيم والمر والمرار والعذاب على اصوله

وكأني سويت بحياتي ذنب عظيم وقاعدة اتعاقب عليه

ااااخ يابنات اخ

ورب الكعبة ماحد حاس باللي أنا عايشته

نسيت اقول لكم عمري اول ما انخطبت كان 20 سنة والحين أنا 22 وهو 29

وووقبل زواجي كنت دايما ااشوف كوابيس وفي وحدة مؤمنة نصحتني وقالت لي لا تتزوجيه ثقي بالله نهايتكم مو زينة

لكني جار علي الزمن وجبرني ع الزواج وتكملة حياة ماحد يتمناها


حبيباتي ساعدوني كيف اتخلص من هالكابوس المؤلم
ساعدوني مالي بعد الله سبحانه غيركم ، اتمنى تتفهموا وضعي الصعب وظروفي المرّة الل اعيشها

وربي حاسة نفسي للحين ماذكرت شيء ، لأن وضعي السيء يعجز التعبير عن وصفه

أنا مخنوووووقة وبدون نصايحكم لي راح اتوه في هالدنيا اكثر

ابي وحدة طيبة حنونة تاخذني في حضنها شوي وتمسح على قلبي وتنشف دموعي وتعطيني نصيحة لوجه الله من قلبها الطاهر ..

أنا على الله وعليكم بنيت آمال
وعقيدة عندي الله يغير الأحــوال

الله يحفظمكم

>>>>> ردود الأعضـــــــــــــــــــاء على الموضوع <<<<<
==================================


احس فيك انفصام ب الشخصيه
ومكبره مشكلتك وش هالاهل الي يصدقون ولد ناس ولا يصدقون بنتهم
وشكلك فاقده حنان وتبين تعارف بنات
الله يشفيك بس


__________________________________________________ __________

يا اختي مالك غير اهلك ،،، لحالها قصة انو مابيصلي ومابيعرف ربنا منيح مافي اهل بيسكتو عن هل الشي ،،، ﻻزم تروحي ﻻهلك وتحكيلهم كل شي يعني شو هل اﻻهل يلي مابيتفهمو بنتهم ،،،،
واذا مافهمو عليكي قليلهم بدي اجلس عندكم كم اسبوع. حتى ترتاح نفسيتي شوي ،،،
وبصراحة في شي مافهمتو كيف مخطوبين وبنفس البيت وسنة وشوي وماقرب عليكي وﻻحبك حتى ومعروف بهي الفترة انو الرجال بيكون كتير حساس وحنون وبدو رضى الخطيبة لترضى ،، هادا مو طبيعي زوجك ،،،، الله عينيك يا اختي وداومي على صﻻتك واستغفارك واكيد ربك رح يجعلك من كل ضيق فرج ومن كل هم مخرج ،،،،، ومن ترك شيئا لله ابدله خير منه باذن الله


__________________________________________________ __________

السلام عليكم
اختي الغالية
و الله حسيت بيك كلمة كلمة
اولا ربي معاك
ثانيا انت تؤمنين بالله قضاءا و قدر و هذا قدر الله عليك
ربما هو مفتاح جنتك و اثمري حيث زرعك الله قدر الله ان يكون اهلك و ضعف شخصيتك سبب كافيا لتكوني زوجته
لكن انصحك و انصحك
استعيني بتقوية شخصيتك و ماتقبلي الضرب و الإهانة و السكوت فاهمة علي لو كنت وقفتيه عند حدو ما كان اتجرأ عليك
قوي شخصيتك.....قبل أن تقومي بلوم زوجك و اهلك
’’ لومي ’’جــهلك أولًا
لومي إستسلامك ثانيًا
لومي غبائك ثالثًا
لومى ضعفك رابعا
ما دمتِ تستمتعين بدور الضحيه فــ اصمتي
انا لا اقسو عليك و لكن يجب ان تتعلمي اذا كنت مهتمة راح لانزلك مجموعة كتب تساعدك على تقوية الشخصية
و ثانيا انت كفيلة بقلب السحر على الساحر و جعله يلهث ورائك ثقي بالله
انت انثى و ينو سلاحك و ينو انوثتك و بعد اهلك عرفيهم دايما انك بخيييير و عروس متهنية ترى هاذ راح ينقلب في عقلك الباطن و ينعكس على حياتك
اتمنى اكون افدتك و ربي معاك راح ادعيلك انو ربي يرزقك بفرحة تخرين لها ساجدة باكية باذن الله
اختك ام ساجد


__________________________________________________ __________

علمي اهله عن فعايل ولدهم. اشتكي لامه وابوه


__________________________________________________ __________

لا تزعلي مني بس انتي الغلطانهدامك عارفه طبعوامن قبل الزواج ليش تزوجتي اذا الطلاق على قولك يعتبر عار خليه يطلقك واللي يصير يصير وكان عندك سبب كافي رسايله كان ممكن تعطي اهلك ويشوفونها وعلى فكره اذا كان تارك للصلاه ومايصلي مرررره هذا بالاصل تطلقي منه بسهوووله الله يعينك حبيبتي