عنوان الموضوع : محتاره كثير في انسان حبتو من كل قلبي ساعدونى
مقدم من طرف منتديات نساء الجزائر

محتاره كثير في انسان حبتو من كل قلبي ساعدونى



السلام عليكم ورحمة الله وبركاته


بصراحه بدخل فى الموضع على طول بدون مقدمات ولا شئ

انا محتاجه وقفتكم معاى .. الله يسعدكم يارب بقول لكم كل شئ ومعليه ادا طولت عليكم بالكلام
انا اتعرفت على شاب تقربيبا من 5 سنوات بداية تعارفنا على بعض كان مجرد تضيع وقت بالنسبه ليا انا لا كثر وتقريبا بالنسبه له هوا كمانا بس مع مرور الايام اتغيرت اشياء كثيره وبدءت احب الانسان هادا وكنت مقرره ما اعترف له بحي له غير لمن يعترف هو على اساس ما احط نفسي بوقف محرج انا احبو وهوا لا

المهم تقريبا بعد سنه ونص قال لى انه يحبني وكدا ... وهوا وقتها كان يدرس فى نفس المدينه اللى انا ساكنه فيها وكثير فرحت فوق ما تتصور حسيت الدنيا كلها مهى واسعتنى وانى اسعد انسانه بالكون بس لمجرد عرفت انه يحبني

وخلص دارسة وراح للمدينه اللى عايش فيها واشتغل وفاتحني بي موضوع انا كنت شايلتو من راسي ليش معرررف ( موضوع الزواج ) صح فرحت وانبسطت كثير

بس بدءت افكر فى اشياء كثيره موضوع انى راح اعيش مع ناس انا ما اعرفها وبلده انا ما اعرف عنها شئ وبعيده عن اهلى ..

غير كدا بدءنا نختلف كثيييييييييييييير حتى فى ابسط الاشياء
بس برضو بنرجع نتفق على طول
مشكلتو انو ما يحب يتافهم ولا يتحاور لا يعني لا بدون نقاش وبدون اى كلمه

انا الحين ما راح اخبي عليكم وهوا كمانا حاس بنفس الشئ هادا انى معد سرت احبو زى زمان
حتى انا ملاحظه الشئ هادا وبستير مشاكل كثير ومن اتفه الاسباب
طبعا موضوع الزواج اتأجل لانو فصل من الشغل وقاعد لين دحين يدور على وظفيه
وانا فى داخل نفسي قلت الحمد الله انو اتاجل الموضوع لانو احنا ماسار بننا شئ والمشاكل بدءت كيف لو اتزوجنا

عارفين شو الشئ اللى قاهرني انو المشاكل بتسير من امور تافه جداااا
راح اقولكم على شئ سار اليووم
طبعا هوا يبغاني مجرد مايرن جوالى يبغاني ارد
راح اقولكم من بداية الموقف وانتو احكمو من الغلطان ( قلى انا راح انام قلت له طيب المهم انا خلاص خليت الجوال فى الغرفه ونسيتو طبعا لمن جيت تقريبا بعد 4 ساعات لقيت من 10 مكالمات ورسالتين كاتب فيها ) ( خلا يا ..... لا تتصلى عليا ولا انا معد راح اتصل عليكي ) الرساله الثانيه ( كلام زايد ما ابغا ) انا رحت واتصلت عليه وقعد يصارخ ويزعق قلت له من تهداء وتروق كلمنى وقفلت المهم فى الاخير اتصالحنا

انا عارفه طولت عليكم بس بجد منى عارفه حاسه نفسي وسط البحر ومنى عارفه فين اروح يمكن البعض يقلى ابعدي عنو بس بجد ما قدرت حاااولت كثير فوق ما تتصور بس ما قدرت في شئ فى داخلى ما ابغاه يبعد عنى ابغاه يكون جنبي طول الوقت وفي نفس الوقت ابغاه يتغير ابغاه انسان ذوق ولبق زى زمان اول ما اتعرفت عليه حتى الالفاظ السئيه ما يقولها اما الحين عادي اقول له عيب المفروض قدامي ما تقول كدا يقول طيب اسف بس يقلى خلاص انتى حببتي وحياتي وكل شئ يعنى اتعودت عليا
حتى بعض الاحيان لمن يجي يقول لو اتزوجنا راح اعملك كدا وكدا اقول له وانا مالى يقول ليش انتى ما تبغني ما تحبنى انتى اتغيرت عليا
صح انا اعترف انا اتغيرت كثير عن يوم ما اتعرفنا على بعض بس ليش منى عاااارفه
بكل صراحه يابنات هوا كثثثيييير طيب وحنون ما يحب يزعلنى وادا زعلنى يراظنى ويحاول يخلنى مبسوطه دايمن على طول يخاف عليا كثير وهادى الشئ اللى بيعمل مشاكل خوفو الزايد عليا
انا تعابنه كثيييييييييير منى عارفه ايش اعمل ابدا تقريبا بدايه ما اتعرفنا كنت كل يوم اشوفو بس الحين 3 سنوات ونص ما شوفتو

مع العلم انا عمري 22 وهوا كمانا 22 داخلين 23 بعض الاحيان اعذر عصبيتو لانو هوا عندو السكر عشان كدا بيكون عصبي بس لا زم يمسك اعصابو مو من كل شئ يعصب
اعطنى حللللللللل ساعدونى لانو له كم يوم يقول ليا بتقدم لك تخيييييلو بس يبغا يتقدم ليا وهوا ما عندو وظيفه بجننى اقلو كيف نعيش وكيف المصاريف وكدا يقول ان شاء الله القي شغل بجننى رسمي

>>>>> ردود الأعضـــــــــــــــــــاء على الموضوع <<<<<
==================================


الخيرة فيما اختارها الله استخيري والله يكتبلك ولد الحلال


__________________________________________________ __________

الله يعووووووووووووووووووووضضكك


__________________________________________________ __________

انهي علاقتك وياه .. وانتهت كل مشاكلك وانحلت المشكله والله يوعضك ان شاء الله
يعني انتي تاحين ما مرتاحه مع الناس اللي بتعيشين معاهم اذا بتتزوجينه وحتى المكان بعيد عن اهلك وما مرتاحه له .. وغير هاي إنك ما متفهامه معاه وكل شوي تتهاوشون (تتشاجرون)
فـ ممكن اعرف انتي ليش تكلمينه وعلاقتك ليحن وياه ؟!


__________________________________________________ __________

أستغفر الله العظيم وأتوب إليه


__________________________________________________ __________

فين يااختي 5 سنوات عشرة ذي ..!كثير م نسمع هالمشاكل وواحبة وماادري ايةة وتنتهي هاالعلاقات90 بالميةة بالفشل..م فيةة علاقاات وحب قبل الزواج ولو حدث مصيرهاا للطلآق ..فارجعي نفسسك واصحي من الغفلة اللي انتي فيهاا ..الله يهديك ويصلح ححالك