عنوان الموضوع : صحبتي ! -لصحتك
مقدم من طرف منتديات نساء الجزائر

صحبتي !



بسم الله الرحمن الرحيم
يآجماعة والله مني عآرفة ايش اسوي ,,
اول شي انا بنت عمري 14 سنة تاني متوسط
لمن كنت اولى متوسط اتعرفت على بنت وصرنا صحبآت مرة الين سنة تاني صارت مشكلة بسيطة بيني وبينها واتزاعلنا تقريبا لمدة شهر وقالت عني كلام وعرفت انها تكرهني وبعدين اتصآلحنا وصراحة علاقتي معاها مو زي اول يعني ما امشي معاها زي اول ولا اتكلم معاها كتير وكل وحدة لاقتلها صحبآت تانيين بس والله انا اححبها مرة ومو عارفة انسآها بالمرة مع انو مع صحباتي الجداد ليا شهرين وزي العسل والله اححبهم ويحبوني بس مني عارفة انساه صحبتي هيا غير في قلبي مهما سوت فيا انا مسآمحتها صارت مشكلة اليوم بينها وبين صحبتها وجلست تبكي والله انقهرت اتمنيت اني ادافع عنها بس مني قادرة ادخل نفسي والله ساعدوني نفسي ارجع معاها زي اوول اححبها مرة ياريت تحس فيني والله اححبها اعز صحبة عندي ومهما سوت فيني احبهها مررررة

>>>>> ردود الأعضـــــــــــــــــــاء على الموضوع <<<<<
==================================


نصيحتي لاتوقفين وياها والي يبيعج بيعيه ولاتفكرين فيه
صدقيني لو انتي مكانها وصابج الي صابها .. حتى مافكرت فيج ولاطالعت ولا راح تجي تواسيج بعد
عاد مدري عن علاقتكم بس من كلامج استنتجت جذي وانتي اعلم مننا
لكن اذا تبين تتأكدين انها تحبج وكذا خلي وحده من صديقاتج الجداد وفهميها شنو بينج وبينها والقصه
وقوليلها انا احبها ومسامحتها وكل شي بس ابيج تروحين لها وتتعرفي عليها وتصاحبيها ومع الايام تسألينها وتقوليلها شنو رايج في فلانه (الي هي انتي) ومنها تعرفين غلاتج عندها او انج صفر بحياتها
ادري القصه شوي طويله ويبي لها وقت عاد هذا الي جاني والاخوات مايقصرون وياج ان شاءالله
بس بادليها بالنظرات من غير ماتجين تدافعين عليها ولاشي ومنها راح تعرفين ومع الايام اذا لقيتيلها تطالعج بعد تقربي منها زي مثلا بالمقصف روحي قريب منها او قدامها وشوفي ردة فعلها او بالطابور الصباحي خلج قريبه منها عاد هني اتوقع اكيد بيكون في شي (هذا اذا ردت لج النظرة وبادلتج وجلستو حق اسبوعين تتأكدين زيادة مو من نظرة تطيحين فيها لا أركدي شوي وشوفي وسوي) وربج معاج ويوفقج بس اهم شي لاترمين نفسج عليها وتبيني لها شفقتج وضعفج ولاتقلب عليج وتستغل طيبتج الزايدة وانج تحبيها وايد وماتستغنين عنها .. فشوي شوي وحبه حبه ولاتتسرعي
هههه طولت عليج ، بس حبيت اوضح لج عشان ماتصيري بموقف بايخخخ ><
وأخيرا قبل كل شي وقبل كل حركه فكري فيها زييييييين ودام انج عارفه شخصيتها وشنو ردة فعلها اذا حد سوا لها هالحركة انزين هني ابدي وسوي بس لازم تخططين لانها يمكن تقلب عليج لاتستغفلي هالكلمة
هههه وبس خلاص وربي يوفقج ويكون معاج ويعينج ، دعواااااتك


__________________________________________________ __________

ببساطه روحي لها وطلبي منها تجددين صداقتكن من جديد


__________________________________________________ __________

عادي حبيبتي روحي لها ؤقولي لها انك حابه ترجع صداقتكم مثل أول وأحسن.


__________________________________________________ __________


__________________________________________________ __________