عنوان الموضوع : حاسة حياتي مع زوجي وصلت للهاوية
مقدم من طرف منتديات نساء الجزائر

حاسة حياتي مع زوجي وصلت للهاوية



السلام عليكم ورحمة الله وبركاته

كيفكم يابنات انا بدي احكيلكم مشكلتي منه بفضفض ومنه بعرض عليكم تفاصيل صغيرة ولو كنتوا هتعتبروها تفاهات او أي شيء بس يمكن تعطيكم فكرة اكتر عن مشكلتي
انا متزوجة من 4 سنوات الفرق في السن بيني وبين زوجي 10 شهور ربنا رزقنا بولد واحد عمره 3 سنوات تجوزنا بعد قصة حب كان فيها كتير صعوبات واجهتنا من اللي حولينا اشخاص موافقين واشخاص غير موافقين ...ربنا سهل وتم زواجنا في بداية زواجنا متل الاغلبية كانت ظروفنا المادية صعبة شوي وكان زوجي يقولي بدي اياكي تساعديني وتتحملي عشان ظروفنا تتحسن .. في الاول كان بيشتغل في شركة وبعد شهرين تركهم وقال بدي افتح مكتب خاص فيني ماكان عنده مواعيد ثابته كان احيانا يخليني طول النهار وما يروح الا عالمغرب ومرات يرجع يطلع تاني واحينا كان يضل طول الليل في الشغل ويروح عالفجر (( كان يشتغل ماكان يكذب عليا )) وانا اقول معلش خليني اتحمل عشان ربنا يرزقنا و يفتحها علينا .. ضلينا حوالي سنتين وضعنا ماتغير كتير احيانا كان يسوء لابعد الحدود ومرات كان ربنا يفرجها بس من طبع زوجي انه على قد ماكان معوا فلوس بيصرفهم يعني معه ميه بيصرفهم ولا الف كمان بيصرفهم غير الديون يلي مابتخلص واللي بحسها خانقاني لاني مابحب الدين أبدا بس زوجي الله يسامحه من يوم ما تزوجنا لهاللحظه والديون ورانا وكتير بحكي معه وبنصحه يقولي كلامك صحيح وهعمل وهسوي .. بس مابيغير الحال نفسه .. طبعا نقطة تانية في زوجي الموبايل في ايده على طول مابيسكت حتى ونحنا بناكل اذا حدا اتصل فيه بيخلي كل شي ويكلمه (( ماكان يكلم بنات انا بعرف عشان ماتقولوا اني نايمة على وداني )) بس فيه شيء بتضايقني كتير بيقعد يحكيلي عن البنات اللي بيشتغلوا معاه حكي عادي بس كنت اتضايق ولما ازعل يقولي بعتبرهم اخواتي واصدقائي
في الفترة الاولى من زواجنا ورغم ان كان فيه مشاكل كتير بتحصل وهدا طبيعي بس كان فيه بينا حوار كنا بنحكي كتير مع بعض في أي شيء كان يضحك ويقولي انت مابتسكتي بتضلك ترغي ..بتصدقوا كنت افرح لاني انا بطبيعتي انطوائية وحكيي قليل حسيت اني تغيرت للاحسن
لما كانت تصير مشاكل بينا كان يجرحني كتير بالكلام وكنت ابكي كتير واحس سكاكين بتقطعني من جوا وبعدين ييجي ولا كأن فيه شيء ولوحاولت احكي يقولي سكري عالموضوع ولما اضل زعلانه يهاجمني ويطلعني انا الغلطانه ... انا مشكلتي مابعرف احكي مابعرف ادافع عن نفسي واخليها بقلبي واسكت .. مره كنت ببكي ومنهارة قالي لو هتموتي من البكي مش ههتم ولا هتأثر يومها حسيت فيه شيء في قلبي انكسر قلت لايمكن احسسه بضعفي او اخليه يشوف دموعي تاني حسيت انه مش هو الانسان اللي انا حبيته..
مرة بعد مرة بطلت اسكت وصرت لما يخانقني اخانقه كنت مهما وصلت المشاكل بينا ما احكي لأي شخص مهما كان وبعدين الاقي انه حاكي للكل اهلي واهله وحتى بعد مانكون تصالحنا اتضايقت كتير حاسة ان الكل بيحكي عنا وعن حياتنا حاولت كتير ما اشوه صورته قدام أي حد لقيته هو بيعمل العكس ولما اواجهه يعتذر ويقول مش هتتكرر وانه بيحبني

بعد الولادة حسيت فيه شيء اتغير ماعدنا نحكي متل اول لما بيقعد بالبيت بيضلوا قاعد عالكمبيوتر بيقولي عندي شغل طلعاتنا مع بعض خفت كتير وحتى لما بنطلع مابنحكي كلمتين على بعض واذا حكينا بيكون هو اللي بيتكلم بيحكيلي عن شغله وانا بسمع ولو حاولت احكي معاه بأي شيء بحسه مابيسمعني لانه كالعاده موبايله مابسكت ومن مكالمه لمكالمه ... رجعت متل اول واكتر انطوائية مابتكلم على طول زعلانه ومتضايقة ولو حاولت احكي معاه باللي بيحصل بينا بنتخانق وبيقولي انت السبب ..
صدقوني حاسه نفسي مخنوقه 24 ساعه بقعد مافي قدامي غير التلفزيون وشغل البيت مابلاقي حد احكي معه وهو مش حاسس فيني زهقت ... زهقت
من يومين كنا قاعدين رايقين وكان بيحكي عن حاله بدأت انا احكي لسه بحكي كلمتين في نقطة معينة وكمل هو الحديث وقعد يحكي عني يهاجم فيي بس بهدوء حسيت النار بتغلي جواتي غصب عني بكيت قلتله حتى يوم لما اكون متضايقة وبدي احكي وافضفض ما عندك استعداد انك تسمعني قلتله انا خلاص زهقت مش قادرة اتحمل هالعيشة قالي نحنا صار فيه بينا فتور وانت ماعدتي تحبيني وانا كمان صرت حاسس مشاعري عادية وطبعا اتهمني انا السبب .. قلتله انت السبب ياما قلتلك انشغالك عنا بالشغل 24 ساعه مش هينفعك ولا هينفعنا شوف لوين وصلنا وهالحين جاي بتقول صار بينا فتور وفجوة قلتله بدي حل انا خلاص مش قادرة اتحمل اكتر قالي ماعندي حل .....
ومن وقتها وانا حاسة راسي بدو ينفجر الافكار كتيرة بتاخدني ما بعرف ايش اعمل دلوني انصحوني بدي حياتنا ترجع حلوة بدي يحس فينا خايفة تمر السنين وما يتغير الوضع ويتعود اكتر على البعد وطبعا بالاخير انا يلي هكون خسرانة

>>>>> ردود الأعضـــــــــــــــــــاء على الموضوع <<<<<
==================================


انا برأيي ابعدي عنه يومين انتي بتغيري جو وهو بشتاق
قبل ما تطلعي من البيت اكتبيله رساله فيها كل شي بدك يعرفه عن شعورك وزعلك منه وحطيها في مكان واضح حتى يشوفها وغيبي عنه يومين انتي وولدك و خليه يشتاق


__________________________________________________ __________

هدي الدنيا ما تصفى لاحد
استغفري الله كثيرررررررررررررررررررررررر
وشوفي النتيجة


__________________________________________________ __________

هلقد انت تعبانة وما حدن رادد عليكي متل الناس؟؟؟؟؟؟؟؟؟؟؟؟؟؟
شوفي حبيبتي منيح كتير انك فضفضت عن قلبك شوية...........الحكي صدقيني بيساعد كتير وانت وعم تكتبي اكيد كنت عم تبكي وهيدا بيساعد اكتر ان نفسيتك ترتاح...........
اختي تقريبا كل الرجال ما بيقولو هم الغلطانين .........هذه مو مشكلة بس المشكلة الكبيرة بنظري ان دائما بيضع المشكلة فينا نحن النساء...........

حبيبتي ان بعرف الوضع يلي انت فيه ويمكن انا بعيش نفس وضعك مع اختلاف في بعض النواحي......
انك تتركي بيتك وابنك انا بقلك حيكون الموضوع كتيررررررررررررررررر صعب عليكي..........
بقلك حاولي تتعودي على طبعه ما عاد تحكيه وما عاد توجهي الحديث له........اسمعيه اسمعيه وهزي براسك وخليه يحس انك انت احسن منو وبتستمعيلو وقت يلي بيحكي..........
بينو وبين حالو بيعرف انك انت ما عم تغلطي ورح يحس انك افضل منو بكثير لانك بتحترمي حديثه......

اتركي الوضع على ما عليه صدقيني اختي لان انا متاكدة ان الحل الوحيد مع زوجك هو تركه لحتى يعرف قيمتك......بس هيدا الحل صعب كتيررررررررررر عليكي انا بعرف هيدا الشي
اي وقت بدك تفضفضي احكي قولي لاي شخص بترتاحيلو.......وكتير منيح للكومبيوتر على الاقل ما حدن بيعرفك وما حدن رح يجيب سيرة حياتكم بالعاطل ........وبتقدري تفشي خلقك شوية

الله يكون بعونك يا رب


__________________________________________________ __________

اختي اميرة الساحل وام ديالا ومن لبنان شكرا كتير على ردودكم ونصائحكم
اختي من لبنان بتشكرك كتير على كلامك اللي بيريح
حسيت ان فيه حدا حاسس فيني وارتحت ... ولو شوي
متل ماقلتي الفضفضة بتريح
ادعولي الله يهديني انا وزوجي ويبعد عنا المشاكل
يارب


__________________________________________________ __________

السلام عليك حبيبتي لقد تاثرت كثيرا لما قراته ، بارك الله فيك انت حساسة جدا ومتشبثة بحياتك الزوجية، احيانا يضعف الإنسان وتصعب عليه الأمور ولايعرف مايفعل كل ماقوله لك هو املئي قبلك بالإيمان وبقراءة القرآن والدعاء فالله قادر على تغيير الأحوال وأنصحك بتغيير حياتك لا تجادليه كثيرا ولاتشتكي من وحدتك املئي فراغك حاى لاتشعري بالملل اخلقي جو مرح ببيتك ولاتهتمي بما يقوله عنك فانت تقومين بأعظم عمل الست زوجة مؤمنة مطيعة لزوجها الست امّا حنونة صبورة هذا والله لشرف كبير لكل امراة حاولي ان تفضفضي عبر النات او ان تكون لك صديقة حميمة ترتاحين لها وأدعوا لك بهذا الدعاء ولي ولكل زوجة " اللهم اجعل زوجي لي سكنا واجعلني له سكنا" والله يحفظك ويهدي سرك يارب