عنوان الموضوع : دقيت رقمه بالغلط وتوهقت.,, مجابة
مقدم من طرف منتديات نساء الجزائر

دقيت رقمه بالغلط وتوهقت.,,



السلام عليكم

السالفه ومافيها اني يوم الخميس اللي فات كنت بدق على صاحبتي
لكن مو حافظته عندي
فكتبته بسرعه
050.... الخ

وعاد بآخر رقمين قلبت بدل ببدل يعني عكست بينهم
ورد علي واحد وسلمت عليه وطلبته صديقتي وهو يضحك ويقول ماشاء الله طريقه جديده لملاحقة الشباب وانا كلش مو فاهمه قلت لولا انك قريب صاحبتي ولاكان شفت شغلك

قال اي صاحبه واي خرابيط انتي شكلك مشبهه او غلطانه
قلت عيب عليك وهات صديقتي
قال اقول لاتعلين صوتك وانتي اللي انتبهي مره ثانيه وانتي تدقين
قلت ليش مو هذا جوال فلانه؟
قال لا ياروح امك
قلت طيب سوري والله ماانتبهت وقفلت
بس من بعدها صار دايما يدق علي وانا فاض صبري

قلت بغير شريحتي بس اخاف اهلي يقولون ليش مغيره الرقم

لاتقولون عادي وسهل
والله ماتعرفون اهلي
انا بالموت صار عندي جوال
لو اقول بغير رقمي يفتحون تحقيق سين وجيم وصدآآآع راس مايخلص

فهموني شسوي؟

لا والاخ مستانس يرسل مسجات بآخر الليل واول الصبح

>>>>> ردود الأعضـــــــــــــــــــاء على الموضوع <<<<<
==================================


انتي غلطانة المفروض ما اخذت واعطيت معاه بالكلام او ما قلك غلطانة اعتذرتي وقفلت والحين اذا دق خلي واحد من اخوانك ولا ابوك يرد علشان ما يتصل مرة ثانية


__________________________________________________ __________

اكتبي له رساله رساله دينيه
واعتذري وقولي انا انسانه متزوجه وكنت غلطانه
وماابي مشاكل في بيت زوجي بسب غلط
في رساله مو اتصال واكتبي يلت لو مااشوف رقمك ثاني وماابي اخرب بيتي


__________________________________________________ __________

صادقة الاخت جيجي 30 ما كان له داعي تاخذين وتعطين معاه في الكلام

هذي الاشكال ما تنعطى وجه اسمحي لي تتحملين جزء من الغلط بس ماعليك

ان شاء الله تعدي السالفه على خير واذا دق خلي واحد من اهلك يرد عليه

بيحرم يدق مره ثانيه وتعلمي من هذي التجربه درس ولك سلامي


__________________________________________________ __________

الله يهديك , حتى لو كان أخو صديقتك كان كلمتيه كلمة ورد غطاها مش تجلسين تجادلين ,أستفيدي من الي صار لك في المستقبل .

بالنسبة لمشكلتك فيه طريقة تعملين حظر لرقمه , أسألي عن الطريقة .

وهو لو شافك بنت صالحة ومتزنة راح يمل , بس أنتبهي وأنتبهي أنتبهي من حبائل الشيطان , ممكن يوهمك برسالة أنك أعجبتيه لأنك مارديتي عليه أو أنه يبي عنوان أهلك عشان يخطبك , ترى يااما صارت ووقع فيها كثير , وحتى لو صادق ماتصدقينه أبدا .
أي رسالة تجيك أمسحيها دايركت , وحصني نفسك وعليك بدعاء الكرب , ولاتخافين .
والبنت تنتبه لنفسها حبيبيتي والله يستر عليك وعلى بنيات المسلمين .


__________________________________________________ __________

مافي مشكله اختي اعطيه احد من اخوانك وقوليلهم الحقيقة انا اتصلت بصديقتي ودقيت غلط والاخ ماصدق يتصل علي لا تكبري السالفه واهم شي لا تخبي على اخوانك