عنوان الموضوع : ذوقي متعبني لدرجةأهلي ملّو مني مجابة
مقدم من طرف منتديات نساء الجزائر

ذوقي متعبني لدرجةأهلي ملّو مني





السلام عليكم ورحمة الله وبركاته ...

مثل ماهو موضح بالعنوان ، ذوقي واااااايد صعب ومتعب ساعات ، وربي اتعقدت من نفسي وتعبت صار هالموضوع يقلقني كثيييييييير حتى لما ايجون اهلي ويقولون اليوم بنسير على السوق وربي احس حالي متلخبط واتوتر ساعات لاني اعرف اني مراح احصل ، مع اني احاول ويا نفسي واشجعها "لا أنا اليوم راح احصل ورح املي العربيه ملابس" واستغفرالله بس :" ، هذا وانا ابيت اهلي عاد شنو راح يصير لا اتزوجت وربي راح اعقد زوجي ابقوة وراح يمل مني ومن السوق وبيقول فحقي انتي ماتصلحين حق سوق ويومج بسنه وذوقج صعب ، والله احيانا الروحه اتكون على الفاضي وما ارجع فيها إلا بأشياء بسسسسيطة مثل الشبابيص والاطواق اشياء حتى ما احتاجها كثيييير لكن ابحس اني خرجت بشي ، لكن لمتى وانا على هالحال؟ ، والحين بيقرب العيد وحنا امخططين انا انقضي من الحين حق مابعد 3يوم العيد ونشتري حق 8-9 ملابس غير البجايم وجي وربي احس حالي متوترة واخاف ارجع من السوق وكالعاده ، نااااادر لما اكون ويا امي وتشد علي احصل وياليتها كم لبس إلا وحده وبلوزة ، وربي احس ابوي تعقد منا اهو على باله انا نطامر ونتشمى بالسوق ولا ليه ما اشتريتو شي؟ وانا والله مو جي مو محصلين اتعبت ، حتى لو ابي حق الموضه امي اتقول عادي لكن مو تجين للسوق عشان بلوزة ويمكن ما انحصلها .. انتي اشتري ولا حصلتي هذيك الي ببالك اشتريها ،
الحين يا بنات وربي احس حالي مخربطة ومتضايقة وصدق ابي اخلص الحين حق العيد وحق اول يوم للعيد ابخليها برمضان لانهم بينزلون اشياء جديده بعد لكن الحين لما بعد 3يوم العيد وخايفة ... الي ابي اعرفه من كانت مثلي واتحسنت وصارت متخرج من السوق إلا ومعها اكييييياس تملا الإيد؟ لا اتقولون اي شي اشتريه وربي مو اي شي يعجني جذي ذوقي ولا اعرف اتحكم فيه ، وعلى فكرة ان شريت شي مايعجبني ترى مثل قلته ولا ألبسه ومركون بالدولاب فعشان جذي انا تعبببببت ، وخاصة ان بعد العيد راح تكون فيه طلعات وخرجات واحس ماعندي شي حتى الحين بس اقعد اكرر على هالبلوزتين وانا متضايقة ولا ابي اخرج بس ماحد فاهمني وايقولون نعمة ، والله حتى البلايز مقطنه ويطلع منها شوي خيوط يعني انها قديمة وخلاص واهلي يجاملوني انها حلوة وجذي وماتستاهل .. طيب حتى انا بعد عاجبتني بس خلااااص انتهت مدة اللبس احس اي احد يشوفنا ايقولون شو هالفقر الي عندهم؟ الف مرة تجينا بهاللبس!
حبايبي انا ماحطيت هالموضوع إلا وانا واثقه فيكم انه ان شاءالله بتحصلون لي حل واتساعدوني واتخرجوني من هالهم الغبي واصير احلى واسرع ..واريح اهلي من لفلفة السوق ومششيته وتعبه .. وللعلم انا مو شرط اسير للسوق عشان موضه ، لأ إلي يناسبني سواء حق موضة او غيرها أهم شي يليق علي ، وبعد جهد جهيد عاد لاتزوجت شنو راح يصير ؟

معليييش اذا طولت عليكم بس صج تراني متعقدة وخاصة اني الحين جاية بعد ماكنا قبل شوي نناقش موضوع وطيران لهني لان بطني صارت اتزغزغني واتطلع اصوات حلوة مبشرةً بشي حلو وكلام يسعد القلب سأجده هنا بإذنه تعالى ..... هههههههه قلبتها فصحى
بلييييييييز لاتطنششون ، ورآح أدعي إلي تساعدني باللي تبييييييييه وإن ربي يوفقها بحياتها بعددد ،،،

>>>>> ردود الأعضـــــــــــــــــــاء على الموضوع <<<<<
==================================


يا حبيبتي أهلك لا ملوا منك ولا شي بالعكس عادي لكنهم يبونك تشدين حيلك وتعرفين إنتي زحمة الشوارع وقرفها
فهم ما أتوقع قصدهم عليك قصدهم على الروحه والرجعه ماهي سهله !
لاتحصري تفكيرك عليك وتهدمي نفسك عشان شي مايسوى ، عيشي حياتكككً وافرحي
اما بالنسسبه للموضوع والله انا بصراحه احيييييانا تجيني حاله مدري شيسمونها ؟
يعني احيانا تجيني حالة اني اروح للسوق وما احصل ولا شي واخرج وانا فاضيه
بس اوصل للبيت واندمممم وياليتني وياليتني وهذي تقريبا حالتنا انا وخواتي
لكن الحمدلله غير هذا اليوم لما نروح على الاقل نخرج بخمس ملابس وبجامتين وشنطه وكم اكسسوار
مو شرط بأول مرة تخرجين بكوومة ملابس ! وكأنك مفجوعة سووق ! هههع أمزح
بس أقصد يعني على الاقل في المرة الاولى تخرجين بثلاثه او اربعه مثلا بلايز وتنورة او بنطلون واحد
المرة الي بعدها برضه ثلاثه بلايز وشنطة واكسسوارات < لانك راح تطقمين حق الي قبل وعندك فكرة ايش لون ملابسك
اما التنورة والبنطلون اهم شي يكون عندك 3 مو شرط لكل لبس وكذا
مع اني احس ردي مو وافي ومو كذا قصدك بمعنى انك ماتعرفين تختارين وكذا؟ عن هذا والله ما اعرف افيدك والاخوات مارح يقصروآ معاكي ان شاء الله واكيد فيه ناس عندهم خبرة وبيفيدوك وتصيري أحلى واحسن ذوق ياااااااا رب ^^
الله يوفقك ويعينك وماتخرجين من السوق إلا وانتي مرتااااااحه ان شاء الله ^^


__________________________________________________ __________

طيب انت شوفي موديلات بالنت تصلح للعيد نن مةاقع الماركات
والي يعجبك روحي للمحل واشتريه

واحيانا اللبس احلى يكون لماتلبسيه
والذوق الصعب في كل بيت موجود بس انت لاتقولي كذا عن نفسك
قولي بالقى وصدقيني لا تتوترين ريحي بالك روحي السوق كانك تتمشين
يمكن المره الاولى ماتحصلين
المره الثانيه تلقين
واصا بغيتي تقوسي اللبس بالبيت
تمكيحي خفيف سوي شعرك باستايل يناسب اللبس والبسيه
عشان تريحي نفسك ان النتيجه تمام

ربي يعينك ويسهل امرك


__________________________________________________ __________

والله ذكرتيني بصاحبتي يوم نخرج معها حتى تشري

نمشي البلد كله شبر شبر

الله ييسرلك يااارب


__________________________________________________ __________

انزين لاتشيلين هم وخلي امج او اختج يساعدونج بالاختيار ولحلي نفسج
الحين بسألج سؤوال وجاوبيني بصراحه؟
هل كل بنت تشوفينها يعجبج لبسها ... وكل مرة؟؟؟
يعني اكيد ساعات حلو وساعات لأ
والناس بعد جذي بعضهم راح يعجبهم وبعضهم لأ
انا فاهمتج اهم شي انتي ترتاحين له لان انتي اكثر شي بتلبسينه
انتي عادي اهم شي الشكل حلو واللون ولما بتروجعين للبيت سوي لج بروفه وزبطي نفسج
وبتحبين لبسج وبتحبين نفسج وبتحبين ذوووقج بعد
اهم شي لاتعقدين حالج وخاصة الحين البلايز واااايد حلوة بالسوق وكلها موجودة بالنت بالسوق
روحي لهناك وخذي فكرة وشوفيها على اجسام الحريم ومنها بتشوفين شلي بيعجبج وبترتاحين
ومثل ماقالت لج امج لاتروحين وتحطين عينج على الي عجبج حق الموضه لأ
دوري يمكن تحصلين شي ثاني يعجبج ومثل ماقلت خلي اختج تساعدج ولاعاد تشيلين هم وتقلقين راسج وتشيلين هم ولا يستاهل وسهله بس انتي قوليها بصوت عالي انا اقدر اشتري انا مابخرج من السوق إلا ومعي كم لبس وفتحي عيونج ودوري انتي ونكشي لا تطالعين من برى لأ
ومثل ما اقول دااااااااايم/ تعب ساعه ولا تعب يوميييييين أو سنتين ، وربي ترتاحييييييين

وموففففففففففففقهه


__________________________________________________ __________

الله يعينك ويوفقك انتي وخواتك
ويحفظلك امك ..