عنوان الموضوع : فضفضه تعبت اكبت بداخلي -لصحتك
مقدم من طرف منتديات نساء الجزائر

فضفضه تعبت اكبت بداخلي



من عمري 13 سنه بدت تتولد عندي فكره اني عايشه مع ناس مو اهلي واني مو بنتهم والفكره تراودني بين فتره وفتره
امي تضربني ضرب مبرح على أي غلط صغير كبير تضربني من قلبها والله تحط حرة العالم فيني لين طلبت شي تجيبه ما تقصر بس ليش كانت تضربني ضرب مو قادره انساه وتسبني وتقل قيمتي قدام الناس ودي اجلس يوم احكي واضحك وامزح معها ودي مره تسمعني ودي لين اشتكيت لها ما تقولي انت الغلطانه وتحط كل الحق علي كالعاده ودي مره امزح معها مزحها ماتعتبرها قلة ادب دايما تسبني تدعي علي تحتقرني ليش طيب وش سويت تعايرني باخطاء سويتها وانا صغيره تشك فيني ليش مسويتني شيطانه مادري حتى خواتي احسهم يحبون يسولفون مع بعض بس لين جيت معهم عادي مايسولفون ذيك السوالف ولين جيت اشتكي لهم او اقولهم على شي ما فيه اهتمام
ما احس اني بنتها ما احس انهم خواتي
لين سمعت البنات كيف يسولفون عن خواتهم وامهاتهم استغرب ليش انا يصيرلي كذا وش الذنب الي سويته عشان اتعاقب بهالطريقه
مهمليني من طفولتي لما كبرت صرت كثير اتهاوش مع امي ما تحمل منها كلمه صراخ كل حديثنا وكلامنا غير انها استمرت تمد يدها علي لحد ما وصلت 17والله احس اني بلاقيمه والا اسوى شي
استغرب من نفسي كيف اعامل الناس باحترام وامي لا ليش تظهر شخصيتي وطيبتي مع الناس بس اهلي مايظهر معهم هالشي والله انا مو انسانه سيئه والا ودي اذي احد بس الحياه الي عشتها والاشياء الي شفتها خلتني كذا وحتى فيه ناس اسوي نفسي طيبه معهم بس اصير انتقهم منها واطيحهم بمشاكل من تحت لتحت وصايره استشر بسرعه بس ابي اسوي مشاكل
وفكرة اني اسوي تحليل الحمض النووي واتاكد انهم اهلي او لا موراضيه تروح من بالي

>>>>> ردود الأعضـــــــــــــــــــاء على الموضوع <<<<<
==================================


اختى نصحيه اخويه الزمي الرقيه الشرعيه


__________________________________________________ __________

السلام عليكم

اسمعي يابنتي امك الظاهر تعرضت لضرب وسوء معاملة وهي الصغيرة عشان كذا هي قامت تعاملك بقسوة وكدا

مو انتي يابنتي بس كدا انا اعرف ناس كدا رجال وبنات

والله والله والله ان صبرتي راح يعوضك ربي براجل يحطك في عيونه وينسيك كل ثانية عشيتها في زعل

انتي بس يابنتي ارضي بواقعك ولا تفارقي سجادتك صلي كل يوم

وانتبهي يابنتي من عيال الحرام لا يجي يوم وتقولك نفسك انك تروحي تتعرفي والا يجيك شيطان من الانس يمثل عليك دور روميو ويخليك تطيحي معاه

بس انتي صلي وادعي واذا معاك فلوس تصدقي واذا مامعك فالنية تكفي عن العمل في حال عدم المقدرة

وربي راح يساعدك ويكون معاك

يابنتي الله ارحم من الام بولدها

يعني كيف تفكري كدا
ازا رب العالمين ارحم من اللي خلفتك لا تقنطي وخلي ظنك في الله فوق كل الظنون
وراح تشوفي كيف تتبدل حياتك لنعيم بسبب صبرك واحتسابك

دايما يابنتي رددي لا اله الا انت سبحانك اني كنت من الظالمين

ردديها كل يوم كل ساعة كل دقيقة وتشوفي بركات هالدعاء ولا تنسيني يابنتي من دعاءك


__________________________________________________ __________

ياقلبي ربي يعينك ويسخرها لك ي قلبي


__________________________________________________ __________

حسسي امك بحنانك عليها هتلافيها تغيرت تماما عن تجربة


__________________________________________________ __________

الله يعينك. حبيبتي
ليش يعاملوك كذا انتي بنتهم. مهما يكون
حاولي تفهميهم وتعرفي اش سبب تعاملهم لك
امك حاولي تتقربي منها
واخواتك سولفي معاهم
اشغلي نفسك بشي مفيد اقري قران اكثري استغفار
اشتغلي في البيت اقري كتب مفيده
انتي باقي صغيره بدري على الهم ياعمري عيشي حياتك
فوضي امرك لله واشكي همك لله الله يهدي اهلك ويصلح حالهم