عنوان الموضوع : أخاف من أمي .. الطبيب يجيب
مقدم من طرف منتديات نساء الجزائر

أخاف من أمي ..



أخواتي الفاضلات
السلام عليكم
أكيد بتتعجبون من العنوان
نعم ، أنا أخاف من أمي .. تصدقون ؟
وبتتعجبون أكثر إذا عرفتوا أني في كبيرة في السن
ومتزوجة وعندي أولاد وأحفاد !!
وللحين أخاف من أمي
ولا تتوقعون ان عندي شي غلط أخاف منه .. لا ولله الحمد ..
لكن أمي .. الكل يخاف منها الله يهديها
كل شي نسويه عندها خطأ
أن قلنا يمين قالت شمال
وان قلنا شمال قالت يمين
ان قلنا سوينا هذا الشي زعلت
وان قلنا ما سوينا زعلت
وتغضب غضب شديد وتسب وتدعي
كلنا نخاف منها
وبعضنا صار لا يهتم بغضبها
لكنها أمي
أخاف من ربي يحاسبني
ما ابيها تزعل مني طرفة عين
ودايما أحاول أرضيها بكل شي اقدر عليه
لكني أتعذب وأعيش في خوف وقلق من انها تزعل
اخوانها وخواتها ابتعدوا وقلوا اتصالهم فيها
تصوروا اني أشيل هم عظيم إذا بغيت أروح لها أو أكلمها بالتلفون لأني أخاف أقول شي ما يعجبها
من يوم كنا صغار وهي كل شي تهاوشنا عليه
وكبرنا وكبر معانا الخوف
ولولا لطف الله بنا والا ما ادري ايش كانت حالنا
الآن يا أخواتي أريد منكم تعلموني طريقة اني أترك هذا الخوف إذا بغيت اروح لها والا أكلمها .. حتى جلستنا العائلية اللي المفروض تكون أريحية وحميمية اذا اجتمعنا ، مع الأسف كلنا على أعصابنا .. كل واحد خايف يقول شي أو يسوي شي ....
لو ماكانت أمي ماكنت اهتميت
لكنها أمي
اذا زعلت أشك في نفسي وأخاف أن ربي يغضب علي
وكل ماقلت الحمدلله بديت أفهمها وأسوي لها اللي تبي ، تسوي لنا مشكلة جديدة الله يهديها ونجلس نفكر كيف نرضيها ...
أتعجب اذا سمعتهم يتكلمون عن حنان الام !!
اتعجب اذا شفت الاشعار والقصايد اللي توصف رحمة الام بعيالها !!
ما أصدق أقول أكيد يكذبون !!

ساااااعدوني الله يرضى عليكم ..

>>>>> ردود الأعضـــــــــــــــــــاء على الموضوع <<<<<
==================================


الله يهديها امك صح فيه نساء هيك شايفتهم تحيري شو بتعملي معهم
مالك شي الا انك تطيعيها هاي امك والحمدلله انت متزوجة وببيتك قدامها جاريها في كلشي ولما ترجعي بيتك سوي اللي بتحبيه
يعني مافيه حل نهائي
الله يكون بعونكم


__________________________________________________ __________

تتوقعين انك تلاقي حل سريع وفعال بطريقة معامله تتبعينها مع هذه الحاله؟؟؟!!!
مستحييييل ...الدعاااء ثم الدعاااء ثم الدعااااء مالك غيره


__________________________________________________ __________

حبيبتي والله ثم والله مهما كانت قسوتها بتعرفين قيمتها وتحسين بغلاتها اذا فقدتيها الله لايقوله واسألي اللي فاقدين امهاتهم،، امج عصبيه وهذي تركيبتها وشخصيتها مو عشان انتوا سوتوا اغلاط .. سوي اللي تقدرين عليه وقومي بواجبها وبري فيها ولاتفكرين بالنتايج ،، انتي اللي مخليج تخافين هو الوسواس اللي تارس صدرج ناحيتها ،، ريحي ضميرج طالما انتي قايمه فيها وبارتها ،، وكل شي تقوله قولي سمي وتامرين وعلى راسي حتى لوالكلام مو عاجبج او كنتي مو ناويه تنفذين اهم شي امتصي غضبها بلحظتها ،، ويمكن الوالده تعاني من ضغط او سكر اعطوها عذرها المرض يهد الحيل ويتعب النفسيه ،، وانتي اذا رحتي عندها دايم استغفري واشغلي بالج بذكر الله سبحانه عشان تطمن نفسيتج (( ألا بذكر الله تطمئن القلوب)) .. وياحياتي انتي انسانه فيج الخير وهالشي بيرجع لج بعيالج ان شاءالله وربي يجازيج جناته على حرصج على رضاها.


__________________________________________________ __________

ما دام ما بتعملي شي غلط لا توتري حالك ، ورب العالمين شايف قديش بدك رضاها ..
خلص خلي العلاقه احترام وانسي الكلام الي بتسمعي لانها هيك طبيعتها يعني ما رح تسبب الا المشاكل ، زوريها وسوي كل واجباتك اتجاها لكن لا تحملي نفسك فوق طاقتك ....
الله يفرجها عليك ...


__________________________________________________ __________

الله يهونها عليكي