عنوان الموضوع : امي وخطيبي مجابة
مقدم من طرف منتديات نساء الجزائر

امي وخطيبي



مرحبا بنات
كيف حالكم؟





ضايقة فيني الوسيعة..
زواجي مابقى عليه شي وماما طلبتني من كم يوم تكلم خطيبي"زوجي"

ولما قلت له قالي عطيني رقمها؟
وانا بذاك الوقت ماكنت بالبيت ..قلت انتظر لما ارجع واتصل واعطيك تكلمها
قال لا ابيه الحين فشلة هي تبي تكلمني ونخليها تنطر
قلت على راحتك وعطيته الرقم
وقالي لاتخافي كل شي راح نقوله راح اقولك اياه
قلت طيب..خير
وقفلت من عنده

لما رجعت البيت سألت ماما ها شصار؟ كلمتيه؟
قالت اي ..سألتها طيب شقلتوا؟
قالت ولا حاجة
انا صرت كذا 0-0!!!!
قلت كلمتيه وماقلتوا شي؟
قالت يعني ايش راح نقول؟

انا قلت طيب ورقيت لغرفتي وانا متضايقة واصيح
وطبعاً اهي لحقتني وهاوشتني وتقولي ايش قصدك؟ يعني ايش راح اقوله؟ ومن هالكلام
وانا سكت ومارديت
قلت طيب خلاص..
قالت لا مو خلاص انتي كيف تكلميني بذا الطريقة؟ قلت لها انا ساكتة انتي الي جالسة اتكلمين


بعد الهوشة ذي
دق علي خطيبي وقالي شنو قالوا بالتفصيل

انا منقهرة حيل من امي..ليش ماتقولي يعني؟! تخاف من ايش؟ شبسوي لها؟!!!
هوا عرف من نبرة صوتي اني زعلانة وكذا..قالي شفيك قلت ولا شي بسكر انا الحين..قال لا انا اكلمك علميني شفيك
قلت خلني لحالي ومن يصفى بالي ارجع اكلمك

انا الي قاهرني جد بالموضوع..احس ان خطيبي راح يحب ماما.."راح يحبها مثل امه طبعاً"
بس انا انقهر..
احس ماعندي احد بالحياة يحبني انا وبس

ودي يكون عندي شخص ملكي انا..لحالي انا
يحبني انا..
ومايهمني شنو نوعية العلاقة بينه وبين اي شخص حب صداقة حب اخوة

بس ابيه يكون لي انا

ماعمري صار عندي هالشخص
ادري يمكن انا مريضة وهذا يعتبر شك ..
وانا اصلاً ماحس اني طبيعية

بالله عليكم في بنت تغار من امها عشان كلمت خطيبها؟!

منقهرة حيل

صار لي 3 ايام زعلانة عليها وعليه
من تكلمني اقولها تعبتيني اتركيني لحالي.. واهيى تقولي هذا جزاتي تعامليني كذا؟
وانا والله احب الماما وافديها بعمري بعد
بس انقهر
مو ذبني

فاهمين علي؟
والله مو بيدي الي يصير
عارفة انو مافي شي ولاراح يكون في شي بينهم
بس انقهر

يمكن لأني ماعندي ثقة بنفسي؟
مع ان مافي شي ينقصني؟
بس بدون الثقة لا جمالي ولا شهادتي ولا حسبي ونسبي راح يفيدوني
لازم تكون عندي ثقة بحالي


من لما كنت صغيرة بابا توفى
وبعدها تعلقت بعمي وتوفى
وربعي كلهم تركوني

وصديقاتي معدودين عالاصابع..
واحس ان بأي لحظة ممكن يتخلون عني

مادري شنو فيني
انا تعبانة

البارحة لما كلمته..قلت له
اذا انا تضايقت بعد من الموضوع الي في بالي
راح افسخ الخطبة والزواج
اهوا انصدم
يقولي شفيك؟!
من كل عقلك تكلميني كذا وتقولين هالكلام؟.
وانا اقولوا اي

ياربي مقهورة
ضايقة
ماعرف شفيني
ماعرف

اكلمه ويكسر خاطري اهوا ماله ذنب وماسوا شي
بس انقهر
ابيه لي..
لحالي



ساعدوني؟

يعطيكم العافية

>>>>> ردود الأعضـــــــــــــــــــاء على الموضوع <<<<<
==================================


اختي لابد ان امك قد كلمته لتوصيه عليك او لتخبره بعض الاشياء المهمه لتعيشا معا بسعاده ولا ارى سببا يدعوك للشك باقرب الناس لك مستحيل ان تكون امك كما تظنين استعيذي بالله من الشيطان واطردي هذه الافكار واكسبي رضا امك ورضا خطيبك وفقك الله وسخره لك


__________________________________________________ __________

حرام عليك زوجك هذا صار محرم لامك خلاص هذا بدل ماتوصينه عليها وبعدين انتي تفكيرك غلط في غلط لانه مافي انسان راح يحبك او يحب غيرك بدون شراكة من احد لانه ببساطة هذه طبيعة الحياة التي نعيشها مجتمع ناس افراد علاقات واجبات دين عمل فروض ترفيه ....الخ كل هذه الجوانب من حياة الانسان تخلي حياته مقسمة ومتنوعة بين علاقاته بالاخرين وعلاقته باسرته ومحيطه ونفسه فانتي ماراح تعيشين مرتاحة الااذا شلتي هالفكرة والخرافة من راسك وامنتي انه الحياة تفاعل وتجارب وناس تجي وناس تروح وكل واحد له حق وعليه ولابد ان يترك اثر على غيرهواجب مانقدر نلغيها خليك واقعية حتى تكوني انسانة سوية ومرتاحة


__________________________________________________ __________

الله يهديك
في وحده بعقلها تغار من امها
الله يصلحك امدي امك الحين ضايقه فيها الوسيعه
و كتئبه و تقول فخاطرها بنتي تحسبني اغازل زوجها
بالله حطي نفسك مكانها و اتخيلي انو بنتك تسوي فيك كذا

و اصلا لابد و لاااااااااااااااااااااااااااااااااااااازم يكون في تواصل بين امك و زوجك
يعني تقعدين طول العمر مع زوجك و هو ما يعرف امك و لا قد كلمها صاحيه انتي ؟؟؟!!!!
و عشان يعرف ان وراك احد بما ان ابوك متوفي عليه رحمة الله

حطي عقلك فراسك هاذي امك امك امك تغارين على زوجك من امك ؟؟؟؟؟؟؟
الزوج يروح و يجون عشره غير
بس الام ما تتبدل
و بتقعدين طوووول عمرك تتحسرين عشان امك الي فقدتيها و السبه كلمت زوجك !!!!!!!


__________________________________________________ __________

انتي شكاكه<<<
وخير اذا كلم امج بدال ماتفرحين
اكيد يعتبرها مثل امه <<كبري عقلج وخلي الامور
طبيعيه وثقي بزوجج << دام من بدايتها جذيه الله يعينج


__________________________________________________ __________

یختی فاهمه وش تقولین تبینه لک لحالک بس حب التملك موب زين
وبعدين هذا زوجك حلالك صح بس حلال امه وحلال خواته وعماته وخالاته واهم من هذا حلال ربه !!
ربه الي خلقه اذا في يوم حب ياخذه لعنده ماتقدرين تقولين شي عشان كذا لا تحبين شي زايد عن حده في هل دينا ياختي لانك بتندمين كثير بعدهاا
والله انا اشوف خطيبكك طيب وزين ومايخبي عليك شي وحراام الي سويتيه فيه
شوفي اذا كنتي قايله لامك و قالت ماقلت له شي وخطيبك نفس كلامها وقتها لك الحق تشكين بس خطيبك قالك شسااالفه ماكان له داعي تقولين له اذا تضايقت من الموضوع الي في باالي راح افسخ الخطوبه والزواج ؟؟؟ ليش الزواج لعبه ؟؟؟ هي كلمه وقلتيها بس حجمها كبير لا سمح الله سويتي الي بالك وتاخذين لقب مطلقه عشان سالفه ماتسووي وبعد ماتخسرين هل شاب الي يحبك ويقدررك بس لكونك مطلقه بتاخذين شايب او مطلق وتعيشين بجححيم وتندمين قد شعر رااسك
يختي اكيد الكلمه حززت بخاطره اعتذري منه قبل لا يهوون عن الزواج ويقول ذي نفسيه بتتعبني ترا كل الي راح يصير بعدينْ بيكون بضررك هو رجال مو ناقصه شي يقدر يكمل حياته بس انتي بنت صعبه واي كلمه قلتيهاا محاسبه عليهاا دققي وركزي زين في اختيار الكلماات سواء لخطيبك او امك او لغيرهمم
نصيحه لوجه الله : لا تتعلقين في شي بهل دنيا بززياده لانه فااني واذا خسرتي خطيبك الي يحبكك بتكوونين غبيه وضيعتي كنز ثمين من يدك واذا خسرتي اممك بسبب حساسيتك الزاايده بتكوونين خاسره اخرتك كماان
ف عشان كذاا اسعي لنيل رضاااهمم هذا زوجك وهذي اممك
وكل ماا تخطر ببالك هل سالفه او غيرها تعوذي من ابليسس لان كله منه
وربي يهديك ويكتب لك الي فيه الخير
مووفقه خيتوو