عنوان الموضوع : سيبته خلاص بس بحبه وهو بيحبني مجابة
مقدم من طرف منتديات نساء الجزائر

سيبته خلاص بس بحبه وهو بيحبني




يا بنات انا اسفة اوي اني كتبت الموضع ده في القسم الغلط لاني مشوفتش القسم ده لما جيت اسجدل

انا النهاردة اصلا متلخبطة جدا

بس ارجوكوا انا تعبانة اووووووووووووي ومحتاجة افضفض معاكم

لاني خلاص مش قادرة افكر

انا بحب واحد جدااااااااااااااااااااااااااا كان زميلي في الكلية

اتعرفت عليه وحبيته جدا و فضلنا طول سنين الكلية سوا

و طول الفترة دي احنا كنا كويسين مع بعض جدا

و كان هو كل حاجة في حياتي و هو كمان حبني اوي

المشكلة بدات لما تخرجنا و بدانا نفكر ازاي نتجوز

هو ظروفة المادية متسمحش بجواز لانه معندوش شقة

وكمان مرتبه يا دوب بيصرف منه على نفسه وعلى البيت و اخته الصغيرة

لان ابوه محاسب ( اقصد ان مرتبه برده مش كبير )

بس هو ابن ناس جدا و متعلم كويس جدا وبيعرف لغات كمان

المهم عشان مطولش عليكوا هو جاتله فرصة سفر انه يشتغل بره

و قالي ان احنا نتجوز ونسافر و نبدا حياتنا بره و بصراحة انا موافقتش

لاني مش عايزة اسيب ماما واختي و بلدي وكده

فهو وقتها زعل جدا و قالي اني انانية ( لانه برده بيحب اخته جدااااااااااا وروحه فيها )

المهم قالي انا حتقدم برده و لو بباكي وافق يبقى انتي كمان توافقي

المهم انه اتقدم فعلا بس بابا موافقش و قاله ازاي عايزني اديك بنتي

تمرمطها بره وقاله لازم تجيب شقة في مصر وتجهزها

هو بابا شايفة شاب كويس جدا لكن ظروفه وحشة

المهم لما بابا رفضه قالي نسيب بعض و كان تعبان اوووووووووووووووي

و انا رفضت وقلتله اني مقدرش ابعد عنه

وانا كمان عارفة انه بيحبنيو مش حيقدر يستغنى عني

و بعدنا عن بعض شهرين كنت بكلمه كل يوم اتحايل عليه عشان نرجع

ورجعنا

بس المشاكل زادت بينا اوي اخرها اللي انا كاتبة الموضوع اصلا عشانها

عشان انا خلاص مش عارفة افكر ولا اقرر انا اتصرفت صح ولا لا

احنا اتقابلنا واتكلمنا سوا و هو ليه زميلة في شغله قابلناها وسلم عليها

و اتكلموا شوية و بصراحة انا حسيت بغيرة جامدة اوي من نحيتها رغم اني احلى منها

( على فكرة هو شكله حلو جدا و كمان اسلوبه في الكلام حلو وكده و البنات

ايام الكلية كان يقولها صباح الخير تروح تلزق فيه بس انا ايامها مكنتش بغير

لانه مكانش مغرور بشكله بالعكس هو طيب و حنين جدا و كمان لاني عارفه

قد ايه هوبيحبني لكن دلوقتي مش عارفة ايه اللي حصلي )

المهم كلمته و شدينا مع بعض بسببها فاضايق

لان احنا كنا بقالنا فترة متقابلناش و ان احنا بنتخانق كتير

و قالي اني ثقتي بنفسي اتدمرت فانا قولتله ان هو السبب لاني مش

حاسة معاه بالامان و انه مش بيعمل اي حاجة عشان علاقتنا تكون رسمي

المهم اتخانقنا وكل واحد روح بيته و بعدين قعدنا حوالي 3 اسابيع انا مش

بكلمه

( لاني في الوقت ده اتقدملي واحد تاني و انا كنت عايزة افكر بالعقل في

مستقبلي لان اصلا علاقتنا مسيرها حتنتهي )

بس هو كان عمال يتصل ويبعت رسايل و مش سايبلي فرصة اقرر براحتي

المهم كلمته امبارح وقلتله ان احنا مش حننفع نكمل سوا

وان احنا بقينا حمل على بعض ( بس مقولتلوش ان فيه واحد تاني متقدم)

هو في الاول قعد يتحايل عليا و قالي انه حيتقدم تاني وكان بيبكي

( على فكرة انا مش قاسية عليه انا اصلا كنت بتقطع من صوته وهو بيبكي بس صدقوني غصب عني )

المهم اني قولتله اني مصممة على موقفي

وعشان انهي المكالمة (لاني كنت بدات اضعف قدامه ) قلتله متتصلش و

متبعتش رسايل تاني لان اي كلام تافه مش حياثر

لقيته بيزعق و يقلي بكرهك وقفل في وشي التليفون

و عرفت انه كان كاتب الخاطرة دي في المنتدى اللي هو بيكتب فيه

ارواحنا في الصغر

كلوح زجاج مصقول

ناعم

شفاف



و كل ألم في الكبر

كل جرح

كل يأس



يترك شرخا

يؤرق انامل اصابعنا



يفقدنا ليونة الفكر

يسلبنا معزوفة الامل



لتتناثر ارواحنا

في نهاية الطريق

كشظايا سخيفة

ساذجة



كشظايا لحلم معطوب

ــــــــــــــــــــــــــــــــ



خاطرة مبعثرة ممزقة كروحي المصلوبة بالألم


يعني هو كان موجوع من قبل كده

مش من مكالمتي يعني

انا كده خلصت

مش عارفة اقولكوا ايه بس نفسي حد يحس بيا

انا فعلا بحبه لكن انا تعبت من القلق اللي انا عايشة فيه

نفسي اتجوز انسان تبقى علاقتي بيه في النور واحس بالامان معاه

و ابقى مطمنه انه خلاص بقى ليا مش واحد احتمال يسيبني في نص الطريق

( هو ساعتها مش حيغلب وحيلاقي الف واحدة تتمناه لكن انا مش حلاقي

عريس تاني زي ده فاهمني ؟)

انا عايزاكوا تردوا عليه بصراحة وانصحوني كاخت ليكوا

وانا عايزة حد يناقشني ويفكر معايا يعني ارجوكوا محدش يقرى ويمشي يديني رايه اي ان كان ارجوكوووووووووووووووووووا

و ياريت بلاش الردود المختصرة

و ارجوكوا بلاش تجريح في الردود

>>>>> ردود الأعضـــــــــــــــــــاء على الموضوع <<<<<
==================================


واللهي يااختي الله يريح بالك ويهدي سرك للكن .........هو يحبك وانتي بتحبيه طيب لو وافقتي على هذا الشخص الثاني حتبيه او حتسعديه لانو ملهوش ذنب طيب لو قعدتي معاه قعده زوجيه انتي فهماني طبعا حتشوفيه هو ولا حبيبك اقراي القران والله الهادي


__________________________________________________ __________

انتى كده اتصرفتى صح من ترك شيئا لله عوضه الله خيرا منه ولو الانسان التانى اللى تقدملك كويس وهيقدر يسعدك وافقى عليه وخلى علاقتكم فى النور وقدام كل الناس وعقة ترضى ربنا مافيهاش خوف من حد ولو على الحب بكره مع مرور الوقت والاولاد هتنسيه وهتهتمى ببيتك بس حاولى تطلعيه من دماغك مش هقولك انسيه لانك صعب تنسيه بسهولة بس حاولى انم تشغلى نفسك بخطيك فكرى فيه وفى مستقبلك وانتى ان شاء الله هتنسيه ربنا يوفقك يارب وابقى طمنينى عليكى


__________________________________________________ __________

وياريت تصلى استخارة


__________________________________________________ __________

السلآآآآآآآآم عليكم ورحمةة الله وبركآآآآآآآآتةة

اختي هو مستحيل اي احد ينسى حبة الاول
لكن تبقى هل يتذكره ويشعر بحب نحوه
او بالعكس يشعر بالكراهيه والحقد علية,,

هو طلبة خيالي
يعني تتركي اهلك وتسافري معاه
هو انتِ ضامنته100%
يمكن صح كلامك هذا:/

( هو ساعتها مش حيغلب وحيلاقي الف واحدة تتمناه لكن انا مش حلاقي

عريس تاني زي ده فاهمني ؟)



الصراحةة يااختي علاقتك كانت غير شرعية
واهلك مايعرفون عنها,,,
فأذا شي بدأ بغلط اكيد نهايته غلط,,
يعني نفترض تزوجتيه وانجبتي بنت
شنو شعورك من تشوفيها مصادقة احد وانتي ماتعرفيين
والمشكله هذا الي مصادقته يغير تفكيرها
ويريدها تسافر معاه ويكون اناني بهذا,,,
ما تحسين تتعصبي من هذا؟؟

فأنا اشوف العريس الجديد افضل
على الاقل انتي قرب امك واهلك,,,


نفترض الان انك رجعتي لحبيبك السابق
الان انتي عنك كفي ميزان
احدهما فيها حبيبك
والاخر فيه(مصر+امك +ابيك+عريس جديد كويس)

مع العلم انك ماضامنه حبيبك100%
والعريس الجديد شي مجهول بالنسبه لك لكن ابيك يعرفة وقريب منك

بس سؤال
لو العريس الجديد عرف انك كنتِ على علاقه بشاب اخر
شنو رده فعلة بأعتقادك؟؟


__________________________________________________ __________

المشاركة الأصلية كتبت بواسطة نمى ناظم
واللهي يااختي الله يريح بالك ويهدي سرك للكن .........هو يحبك وانتي بتحبيه طيب لو وافقتي على هذا الشخص الثاني حتبيه او حتسعديه لانو ملهوش ذنب طيب لو قعدتي معاه قعده زوجيه انتي فهماني طبعا حتشوفيه هو ولا حبيبك اقراي القران والله الهادي


انتي وجعتي قلبي اوي

ايوه انا بحبه اووووووووووووووي

و ندمانة اوي اني جرحته امبارح لما كلمته

بس واخرتها يا بنات

يعني اقضي عمري كله مستنياه

انا خلاص دماغي وقفت ومش قادرة افكر

و بالنسبة لسؤالك

الموضوع ده اكتر حاجة قلقاني

لاني عارفة فارس حنين قد ايه

و انه حيكون متفهم ومش حيضغط عليا في حاجة

وانا كمان عمري ما تمنيت انسان غيره

لكن هو فين؟

و يا ترى اصلا لو استنيته حنتجوز ولا لا؟

انا تعبانة اوي