عنوان الموضوع : اختي المراهقة وتصرفاتها الهمجية -لصحتك
مقدم من طرف منتديات نساء الجزائر

اختي المراهقة وتصرفاتها الهمجية



السلام عليكم
انا اختي مراهقة دايم تسمع اغاني وتشوف مسلسلات وتعاند امي
واحيان ترفع صوتها على امي وماتسمع كلامها بشكل مو طبيعي
ودايم تتلفظ علي بكلمات قلة ادب واللي يساعدها على هذا الاسلوب تاييد اختي الكبيرة المتزوجة لها.. اختي الكبيرة ماتحب امي ولا انا عشان كذا تحرضها علينا
واختي اهملت دراستها حتى في ايام الاختبارات تدخل ع النت بالساعات وتطول عليه
واحيان تلعب قيمزر وتتعرف على اولاد.. وانا نصحتها وهددتها اني اعلم عليها اهلي وبطلت.
واختي الكبيرة مخليتها عندها زي الخدامة تشيل لها اغراضها وتنقلها
واحيان تروحلها وهي تبي تنام وتقولها تعالي شيلي لي ذا الشي
وامي مررة متضايقة من هذا التصرف
ودايم تلوم نفسها واحيان تجي امي تقولي بقلب منكسر
فلانة(اختي الكبيرة) ماكانها بنتي.. احتار مدري شقول
بس اقولها الله يعوضك خير ياامي..ز
المهم انا ابغى حل منكم لاختي المراهقة عشان تنتبه لنفسها
وماتعصي امي المسكينة.ولاعاد تتلفظ بمثل هذه الالفاظ
ساعدوني واكن لكم شاكرة.

>>>>> ردود الأعضـــــــــــــــــــاء على الموضوع <<<<<
==================================


وين دور ابوكم بالبيت؟
صدقيني ماراح يردعها ويأدبها غيره
وامك حرمه ماتقدر عليها اكيد
واختك الكبيره الله يهديها ليه ماتحبكم
واختك المراهقه طالما تلاقي حد يشجعها راح تستمر بالعناد اللي هي فيه
بس لو عندك ابوك او اخوك بالبيت يربيها راح تتسنع وتمشي سيده
لان دايم هيبة الاب اكبر من الام
والام بالنهايه حنونه وماتقدر تأذي عيالها
الله يهدي اختك


__________________________________________________ __________

ياااعمري انتي دااايم الامهات مظلومات مع بناتهم..
الله يحفظلنا امهاتنا يارب
واختك اهجريها ولاتكلمينها يمكن هذا الاسلوب ينفع معها


__________________________________________________ __________

أختي لا تلومينها انا كنت مثلا بالزبط كنت اعاند امي واسمع كانوا البنات بالفصل يجبون الجوال ونرقص
وهذي فترررة المراهقة يعني لا تلومينها
وترا دور الأم بجميع الاحوال هي طيبة علي عيالها
بس الاب
انا كنت اخاف من ابوي وعشان كذا عقلت
الله يرحم ذيك الايام كانها ما مرت


__________________________________________________ __________

مرررررررررحبالاتشيلي هم اختي الغاليهبس حاولي تجلسي مع اختك وتذكريهاان عقوبة عاق الوالدين في الدنيا قبل الاخره واجلسي معاها وتقربي منها وحاولي تتقربي من اختك الكبيره بعدوزوريها وقدمي لهاهديهوقولي لها انها تكلم اختك المراهقه وتنصحها عشان تنحرج من نفسها وتبطل تحرضها


__________________________________________________ __________

خلي اخوك ولا ابوك يردعها زي ما قالوا البنات واختك الكبيره قوولي لها لا توقف مع الغلط وتترك اختك
وامك الله يعوضها خيير فيك وفي اخواتك ان شاء الله ولا تتركينها ودايم قولي لها ان اختك مراهقه وبتتعدل

والله ييسر اموورك