عنوان الموضوع : زوجي حبيبي حرق قلبي
مقدم من طرف منتديات نساء الجزائر

زوجي حبيبي حرق قلبي



بسم الله الرحمن الرحيم رايحه اعلمكم مشكلتي من بداية زواجي للحين

والسالفه بتطول يعني تحمولنا

انا متزوجه من سنه ونص وكنت اعاني من ليلة الدخله لان المشكله اني مره مسكره يعني مقفله وحاولنا انا وزوجي بشتى الطرق وزوجي مره يحبني مره ممره وبيوم من الايام عطتني الدكتوره موعد عشان تسويلي فض غشاء البكاره ورحتها وكانت الصدمه طلعت حامل اشلون مدري قالت الدكتوره انه عندي فتحه بسيطه بالغشاء ادى للحمل وربي من الفرحه ماني مصدقه شي سبحان الله قادر على كل شي

والدكتوره قالت مع الولاده نفضه لك لاكن الحين مانقدر لان التخدير مضر لجنينك قلت لاوالله اني ابي النونو هذا حتى زوجي وربي انه فرحان ومتحملني بلا جماع سنه ونص

المهم بداية حمالي احس بدوخات وكرهت بيتي وجاني تنمل بيديني ورجليني وطبعا اهلي كلهم بمنطقه ثانيه واهل زوجي بعد وكان زوجي اهو الي يرعاني المهم دخلت الخامس ورحت ابي اشوف جنس النونو طلعتلي مشكله وهي ان المشيمه عندي من الدرجه الثلثه يعني كلها غطت عنق ارحم وطلبت مني الدكتوره الراحه التامه واني اهتم فقط بالنونو عشان ما انزف دم واروح فيها
فذيك الفتره اهملت بيتي ونفسي وصرت خايفه ااخسر الجنين وربي اني كنت اتروش بس بدون ما امشط شعري لان الجلوس مضر لي ولا البس لبس شياكه ولاشي وزوجي صار يطبخ وينضف وربي يابنات انه يروح الدوام احيانا استلامه 14ساعه ويجي يرتب البيت وربي اشفق عليه

اهملت نفسي وبيتي لاكن فيه شي ما اهملته حبي لزوجي صرت اعشقه بجنون واغار عليه واعطيه كل شي يعني رومانسيه وحنان وربي لدرجة اني انسا نفسي اني بمرحلة الخطر


ديم اعاتبه ودايم اشكيله ويشكيلي
ودايم اقوله تحبني يقولي اعشق الارض الي تمشين عليها

فترة ماكنت عروس ماتمتعنا بالجماع والسبب الغشاء وكنت اقوله خلاص رح تزوج وطلقني وربي كان يبكي يقولي ما ابي غيرك وما صدقفت اوصلك وخسرت كثير لعيونك وديون الزواج مايهموني لاني وصلتلك ترا ماكنا نعرف بعض بس كان اهله يتكلمون كثير عني والولد عشقني المهم

كنت اقوله لاتخونني وربي اموت لايجي يوم وتتزوج علي وربي بتجنن واكون بمستشفى المجانين وهو يضمني ويقولي بعد الشر عنك فكري بس بالي ببطنك معليك مني لاني انسان احبك وما فكرت بغيرك

شقتنا الي ساكنين فيها بنطلع منها والسبب راعيها يبيها وجا وقت سفري لاهلي عشان اكمل بقية الاشهر عندهم واولد وراح ابقى عند اهلي سبعة اشهر وربي انه رتب الاثاث والبيت وطبخلي بذاك اليوم مثل العاده واستلم راتبه واعطاني بيدي مثل كل شهر انا اتصرف فيه وانا الي اطلع مصروف البيت والاجار ومصروفي لانه صار كل شهر يعطيني بيدي مبلغ عشان انتو تدرون بكريه وحامل والولاده يبيلها لبس واشياء للتقديم وزينات ومفرش نفاس وكل شي والحمد لله مو مقصر حبيبي وشرا لاهلي كلهم هدايا حتى الشغاله ونسي اهله هذا من حبه لي رغم انه راتبه مو كبير بس يمشي الحال

وصلت لاهلي واهو معي قعد يوميين وبيرجع للدوامه وودعنا بعض ودموعنا ع خدنا يعني مابشوفه الا كل 40 يوم وقعدنا عايشين اجواء حلوه في ذيك الليله وبكا علي كثير وانه راح يفتقدني وانا بعد المهم زوجي

من النوع الي بس مايطلع مع ربعه كثير يطلع ساعتين كان ويرجع البيت

المهم قلتله لاتفكر بيوم تخونني وانا بعيده عنك قالي مستحيل اخونك انتي كل شي

\
وودعته وانا مافيني اتحمل شوفته وهو طالع من بيتنا

وصرنا نكلم بعض جوال
المهم جا بعد يومين شرا شريحة ثانيه ودق علي وقالي اخذت شريحه واهو من اول يبي يشتري لان جهازه ايفون جديد ومدخل فيه برامج كثير ورصيده كل مايشحن يخلص مايدري ليش بغمضة عين تروح

المهم دق علي وقالي هذا رقمي وقعدنا نسولف انا وياه ونضحك

جا اليوم الثاني يدق علي من شريحه ثانيه يقولي حصلتها بخمسه ريال يابلاش انا هنا شكيت بالموضوع
وقاعده اقوله ليش شريتها وانا اكلمه وبنفس الوق اخذت جوال شغالتنا وادق عليه بالخط وهو معي الين خلصنا كلامنا وقفل دق على جوال الشغاله

ورديت وقلت بالعب فيه غيرت صوتي وقلتله هذا جوال ساره قالي غلط بالنمره
وقعدت شوي ودقيت علي ويرد يقول الو وانا ساكته

واقفل وادق

رجع دق علي
يقول الو الو
الين قلتله الو بصوت دلع طبعا
والي قهرني وصدمني انه حبيبي وزوجي دخل معي
وقالي ليش ماتتكلمين

ومن هنا وهنا صار يتكلم ويقولي كلمه وربي اني انصدمت قالي صوووووته يهبل تصدقين انه صوتك يريح
وانا من داخلي ابكي
سالته انت مرتبط قالي لا قلتله مخطوب قالي لا بس يمكن قريب
وسالني وانتي قلتله بكلام من راسي اني بنت واني جامعيه وعمري23 وهو انهبل

قالي شوي واكلمك بعد المباره لو تسمحين قلتله عادي

خلصت المباره وخسر فريقه لان زوجي متعصب ويوم يخسر فريقه يجن جنونه ومايكلم احد ويروح ينام

خلصت المباراة ودقيت عليه انا زوجته وعايرته بفريقه وربي كان مبسوط وماهمه شي

وقعد يقولي يازوجتي ياحبيبتي ووحشتيني ومدري شنو وامسك جوال الشغاله اتحرا دقته ارسلتله رساله يافلان تراك طولت وهذا على طول قالي يلا انا مشغول

وقفل ودق على جوال الشغاله وقعد يسولف معي وهو مايدري انه انا ويتغزل بجمال صوتي

وانا ادق عليه من جوالي عشان اشوفه وربي انه بقمة الارتباك
كلمني شوي وقالي روحي نامي بكره اكلمك قلتله وين رايح قالي بروح اخذلي عصير وبنام
وقفل ورجع دق علا القمر ويتعذر ومايدري انها انا وربي كنت احس بنار بصدري

وكنت بطول معاه لمدة شهر بفضحه لما يجي عندي
بس ماقدرت

لاحظ علي التغير بنفس اليوم لاني قلتله رح لحبيبتك اهو قالي منهي
وانا بكيت وقالي مو قلتلك انا ذيب وعارف انه انتي

وربي اني سبيته وسفلت فيه وتفلت بوجهه
واهو يدق وانا اقفل
ما ابي اسمعه
ويرسل رسايل
ويقولي ادري انه انتي وهو كذاب

ااااااااااااااه بس لما قلتله المره الجايه ارسلي ورقة طلاقي وربي يابنات

زوجي صاح وقعد يصيح وانا ما اتحمل صياحه

ويترجاني ما اتخلا عنه ومايطلقني

وربي ان قلبي عورني بس كل ما تذكر غزله تقوم الشياطين براسي

ولانه كذب علي وتعبانه لي يومين كل ماسمعه يقول انت صوتك رومانسي وشكلك مره رومانسيه وهادئه وعلى هالصوت اتوقعك ملكه وربي يجن جنوني انه لوغيري كان الكلام بيكون موجه لوحده سافره
ارسلتله رساله وقلتله ادري اني ماعاد االبسلك واتكشخ لك وماعاد اتدلعلك بس اعذرني باحشائي ولدك وما ابي اخسره تحملني 9 شهور وبعدين بتشوفوهو يقولي لا احبك كذا



للمعلوميه قبل لاننزل الديره كنا باحضان بعض ودقني بكلمه
وقالي اتمنى وحده من صديقاتك تدق عليك وتقولك انا جايه قلتله ليه//؟

قالي عشان اشوفك بكامل زينتك وربي اني ما اهتميت للموضوع لاني كنت منومه// بس حسيت فيها لما عاكسني وهو مايدري انه انا


وربي اني خايفه يكلم بنات وانا من يومين مصدعه وما ابي ارد عليه وهو حارق الجوال اتصالات ورسايل

حلولي مشكلتي وش اسوي

>>>>> ردود الأعضـــــــــــــــــــاء على الموضوع <<<<<
==================================


تعوذي من ابلييس ولا تفكرين كثير انتي الي خليتيه يكلمك كانك بنت ثانيه
كان بحاله انتي الي جريتي عليه
خلاص ارتاحي لما تولدي
و هوا شاري رضاك ولا ماكان يبكي و يبغاك

الله يصلح الاحوال بينكم


__________________________________________________ __________

والله مشكلتك عويييييييييييييصه الله يكوووووووون بعونك ياربانا من رايي تروحين عنده او هو ياخذ اجازه ويجيك وشرايح الجواااااال خليه يكسرها ويخلي بس وحده معاه
انا اشوف واتوقع ان زوجك ماكان حول الغزل والحركاااات بس انتي فتحتي عيونه عليها بس حبيت اعطيك معلومه هذي موجوووده بعلم النفس اذا كنتي متشائمه مررره وتخافين يصير شي في المستقبل راح يصيرر خليك انسانه ايجاببيه مو سلبيه وزوجك لانو فاقد حناااان ويوم دقيتي عليه الشيطان لعب براسه وفتحتي عقله وعيونه على شغلات ماكن حولها والدليل انو انتي اللي مستمره في الاتصال
انا اشوف ومن رايي

اذا تبين تصدقين زوجك قوليله قول علي الحرااااام وعلي الطلااااق بالثلاث اني مااخونك ولا اكلم بنت غيرك ولا احب احد غيرك ولو خنتك تحرمين علي بالثلاث
شوفي حبيبتي والله اذا قال هذي راح تحسين بسعااااده فظيعه مرررره


__________________________________________________ __________

السلام عليكم شكله كذا طبعه يحب كل الحررريم البلاء مش فيكي البلاء منه
الحل مدامك حامل اهتمي في نفسك وسايريه وبعدين اذا جبتي النونو لكل حادث حديث التوتر والزعل والنكد مش في صالحك الحين
ردي عليه مهما كان زوجك وابو الولد بس خليكي ثقيله شوي شدي وارخي بس لا تعايرينه او تققلين من شأنه او شيء خليك ذكيه حتى ما يتطور الموضوع واصلا راح ينشغل بعدين بالبيبي ويشوف عيوونه الصغنووونه الكتكوووته مراح يقاااوم ههههههه
(اعذريني الطف الجو لكي حتى تفرفشي شوي) الدنيا مليانه استصغريها المشكله وادعي واستغفري كثييير وتددلي وتتدلعي لنفسك مو سواد عيييونه
مووفقه لا تتضايقي ولا تشيلي هم خليها في وقتها اهم شيء الكتكوت الصغنطوط ياارب يحفظه لك


__________________________________________________ __________

خبزن خبزتيه يالرفلا اكليه..
ليش تسوين المقلب دام عارفه راح تتعبيبن..

انا اشوف انك تعدلين امورك بنفسك بلا طلاق وخرابيط..
الغلا
الرجال كلهم مثل الاطفال اذا اعطيناهم العابهم صاروا احلا من العسل لنا واذا شدينا معهم وتؤركناهم راحوا يدور احد يعطينهم العاب.


لاتهاتوشين وتصارخين والله بيدور الراحه برا..

افتحي صفحه جديده معه


__________________________________________________ __________

اول شي ماااافي احد ماايغلط وبني ادم مو معصوم من الخطاء فما بالك اذا برجل تعود على امراه احبها ومع بكل شي وفجاه يفقدها وتاتي له امراه بصوت جميل يوجد به الغنج والدلع !!!!فالرجال مثل الاطفال مثل مااقالت الاخت الكريمه ...... والله سعيده من كانت تملك زوجا مثل مواصفات زوجك بس تذكري يوم كنتي تعبانه كيف كان يقوم يشتغل عنك ولم يبكي والله لو واحد غيره كان رامكي في بيت اهلك ولا تزوج عليكي والطلاق ابغض الحلال وتذكري بس حال المطلقات كيف ؟؟؟!!! والعوانس اللي تتنمى زوجا سندا لها بالحياه وطفلا يمل حياتها بالسعاده ؟؟؟!!! الارملات اللي تتمنى زوجها لو كان حي فااحمدي ربك على هذا زوج ولو هذا وزوج لم تحملي بطفل واتمنى ماتخذي قرارك وتنهي حياتك بطلاق انتي ذحين بفتره حمل افكار ومشاعرك مضطبرا ان شاء لم تولدي بسلامه وتذكري معي هذي الجمله (( دموع الرجل دائما تكون صادقه )) تبغي نصيحتي لاتتطلبي الطلاق وردي على اتصالاته ورسايله مهما كان هذا زوجك وابو طفلك ...... ولاتنسي الصلاه بجوف اليل والدعاه والاستغفار ............. والله يكتب لك الخير وين مااارحتي